மாநில செய்திகள்

குளிர்ந்த காற்றுடன் சென்னையில் இதமான சாரல் மழை: ரம்மியமான காலநிலை நிலவியது + "||" + Pleasant showers in Chennai with cool winds: pleasant weather prevailed

குளிர்ந்த காற்றுடன் சென்னையில் இதமான சாரல் மழை: ரம்மியமான காலநிலை நிலவியது

குளிர்ந்த காற்றுடன் சென்னையில் இதமான சாரல் மழை: ரம்மியமான காலநிலை நிலவியது
சென்னை மற்றும் புறநகர் பகுதிகளில் காலை முதல் மாலை வரை குளிர்ந்த காற்றுடன் சாரல் மழை பெய்ததன் காரணமாக ரம்மியமான காலநிலை நிலவியது.
சென்னை, 

சென்னை மற்றும் அதன் புறநகர் பகுதிகளில் வளிமண்டல காற்றழுத்தம் காரணமாக நேற்று முன்தினம் கனமழை பெய்தது. இந்த நிலையில் நேற்றும் அதிகாலை முதலே சென்னை மற்றும் புறநகர் பகுதிகளில் சாரல் மழை பெய்ய தொடங்கியது. சென்னை எழும்பூர், சென்டிரல், அண்ணாசாலை, புரசைவாக்கம், திருவல்லிக்கேணி, கோடம்பாக்கம், நுங்கம்பாக்கம், தியாகராயநகர், மயிலாப்பூர், கோயம்பேடு, மாதவரம், மூலக்கடை, கொளத்தூர், திருவான்மியூர், செங்குன்றம், புழல் என சென்னை நகரம் முழுவதும் மற்றும் புறநகர் பகுதிகளிலும் சாரல் மழை விட்டு விட்டு பெய்து கொண்டிருந்தது. இந்த இதமான சாரல் மழை மாலை வரை தொடர்ச்சியாக பெய்து கொண்டு இருந்தது.

இதனால் குளிர்ந்த காற்றுடன் ரம்மியமான காலநிலை நீடித்தது. சில இடங்களில் மழை வெளுத்து வாங்கியது. இதனால் தாழ்வான பகுதிகளில் மழை நீர் தேங்கி நின்றது. சாரல் மழை காரணமாக மோட்டார் சைக்கிள்களில் சென்றவர்கள் நனைந்தபடி சென்றனர். மழையால் வாகனங்கள் ஊர்ந்து சென்றன. இதன் காரணமாக பூந்தமல்லி நெடுஞ்சாலை, கோடம்பாக்கம் நெடுஞ்சாலை, கோயம்பேடு 100 அடி சாலை, கத்திப்பாரா சந்திப்பு, அண்ணா சாலையின் பிரதான இடங்களான நந்தனம், கிண்டி போன்ற இடங்களில் போக்குவரத்து நெரிசல் காணப்பட்டது.

மேலும், மழை காரணமாக தியாகராயநகர் ரங்கநாதன் தெரு பகுதிகளில் ஆள்நடமாட்டம் குறைவாக காணப்பட்டது. இதே போன்று மைலாப்பூர் மார்க்கெட் பகுதிகளிலும் மக்கள் நடமாட்டம் குறைவாக காணப்பட்டது.

சாலைகளில் ஆங்காங்கே காணப்பட்ட குண்டு குழிகளில் மழை வெள்ளம் தேங்கி நின்றது. தொடர் மழை காரணமாக வெயிலின் தாக்கம் குறைந்து இதமான குளிர்ச்சி நிலவியது.


தொடர்புடைய செய்திகள்

1. கொரோனா பாதிப்பில் இருந்து மீண்டு வரும் சென்னை மாநகரம்
கொரோனா பாதிப்பில் இருந்த சென்னை மாநகரம் படிப்படியாக மீண்டு வருகிறது.
2. சென்னை கொரோனா நிலவரம்: தொற்றிலிருந்து மீண்டவர்கள், சிகிச்சையில் இருப்பவர்கள்
இன்றைய நிலவரப்படி கொரோனா தொற்றிலிருந்து மீண்டவர்கள், சிகிச்சையில் இருப்பவர்கள்: மண்டல வாரியான பட்டியல் விவரம் வருமாறு:-
3. சென்னையில் கொரோனா பாதிப்பு 85,859; சிகிச்சையில் 15,042 பேர்
சென்னையில் கொரோனா தொற்றால் 85,859 பேர் பாதிக்கப்பட்டுள்ளனர் பலி எண்ணிக்கை 1,434 உயர்ந்து உள்ளது.
4. சென்னையில் 90 சதவீதம் பேர் மட்டுமே மாஸ்க் அணிகின்றனர்- மாநகராட்சி ஆணையர் பிரகாஷ்
சென்னையில் 90 சதவீதம் பேர் மட்டுமே மாஸ்க் அணிகின்றனர். ஆனால் இதுமட்டும் போதாது. அனைத்து மக்களும் மாஸ்க் அணிய வேண்டும் என மாநகராட்சி ஆணையர் பிரகாஷ் கூறினார்.
5. சென்னையில் மண்டலம் வாரியாக கொரோனா சிகிச்சை பெறுவோர் விவரம்
சென்னையில் மண்டலம் வாரியாக கொரோனா சிகிச்சை பெறுவோர் விவரங்கள் வெளியிடப்பட்டு உள்ளது.