மாநில செய்திகள்

சட்டசபை, மேலவை முன்னாள் உறுப்பினர்களுக்கு ஓய்வூதியம் ரூ.25 ஆயிரமாக உயர்வு - எடப்பாடி பழனிசாமி அறிவிப்பு + "||" + Pension increase for former members of the assembly and over Rs 25 thousand - Edappadi Palanisamy

சட்டசபை, மேலவை முன்னாள் உறுப்பினர்களுக்கு ஓய்வூதியம் ரூ.25 ஆயிரமாக உயர்வு - எடப்பாடி பழனிசாமி அறிவிப்பு

சட்டசபை, மேலவை முன்னாள் உறுப்பினர்களுக்கு ஓய்வூதியம் ரூ.25 ஆயிரமாக உயர்வு - எடப்பாடி பழனிசாமி அறிவிப்பு
சட்டசபை, மேலவை முன்னாள் உறுப்பினர்களுக்கு ஓய்வூதியம் ரூ.25 ஆயிரமாக உயர்த்தப்படுவதாக சட்டசபையில் முதல்-அமைச்சர் எடப்பாடி பழனிசாமி அறிவித்தார்.
சென்னை,

சட்டசபையில் நேற்று நடைபெற்ற மானியக் கோரிக்கை விவாதத்திற்கு இடையே முதல்-அமைச்சர் எடப்பாடி பழனிசாமி அறிவிப்பு ஒன்றை வெளியிட்டார். அப்போது அவர் கூறியதாவது:-

சட்டமன்ற உறுப்பினர்கள் பதவியில் இருக்கும்போது இறக்க நேரிட்டால் அவர்கள் குடும்பத்திற்கு தற்போது ரூ.2 லட்சம் வழங்கப்பட்டு வருகிறது. அது 1-4-2020 முதல் ரூ.5 லட்சமாக உயர்த்தி வழங்கப்படும். சட்டப்பேரவை, மேலவை முன்னாள் உறுப்பினர்களுக்கு ஓய்வூதியமாக ரூ.20 ஆயிரம் 1-7-2017 முதல் வழங்கப்பட்டு வருகிறது. அது 1-4-2020 முதல் ரூ.25 ஆயிரமாக உயர்த்தி வழங்கப்படும். இதனால் அரசுக்கு ஆண்டொன்றுக்கு ரூ.5 கோடியே 47 லட்சத்து 20 ஆயிரம் கூடுதல் செலவினம் ஏற்படும்.

சட்டமன்றப் பேரவை, மேலவை முன்னாள் உறுப்பினர்களின் சட்டமுறை வாரிசுதாரர்களுக்கு மாதக் குடும்ப ஓய்வூதியமாக ரூ.10 ஆயிரம் 1-7-2017 முதல் வழங்கப்பட்டு வருகிறது. அது 1-4-2020 முதல் ரூ.12,500 ஆக உயர்த்தி வழங்கப்படும். இதனால் அரசுக்கு ஆண்டொன்றுக்கு ரூ.1 கோடியே 21 லட்சத்து 80 ஆயிரம் கூடுதல் செலவினம் ஏற்படும். ஒவ்வொரு நிதியாண்டிலும் முன்னாள் சட்டமன்ற உறுப்பினர்களுக்கு 1-7-2018 முதல் ரூ.30 ஆயிரம் மருத்துவப்படி வழங்கப்பட்டுவருகிறது. அது 1-4-2020 முதல் ரூ.50 ஆயிரமாக உயர்த்தி வழங்கப்படும். இதனால் அரசுக்கு ஆண்டொன்றுக்கு ரூ.1 கோடியே 82 லட்சத்து 40 ஆயிரம் கூடுதல் செலவினம் ஏற்படும்.

