நெல்லையில் இன்று மேலும் 228 பேருக்கு கொரோனா தொற்று உறுதி

நெல்லை,

தமிழகத்தில் கொரோனாபாதிப்பு நாளுக்கு நாள் அதிகரித்து கொண்டே செல்கிறது. நேற்று ஒரேநாளில் தமிழகத்தில் 4,965 பேருக்கு  கொரோனா தொற்றால் பாதிக்கப்பட்டுள்ளனர். இதன்மூலம் பாதிக்கப்பட்டோரின் எண்ணிக்கை 1,75,678 ஆக அதிகரித்துள்ளது. 

நெல்லை மாவட்டத்தில் கொரோனா தொற்றால் பாதிக்கப்பட்டோரின் எண்ணிக்கை அதிகரித்து வருகிறது. குறிப்பாக கடந்த சில நாட்களாக புதிய உச்சத்தை தொட்டே தொற்று உறுதி செய்யப்பட்டு வருகிறது.

இந்நிலையில் நெல்லை மாவட்டத்தில் இன்று காலை நிலவரப்படி மேலும் 228 பேருக்கு கொரோனா தொற்று இருப்பது உறுதி செய்யப்பட்டுள்ளது. இதனால் அங்கு பாதிப்பு எண்ணிக்கை 3,079 ஆக உயர்ந்துள்ளது. இதுவரை மாவட்டத்தில் 225 பேர் மருத்துவமனைகளில் சிகிச்சை பெற்றுவருகின்றனர். நெல்லையில் 1,614 நபர்கள் நோய் தொற்றிலிருந்து குணமடைந்து வீடு திரும்பியுள்ளனர். 

நெல்லையில் கொரோனா பாதிப்பு தொடர்ந்து அதிகரித்து வருவதால் அம்மாவட்ட மக்கள் அச்சத்தில் உள்ளனர்.