அதிமுக கூட்டணியில் இடம்பெற்றுள்ள பாமக-வுக்கு 27 தொகுதிகள் ஒதுக்கப்பட்டதாக தகவல்
அதிமுக கூட்டணியில் இடம்பெற்றுள்ள பாமக-வுக்கு 27 தொகுதிகள் ஒதுக்கப்பட்டுள்ளதாக தகவல் வெளியாகியுள்ளது.
சென்னை.
தமிழக சட்டசபை தேர்தல் வரும் ஏப்ரல் 6-ம் தேதி நடைபெறும் என அறிவிக்கப்பட்டுள்ளது. இதையடுத்து அரசியல் கட்சிகள் கூட்டணி பேச்சுவார்த்தை மற்றும் தொகுதி பங்கீடு குறித்து தீவிரமாக ஆலோசனை நடத்தி வருகின்றன.
இதற்கிடையில், தமிழக சட்டசபை தேர்தல் தொகுதி பங்கீடு தொடர்பாக அதிமுக - பாமக இடையேயான தொகுதி பங்கீடு குறித்து இன்று பேச்சுவார்த்தை நடைபெற்று வருகிறது.
அந்த பேச்சுவார்த்தையில் அதிமுக கூட்டணியில் இடம்பெற்றுள்ள பாமக-வுக்கு 27 தொகுதிகள் ஒதுக்கப்பட்டுள்ளதாக தகவல் வெளியாகியுள்ளது.
இதனிடையே பாமக-வின் நீண்ட கால கோரிக்கையான வன்னியர்களுக்கு 10.5 சதவீத உள் ஒதுக்கீடு வழங்கும் சட்ட மசோதா சட்டப்பேரவையில் நேற்று நிறைவேற்றப்பட்டது என்பது குறிப்பிடத்தக்கது.
Related Tags :
Next Story