தங்கம் விலை பவுனுக்கு ரூ.192 உயர்வு


தங்கம் விலை பவுனுக்கு ரூ.192 உயர்வு
x
தினத்தந்தி 21 Jan 2021 7:57 PM GMT (Updated: 21 Jan 2021 7:57 PM GMT)

நேற்றைய நிலவரப்படி ஒரு பவுன் ரூ.37 ஆயிரத்து 208-க்கும் விற்பனை செய்யப்பட்டது.

சென்னை,

தங்கம் விலை இந்த மாதம் தொடக்கத்தில் இருந்து உயர்ந்து கொண்டே வந்தது. அதன்பின்னர், கடந்த 7-ந்தேதிக்கு பிறகு விலை குறையத் தொடங்கி, கடந்த 17-ந்தேதி ஒரு பவுன் ரூ.37 ஆயிரத்துக்கு கீழ் சென்றது. அதற்கு அடுத்த நாளில் இருந்து மீண்டும் தங்கம் விலை உயரத் தொடங்கியுள்ளது. அதன்படி, நேற்றும் தங்கம் விலை அதிகரித்துதான் காணப்பட்டது.

நேற்று முன்தினம் ஒரு கிராம் ரூ.4 ஆயிரத்து 651-க்கும், ஒரு பவுன் ரூ.37 ஆயிரத்து 208-க்கும் விற்பனை ஆனது. நேற்று மாலை நேர நிலவரப்படி, கிராமுக்கு ரூ.24-ம், பவுனுக்கு ரூ.192-ம் உயர்ந்து, ஒரு கிராம் ரூ.4 ஆயிரத்து 675-க்கும், ஒரு பவுன் ரூ.37 ஆயிரத்து 208-க்கும் விற்பனை செய்யப்பட்டது.

தங்கம் விலையை போலவே, வெள்ளி விலையும் உயர்ந்துதான் காணப்பட்டது. நேற்று கிராமுக்கு 1 ரூபாய் 10 காசும், கிலோவுக்கு ரூ.1,100-ம் உயர்ந்து, ஒரு கிராம் 72 ரூபாய் 40 காசும், ஒரு கிலோ ரூ.72 ஆயிரத்து 400-க்கும் விற்பனை ஆனது.

Next Story