பெட்ரோல், டீசல் விலையில் மாற்றம் எதுவும் இல்லை

சென்னை,

பெட்ரோல், டீசல் விலையில் தொடர்ந்து  15-வது நாளாக எந்த மாற்றமும் இன்றி விற்பனையாகிறது.  சென்னையில்,  ஒரு லிட்டர்  பெட்ரோல் 75.54 ரூபாயாகவும், டீசல் 68.22 ரூபாயாகவும் விற்பனையாகிறது.   பெட்ரோல், டீசல் விலை மீதான மதிப்பு கூட்டு வரியை கடந்த மே 3 ஆம் தேதி தமிழக அரசு உயர்த்தியது. 

பெட்ரோல் மீதான மதிப்பு கூட்டு வரி, 28-ல் இருந்து , 34 சதவீதமாகவும், டீசல் மீதான வரி, 20 -ல் இருந்து , 25 சதவீதமாகவும் உயர்த்தப்பட்டது.  அதனால், பெட்ரோல் விலை லிட்டருக்கு, 3.26 ரூபாயும், டீசல் விலை, 2.51 ரூபாயும் உயர்ந்தது.  இந்த விலை உயர்வு, மே 4 -முதல் அமலுக்கு வந்தது.  அதன்பிறகு தமிழகத்தில் பெட்ரோல், டீசல் விலையில் மாற்றம் எதுவும் இல்லை.