கோவில்களுக்கு செல்லும் விசுவாசிகளை கேலி செய்யாதீர்கள்; திராவிடக் கட்சிகள் வியூகத்தை மாற்ற வேண்டும் -வைகோ

சென்னை

மறுமலர்ச்சி  திராவிட முன்னேற்ற கழக  பொதுச் செயலாளர் வைகோ முன்னாள் முதலமைச்சர் சி.என். அண்ணாதுரையின் பிறந்த நாளை முன்னிட்டு நடத்திய விழாவில் பேசும் போது  திராவிடக் கட்சிகள் வியூகத்தை மாற்ற வேண்டும்.  மாற்றத்தை ஆதரிப்பதும், கோவில்களுக்கு  சென்று வழிபடுவோரின் உணர்வுகளை மதிக்க வேண்டியதன் அவசியத்தை வலியுறுத்தி பேசியது பலரின்  புருவங்களை உயர்த்த வைத்தது

“நீங்கள் [கடவுளை] நம்பவில்லை என்றால், நீங்கள் கோவிலுக்குச் செல்லத் தேவையில்லை. கோவில்களுக்கு செல்லும்  விசுவாசிகளை கேலி செய்யாதீர்கள்,” என்று  வைகோ  பேசினார். தனது குடும்பத்தினரால் கட்டப்பட்ட தனது கிராமத்தில் சுந்தரபெருமாள் கோயிலை புதுப்பிக்க அவர் எடுத்த முயற்சிகளை நினைவு கூர்ந்தார்.

கோடிக்கணக்கான பக்தர்கள் மதுரை மீனாட்சி கோயில், திருப்பதி, சிதம்பரம் மற்றும் காஞ்சீபுரம் (ஆத்திவரதரை வணங்குவதற்காக) வருகை தருவதால் திராவிட மூலோபாயம் திருத்தப்பட வேண்டும். "ஆனால்  வீரமணி (திராவிடர்கழக  தலைவர்) என்னுடன் உடன்படவில்லை," என்று அவர் கூறினார்.

மேலும் அவர் பேசும் போது தனது வாதத்தைத் தெரிவிக்க, திமுக தலைவர் கூட காலத்திற்கு ஏற்ப தனது மூலோபாயத்தை மாற்றிக்கொண்டார், மேலும் சனாதன தர்மத்தின் ஆதரவாளர்களின் கைகளுக்கு அதிகாரம் வருவதைத் தடுக்க வேண்டியது அவசியம் என்றும் கூறினார்.

வைகோ போன்ற தலைவர்கள் இந்து மதத்தை ஒருபோதும் பகிரங்கமாக விமர்சிக்கவோ, ஏளனம் செய்யவோ இல்லை என்பது குறிப்பிடத்தக்கது.

திமுக தலைவர் மு.க. ஸ்டாலின், கடந்த காலங்களில், அவரும் அவரது கட்சியும் இந்துக்களுக்கு எதிரானவர்கள் அல்ல என்பதையும், அவரது கட்சி தொண்டர்கள்  மற்றும் குடும்ப உறுப்பினர்கள் கூட கோவில்களுக்குச் சென்றிருந்தார்கள் என்பதையும் தெளிவுபடுத்தி உள்ளார். திமுகவை இந்து விரோத கட்சியாக சித்தரிக்கும் முயற்சி இருப்பதாக அவர் குற்றம் சாட்டியிருந்தார் என்பது குறிப்பிடத்தக்கது.