மாநில செய்திகள்

சென்னையில் மேலும் 4 போலீஸ்காரர்களை கொரோனா தாக்கியது + "||" + Corona attacked 4 more policemen in Chennai

சென்னையில் மேலும் 4 போலீஸ்காரர்களை கொரோனா தாக்கியது

சென்னையில் மேலும் 4 போலீஸ்காரர்களை கொரோனா தாக்கியது
சென்னையில் மேலும் 4 போலீஸ்காரர்களை கொரோனா தாக்கியது.
சென்னை, 

கொரோனா நோய்த்தொற்று உள்ள இடங்கள் ‘சீல்’ வைக்கப்பட்டு, அங்கு 24 மணி நேரமும் போலீசார் பாதுகாப்பு பணியில் ஈடுபட்டு வருகின்றனர். கொரோனா தனிமைப்படுத்தப்பட்ட பகுதிகளை தீயணைப்பு வீரர்கள் கிருமிநாசினி கலந்த தண்ணீர் மூலம் சுத்தப்படுத்தி வருகிறார்கள்.

இந்தநிலையில் போலீஸ்காரர்கள், தீயணைப்பு வீரர்களும் கொரோனா பிடியில் சிக்கி வருகிறார்கள். கொரோனாவின் கூடாரமாக செயல்பட்ட கோயம்பேடு மார்க்கெட்டில் பாதுகாப்பு பணியை கண்காணித்த துணை போலீஸ் கமிஷனர் உள்பட போலீஸ்காரர்களையும் கொரோனா தாக்கியது.

2 உதவி கமிஷனர்களும் கொரோனா தொற்றால் பாதிக்கப்பட்டனர். டி.ஜி.பி. அலுவலக போலீசாரும் கொரோனா பிடியில் சிக்கினர். சென்னையில் போலீஸ்துறையை சேர்ந்த 67 பேர் கொரோனா தாக்குதலுக்கு உள்ளாகினர். இதில் கொரோனாவின் பிடியில் இருந்து துணை கமிஷனர் உள்பட சில போலீஸ்காரர்கள் மீண்டு உள்ளனர். தற்போது டாக்டர்கள் அறிவுரையின்படி அவர்கள் தங்களை வீட்டிலேயே தனிமைப்படுத்தி உள்ளனர்.

எப்படி தாக்கியது?

இந்தநிலையில் சென்னை போலீஸ் கமிஷனர் அலுவலக மத்திய குற்றப்பிரிவு போலீஸ்காரர், பல்லாவரம் போலீஸ்காரர், புதுப்பேட்டை ஆயுதப்படை போலீசார் 2 பேர் என 4 போலீஸ்காரர்கள் கொரோனா பாதிப்புக்கு உள்ளாகி உள்ளனர். இதில் மத்திய குற்றப்பிரிவு போலீஸ்காரரும், பல்லாவரம் போலீஸ்காரரும் கொரோனா தொற்று கட்டுப்பாடு பகுதிகளில் பாதுகாப்பு பணியை மேற்கொண்டு வந்தவர்கள்.

ஆயுதப்படை போலீசார் 2 பேரும் சென்னை கோயம்பேடு மார்க்கெட்டில் பாதுகாப்பு பணியில் ஈடுபட்டு இருந்தவர்கள் என்று தெரிய வந்துள்ளது.

தற்போது 4 போலீஸ்காரர்களும் சிகிச்சைக்காக அரசு ஆஸ்பத்திரிகளில் அனுமதிக்கப்பட்டு உள்ளனர். அவர்கள் குடும்பத்தினரும், அவர்களுடன் பணியாற்றிய போலீஸ்காரர்களும் கொரோனா பரிசோதனைக்கு உட்படுத்தப்பட்டு உள்ளனர். தற்போது கொரோனா பாதித்த போலீஸ் காரர்கள் எண்ணிக்கை 71 ஆக உயர்ந்து உள்ளது.


தொடர்புடைய செய்திகள்

1. சென்னை, காஞ்சீபுரம், திருவள்ளூர், செங்கல்பட்டு மாவட்டங்களில் மின்சார கட்டணம் செலுத்த கால அவகாசம்
சென்னை, காஞ்சீபுரம், திருவள்ளூர் மற்றும் செங்கல்பட்டு மாவட்டங்களுக்கு மின் கட்டணம் செலுத்த கால அவகாசம் வழங்கப்பட்டு உள்ளது. இதுகுறித்து தமிழ்நாடு மின்சார வாரியம் வெளியிட்டுள்ள செய்திக்குறிப்பில் கூறப்பட்டு இருப்பதாவது.
2. சென்னை, செங்கல்பட்டு, காஞ்சீபுரம், திருவள்ளூர் தவிர தமிழ்நாட்டில் இன்று முதல் பஸ் போக்குவரத்து அனைத்து கடைகளும் திறக்க அனுமதி
சென்னை, செங்கல்பட்டு, காஞ்சீபுரம், திருவள்ளூர் மாவட்டங்கள் நீங்கலாக தமிழகம் முழுவதும் இன்று முதல் பஸ் போக்குவரத்து தொடங்குகிறது. அனைத்து பெரிய கடைகளை திறக்கவும் அனுமதி அளிக்கப்பட்டுள்ளது.
3. சென்னை ராயபுரம் மண்டலத்தில் 2500-ஐ நெருங்கும் கொரோனா வைரஸ் பாதிப்பு
சென்னை ராயபுரம் மண்டலத்தில் கொரோனா வைரஸ் பாதிப்புக்கு உள்ளானவர்களின் எண்ணிக்கை 2500-ஐ நெருங்குகிறது.
4. சென்னையில் கொரோனா நோயாளி தற்கொலை - ஆஸ்பத்திரியில் தூக்கில் தொங்கினார்
சென்னையில் கொரோனா நோயாளி ஒருவர் ஆஸ்பத்திரியில் தூக்கிட்டு தற்கொலை செய்துகொண்டார்.
5. சென்னையில் இருந்து மணிப்பூர் சென்ற வாலிபருக்கு கொரோனா தொற்று
சென்னையில் இருந்து மணிப்பூர் சென்ற வாலிபருக்கு கொரோனா தொற்று உறுதி செய்யப்பட்டுள்ளது.