மாநில செய்திகள்

குரூப் 4 முறைகேடு : சி.பி.ஐ. விசாரணைக்கு உத்தரவிடக்கோரி உயர்நீதிமன்ற மதுரைக் கிளையில் மனு + "||" + Group 4 issue: Petition to High Court Madurai Branch to order CBI inquiry

குரூப் 4 முறைகேடு : சி.பி.ஐ. விசாரணைக்கு உத்தரவிடக்கோரி உயர்நீதிமன்ற மதுரைக் கிளையில் மனு

குரூப் 4 முறைகேடு : சி.பி.ஐ. விசாரணைக்கு உத்தரவிடக்கோரி உயர்நீதிமன்ற மதுரைக் கிளையில் மனு
குரூப் 4 முறைகேடு தொடர்பான விசாரணையை சி.பி.ஐ.க்கு மாற்ற உத்தரவிடக் கோரி உயர்நீதிமன்ற மதுரைக் கிளையில் மனுத்தாக்கல் செய்யப்பட்டுள்ளது.
சென்னை,

கடந்த ஆண்டு செப்டம்பர் மாதம் நடந்த குரூப்-4 தேர்வில் பல்வேறு முறைகேடுகள் நடந்திருப்பதாக புகார் எழுந்ததையடுத்து, டி.என்.பி.எஸ்.சி. நிர்வாகம் நடத்திய விசாரணையில் அந்த தேர்வில் தவறுகள் நடந்திருப்பது உறுதியானது.

அதன்படி, 99 தேர்வர்கள் இந்த முறைகேட்டில் ஈடுபட்டு இருப்பதை டி.என்.பி.எஸ்.சி. கண்டுபிடித்தது. அவர்கள் அனைவரும் தேர்வு எழுதுவதற்கு வாழ்நாள் தடைவிதித்து உத்தரவு பிறப்பிக்கப்பட்டது.

இந்த நிலையில் டி.என்.பி.எஸ்.சி. செயலாளர் நந்தகுமார், சார்புச் செயலாளர் பாலசுப்பிரமணியன் ஆகியோர் கொடுத்த புகாரின் பேரில் சி.பி.சி.ஐ.டி போலீசார் வழக்குப்பதிவு செய்து விசாரணை நடத்தி வருகிறார்கள். இந்த முறைகேடு வழக்கில் இடைத்தரகர்களாக செயல்பட்டவர்கள், முறைகேடு செய்து தேர்வு எழுதி வெற்றி பெற்றவர்கள் உள்பட மொத்தம் 13 பேர் இதுவரை கைது செய்யப்பட்டுள்ளனர்.

இந்நிலையில் குரூப் 4 முறைகேடு தொடர்பான விசாரணையை சி.பி.சி.ஐ.டி போலீசிடம் இருந்து சி.பி.ஐ.க்கு மாற்ற உத்தரவிடக்கோரி உயர்நீதிமன்ற மதுரைக் கிளையில் மனுத்தாக்கல் செய்யப்பட்டுள்ளது.

குரூப் 4 மட்டுமின்றி சீருடை பணியாளர் தேர்விலும் முறைகேடு நடந்ததாக தகவல் வெளியாகியுள்ளதால், இதனை சி.பி.சி.ஐ.டி விசாரித்தால் உண்மை வெளியே வராது என்று மனுதாரர் தரப்பில் தெரிவிக்கப்பட்டுள்ளது. மேலும் சி.பி.ஐ. விசாரணையை உயர்நீதிமன்ற நீதிபதி கண்காணிக்க வேண்டும் என்றும் கோரிக்கை விடுக்கப்பட்டுள்ளது.

தொடர்புடைய செய்திகள்

1. மைக்ரோசாப்ட்டுக்கு ஒப்பந்தம் வழங்கியதில் முறைகேடா? - டிரம்பை விசாரிக்க ‘அமேசான்’ கோரிக்கை
மைக்ரோசாப்ட் நிறுவனத்திற்கு ஒப்பந்தம் வழங்கியது தொடர்பாக டிரம்பை விசாரிக்க ‘அமேசான்’ கோரிக்கை விடுத்துள்ளது.
2. குரூப்-4, குரூப்-2 தேர்வு முறையில் அதிரடி மாற்றம்: ஆதார் கட்டாயம் ஆகிறது; தேர்வு மையங்களை ஆணையமே ஒதுக்கீடு செய்யும்
குரூப்-4, குரூப்-2 தேர்வுகளில் முறைகேடு அம்பலமானதை தொடர்ந்து தேர்வு முறையில் அதிரடி மாற்றங்களை டி.என்.பி.எஸ்.சி. நிர்வாகம் மேற்கொண்டு உள்ளது.
3. கிராம நிர்வாக அதிகாரி தேர்விலும் முறைகேடு: ரூ.15 லட்சம் கொடுத்து வேலைக்கு சேர்ந்தவர் சிக்கினார்
ரூ.15 லட்சம் கொடுத்து வேலைக்கு சேர்ந்த கிராம நிர்வாக அதிகாரி சி.பி.சி.ஐ.டி. போலீசில் சிக்கினார். இதன்மூலம் 2016-ம் ஆண்டு நடந்த குரூப்-4 கிராம நிர்வாக அதிகாரி தேர்விலும் முறைகேடு நடந்துள்ளது வெளிச்சத்துக்கு வந்துள்ளது.
4. 100 நாள் வேலை திட்டம்: நரிக்குடி யூனியனில் ரூ.31 லட்சம் முறைகேடு - விசாரணை நடத்த கலெக்டர் உத்தரவு
நரிக்குடி யூனியனில் உள்ள ஆண்டியேந்தல் பஞ்சாயத்தில் 100 நாள் வேலை திட்ட நிதியில் ரூ.31 லட்சம் முறைகேடு நடந்துள்ளதாக தெரியவந்துள்ள நிலையில் இதுகுறித்து விசாரணை நடத்தி நடவடிக்கை எடுக்க கலெக்டர் உத்தரவிட்டுள்ளார்.
5. குரூப்-4 முறைகேடு வழக்கில் தேடப்பட்ட போலீஸ்காரர் சித்தாண்டி அதிரடி கைது மனைவியை பிடிக்கவும் சி.பி.சி.ஐ.டி. தீவிரம்
குரூப்-4 தேர்வு முறைகேடு வழக்கில் தேடப்பட்ட போலீஸ்காரர் சித்தாண்டி, சி.பி.சி.ஐ.டி. போலீசாரால் கைது செய்யப்பட்டார். அவருடைய மனைவியை பிடிக்கவும் தீவிர நடவடிக்கை எடுக்கப்பட்டு வருகிறது.