மாநில செய்திகள்

இடைத்தேர்தல் வெற்றியின் மூலம் அ.தி.மு.க. மக்கள் இயக்கம் என நிரூபிக்கப்பட்டு உள்ளது முதல்-அமைச்சர் பேச்சு + "||" + By-election victory The People's Movement has proven to be the first ministerial speech

இடைத்தேர்தல் வெற்றியின் மூலம் அ.தி.மு.க. மக்கள் இயக்கம் என நிரூபிக்கப்பட்டு உள்ளது முதல்-அமைச்சர் பேச்சு

இடைத்தேர்தல் வெற்றியின் மூலம் அ.தி.மு.க. மக்கள் இயக்கம் என நிரூபிக்கப்பட்டு உள்ளது முதல்-அமைச்சர் பேச்சு
இடைத்தேர்தல்களில் கிடைத்த வெற்றியின் மூலம் அ.தி.மு.க. மக்கள் இயக்கம் என்பது நிரூபிக்கப்பட்டுள்ளது என்று முதல்-அமைச்சர் எடப்பாடி பழனிசாமி பேசினார்.
தர்மபுரி,

தமிழக உயர்கல்வித்துறை அமைச்சரும், தர்மபுரி மாவட்ட அ.தி.மு.க. செயலாளருமான கே.பி.அன்பழகன்- மல்லிகா ஆகியோரின் மகன் என்ஜினீயர் ஏ.சசிமோகன், சென்னையை சேர்ந்த கே.மனோகரன்-குமுதம் ஆகியோரின் மகள் என்ஜினீயர் எம்.பூர்ணிமா ஆகியோரின் திருமண வரவேற்பு விழா தர்மபுரி மாவட்டம் காரிமங்கலம் அருகே நேற்று நடைபெற்றது.


விழாவில் முதல்-அமைச்சர் எடப்பாடி பழனிசாமி தலைமை தாங்கி மணமக்களை வாழ்த்தினார். விழாவில் அவர் பேசியதாவது:-

தமிழக உயர்கல்வித்துறை அமைச்சர் கே.பி.அன்பழகன் ஜெயலலிதாவின் அன்பை பெற்றவர். 2001-ம் ஆண்டு முதல் இதுவரை ஒரே தொகுதியில் போட்டியிட்டு தொடர்ந்து எம்.எல்.ஏ.வாக மக்களால் தேர்ந்தெடுக்கப்பட்டு பல்வேறு துறைகளின் அமைச்சராக பணியாற்றியவர். தர்மபுரி மாவட்டத்தில் அரூர், பாப்பிரெட்டிப்பட்டி ஆகிய 2 சட்டசபை தொகுதிகளில் நடைபெற்ற இடைத்தேர்தலில் அயராது உழைத்து அ.தி.மு.க. வேட்பாளர்களை வெற்றிபெற செய்து இந்த மாவட்டம் அ.தி.மு.க.வின் கோட்டை என்பதை நிரூபித்து உள்ளார்.

கே.பி.அன்பழகன் கடந்த 2016-ம் ஆண்டு முதல் உயர்கல்வித்துறை அமைச்சராக பொறுப்பேற்று சிறப்பாக பணியாற்றி வருகிறார். உயர்கல்வித்துறையில் சிறந்த நிர்வாகம் காரணமாக இந்தியாவிலேயே உயர்கல்வி கற்போர் எண்ணிக்கை அதிகம் உள்ள மாநிலமாக தமிழகம் உருவாகி உயர்கல்விதுறையில் முதலிடம் பெற்று உள்ளது. உயர் கல்வியில் ஒரு சகாப்தம், வரலாறு படைக்கப்பட்டுள்ளது.

அண்மையில் நடந்து முடிந்த விக்கிரவாண்டி, நாங்குநேரி சட்டசபை தொகுதிகளுக்கான இடைத்தேர்தல்களில் அ.தி.மு.க. அதிக வாக்குகள் வித்தியாசத்தில் வெற்றி பெற்றது. அதன் மூலம் அ.தி.மு.க. ஒரு மக்கள் இயக்கம் என நிரூபிக்கப்பட்டுள்ளது. அ.தி.மு.க.வின் வலிமையை மக்கள் மன்றத்தில் நிரூபித்துள்ளோம். அ.தி.மு.க.வின் வலிமையை மக்கள் வாக்குகள் மூலம் உணர்த்தி உள்ளனர்.

இவ்வாறு முதல்-அமைச்சர் எடப்பாடி பழனிசாமி பேசினார்.

தொடர்புடைய செய்திகள்

1. தமிழ்நாட்டில் குழந்தை தொழிலாளர்கள் இல்லாத சமூகத்தை உருவாக்க வேண்டும் அமைச்சர் ஓ.எஸ். மணியன் பேச்சு
தமிழ்நாட்டில் குழந்தை தொழிலாளர்கள் இல்லாத சமூகத்தை உருவாக்க வேண்டும் என்று அமைச்சர் ஓ.எஸ்.மணியன் பேசினார்.
2. எல்லாவற்றுக்கும் எதிர்ப்பு காட்டக் கூடாது: சகிப்புத் தன்மையை இழந்தால் அழிவு ஏற்படும் துணை ஜனாதிபதி பேச்சு
எல்லாவற்றுக்கும் எதிர்ப்பு காட்டக் கூடாது. சகிப்புத் தன்மையை இழந்தால் அழிவு தான் ஏற்படும் என்று துணை ஜனாதிபதி வெங்கையா நாயுடு கூறினார்.
3. அனைத்து தரப்பு மக்களுக்கும் உணவு அளிக்கும் விவசாயிகளை, ஸ்டாலின் கொச்சைப்படுத்த வேண்டாம் எடப்பாடி பழனிசாமி பேச்சு
அனைத்து தரப்பு மக்களுக்கும் உணவு அளிக்கும் விவசாயிகளை, ஸ்டாலின் கொச்சைப்படுத்த வேண்டாம் என வைத்திலிங்கம் எம்.பி. இல்ல திருமண விழாவில் முதல்-அமைச்சர் எடப்பாடி பழனிசாமி கூறினார்.
4. டெல்டா மாவட்டங்கள் வேளாண் மண்டலமாக அறிவிப்பு: அ.தி.மு.க. அரசு, உழவர்களின் அரசு ஓ.பன்னீர்செல்வம் பேச்சு
டெல்டா மாவட்டங்கள் பாதுகாக்கப்பட்ட வேளாண் மண்டலமாக அறிவித்துள்ள அ.தி.மு.க. அரசு, உழவர்களின் அரசு என தஞ்சையில் நடந்த திருமண விழாவில் ஓ.பன்னீர்செல்வம் கூறினார்.
5. மின்வாரியத்தில் கேங்மேன் பணிக்கு தேர்வு ஒரு மாதத்துக்குள் நடத்தப்படும் அமைச்சர் தங்கமணி பேச்சு
மின்வாரியத்தில் கேங்மேன் பணியிடங்களுக்கான தேர்வு ஒரு மாதத்துக்குள் நடத்தப்படும் என அமைச்சர் தங்கமணி கூறினார்.

அதிகம் வாசிக்கப்பட்டவை