<
பள்ளிகள் அனைத்தும் 6-ம் தேதி திறக்கப்படும் - பள்ளிக்கல்வி துறை அறிவிப்பு
பள்ளிகள் அனைத்தும் 6-ம் தேதி திறக்கப்படும் என பள்ளிக்கல்வி துறை அறிவித்துள்ளது.
சென்னை,
தமிழக அரசின் கீழ் செயல்படும் அனைத்து வகையான பள்ளிகளுக்கும் டிசம்பா் 23-ம் தேதி அரையாண்டுத் தோ்வு முடிவடைந்தது. தோ்வுகள் முடிந்ததும் டிசம்பா் 24-ம் தேதி முதல் ஜனவரி 1-ம் தேதி வரை விடுமுறை அளிக்கப்பட்டது. ஜனவரி 2-ம் தேதி பள்ளிகள் மீண்டும் திறக்கப்படும் என்று பள்ளிக்கல்வி துறை ஏற்கனவே அறிவித்திருந்தது.
இதற்கிடையே உள்ளாட்சித் தோ்தல் வாக்கு எண்ணிக்கை நடைபெறுவதையொட்டி தோ்வு விடுமுறை நீட்டிக்கப்பட்டு ஜனவரி 3-ம் தேதி (இன்று) பள்ளிகள் திறக்கப்படும் என்று அறிவிக்கப்பட்டது. எனினும் பள்ளி திறப்பை மேலும் ஒரு நாள் தள்ளிவைக்க ஆசிரியா் சங்கங்கள் கோரிக்கை விடுத்தன.
அரையாண்டு தேர்வு விடுமுறைக்கு பின் இன்று (3-ம் தேதி) பள்ளிகள் திறக்கப்படும் என அறிவிக்கப்பட்டநிலையில், உள்ளாட்சித் தோ்தல் வாக்கு எண்ணிக்கை தொடர்ந்து நடைபெற்று வருவதால் நாளை (4-ம் தேதி) பள்ளிகள் திறக்கப்படும் என அறிவிக்கப்பட்டது.
இந்தநிலையில், அரசு மற்றும் அரசு உதவிபெறும் பள்ளிகள் அனைத்தும் ஜனவரி 6-ம் தேதி (திங்கட்கிழமை) திறக்கப்படும் என பள்ளிக்கல்வித்துறை அறிவித்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
