<
டெல்லி சட்டசபை தேர்தலில் மீண்டும் வெற்றி: கெஜ்ரிவாலுக்கு மு.க.ஸ்டாலின் வாழ்த்து
டெல்லி சட்டசபை தேர்தலில் மீண்டும் வெற்றி பெற்ற கெஜ்ரிவாலுக்கு மு.க.ஸ்டாலின் வாழ்த்து தெரிவித்துள்ளார்.
சென்னை,
டெல்லியில் நடந்து முடிந்த சட்டமன்றத் தேர்தலில், ஆம்ஆத்மி கட்சி அமோக வெற்றி பெற்று மீண்டும் ஆட்சியை பிடித்துள்ளது. முதல்-மந்திரியாக அரவிந்த் கெஜ்ரிவால் தொடர இருக்கிறார். அவருக்கு தமிழக அரசியல் கட்சி தலைவர்கள் வாழ்த்து தெரிவித்துள்ளனர்.
தி.மு.க. தலைவர் மு.க.ஸ்டாலின், தனது டுவிட்டர் பக்கத்தில் வெளியிட்டுள்ள வாழ்த்து செய்தியில், “மாபெரும் தேர்தல் வெற்றி மூலம், டெல்லியில் மீண்டும் ஆட்சியமைக்க இருக்கும் அரவிந்த் கெஜ்ரிவாலுக்கும் மற்றும் ஆம் ஆத்மி கட்சிக்கும் எனது வாழ்த்துகளை தெரிவித்துக்கொள்கிறேன். வளர்ச்சி - வகுப்புவாதத்தை வீழ்த்தும் என்பதற்கான தெளிவான நிரூபணம் இது. நாட்டின் ஒற்றுமைக்காக நாம், கூட்டாட்சி உரிமைகள் மற்றும் பிராந்திய விருப்பங்களை வலுப்படுத்த வேண்டும்” என்று கூறியுள்ளார்.
இதேபோல் கேரள முதல்-மந்திரி பினராயி விஜயன், மேற்குவங்காள முதல்-மந்திரி மம்தாபானர்ஜி, ராஷ்டிரிய ஜனதா தள மூத்த தலைவர் மனோஜ் ஜா, கர்நாடக முன்னாள் முதல்-மந்திரி குமாரசாமி உள்ளிட்டோரும் வாழ்த்து தெரிவித்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
