இனிய நண்பர் ரஜினிக்கு இதயமார்ந்த பிறந்தநாள் வாழ்த்துக்கள்; திமுக தலைவர் மு.க ஸ்டாலின் டுவிட்
இனிய நண்பர் ரஜினிக்கு இதயமார்ந்த பிறந்தநாள் வாழ்த்துக்கள் என்று திமுக தலைவர் மு.க ஸ்டாலின் டுவிட் செய்துள்ளார்.
சென்னை,
நடிகர் ரஜினிகாந்த் இன்று தனது 70-வது பிறந்த நாளை கொண்டாடுகிறார். ரஜினிகாந்தின் பிறந்த நாளை முன்னிட்டு அவருக்கு திமுக தலைவர் மு.க ஸ்டாலின் பிறந்த நாள் வாழ்த்துக்களை தெரிவித்துள்ளார்.
மு.க ஸ்டாலின் டுவிட்டரில் வெளியிட்டுள்ள வாழ்த்துச்செய்தியில், “ எழுபதாவது ஆண்டில் அடியெடுத்து வைக்கும் இனிய நண்பர் ரஜினிக்கு இதயமார்ந்த பிறந்தநாள் வாழ்த்துக்கள். ரஜினி நல்ல உடல் - மனநலத்துடனும், வளத்துடனும், மிக நீண்ட வாழ்க்கை வாழ வாழ்த்துகிறேன்” என்று தெரிவித்துள்ளார்.
அதேபோல், நடிகரும் மக்கள் நீதி மய்யம் கட்சியின் தலைவருமான கமல்ஹாசன் வெளியிட்டுள்ள பிறந்த நாள் வாழ்த்துச் செய்தியில், “ அன்பர் நண்பர் திரு.ரஜினிகாந்துக்கு நல் ஆரோக்கியமும், வெற்றியும் பல்லாண்டு தொடர இந்நாளில் வாழ்த்துகிறேன். உங்கள் நான்” என்று பதிவிட்டுள்ளார்.
Related Tags :
Next Story