சட்டமன்ற மேலவை, பேரவை முன்னாள் உறுப்பினர்களுக்கு 1-3-1995 முதல் தமிழ்நாடு அரசுக்கு சொந்தமான போக்குவரத்துக் கழக பஸ்களில் இலவசமாக பயணம் செய்வதற்கு முன்னாள் உறுப்பினர்களுக்கு மட்டுமே அடையாள அட்டை வழங்கப்பட்டது. உறுப்பினர்கள் 1-4-1997 முதல் தமிழ்நாடு அரசுக்கு சொந்தமான அனைத்து போக்குவரத்துக் கழக பஸ்களில் உறுப்பினர்கள் தனியாகவோ, வாழ்க்கைத் துணையுடனோ அல்லது உதவியாளர்களுடனோ இலவச பயணம் மேற்கொள்ள வழிவகை செய்யப்பட்டது.

தற்போது குளிர்சாதன இருக்கை மற்றும் படுக்கை வசதி கொண்ட பஸ்களில் பயணம் செய்ய தங்களை அனுமதிக்க வேண்டும் என்று முன்னாள் சட்டமன்ற உறுப்பினர்களிடம் இருந்து கோரிக்கைகள் வரப்பெற்றுள்ளது. சட்டமன்ற உறுப்பினர்களிடம் இருந்தும் இதே கோரிக்கைகள் வரப்பெற்றுள்ளது. எனவே, அவர்களது கோரிக்கைகளை ஏற்று, இனி படுக்கை வசதி கொண்ட குளிர்சாதன பஸ்களில் சட்டமன்ற உறுப்பினர்கள், முன்னாள் சட்டமன்ற உறுப்பினர்கள், முன்னாள் மேலவை உறுப்பினர்கள் மட்டும் பயணம் செய்ய அனுமதிக்கப்படுகிறார்கள். மேலும், அவர்களது வாழ்க்கைத் துணை அல்லது உதவியாளர்கள் குளிர்சாதன இருக்கைவசதி கொண்ட பஸ்களில் மட்டும் பயணம் செய்ய அனுமதிக்கப்படுவார்கள் என்பதை தெரிவித்துக்கொள்கிறேன். இவ்வாறு அவர் கூறினார்.

தொடர்புடைய செய்திகள்

1. சட்டசபை கூட்டத் தொடர் இன்றுடன் நிறைவு - ப.தனபால் அறிவிப்பு
சட்டசபை கூட்டத் தொடர் இன்றுடன் நிறைவடையும் என்று சபாநாயகர் ப.தனபால் அறிவித்துள்ளார்.
2. சட்டசபை கூட்டத்தை ஒத்திவைக்க மறுப்பதாக கூறி எதிர்க்கட்சிகள் புறக்கணிப்பு
சட்டசபை கூட்டத்தை ஒத்திவைக்க மறுப்பதாக கூறி தி.மு.க. உள்ளிட்ட எதிர்க்கட்சி உறுப்பினர் கள் சட்டசபையை புறக்கணித்து வெளியேறினார்.
3. சட்டசபைக்குள் அதிகாரிகளுடன் அமைச்சர்கள் பேசுவதை தவிர்க்க வேண்டும் - தி.மு.க. எழுப்பிய ஒழுங்கு பிரச்சினை
சட்டசபைக்குள் அதிகாரிகளுடன் அமைச்சர்கள் பேசுவதை தவிர்க்க வேண்டும் என்று எதிர்க்கட்சி துணைத் தலைவர் துரைமுருகன் குறிப்பிட்டார்.
4. சட்டசபை கட்சி பதவியை பிரித்தால் விலகுவேன் காங்கிரஸ் மேலிடத்திற்கு சித்தராமையா எச்சரிக்கை
சட்டசபை கட்சி பதவியை பிரித்தால் விலகுவேன் என்று காங்கிரஸ் மேலிடத்திற்கு சித்த ராமையா எச்சரிக்கை விடுத்துள்ளார்.
5. சட்டசபையில் ‘தினத்தந்தி’க்கு ஓ.பன்னீர்செல்வம் நன்றி
சட்டசபையில் ‘தினத்தந்தி’ நாளிதழுக்கு ஓ.பன்னீர்செல்வம் நன்றி தெரிவித்தார்.