மாநில செய்திகள்

விருப்ப மனு கொடுத்தவர்களிடம் 2-வது நாளாக நேர்காணல்: மக்கள் நீதி மய்யத்துடன் கூட்டணியை உறுதி செய்த 2 கட்சிகள் + "||" + Interview with the petitioners on the 2nd day: 2 parties who have confirmed the alliance with the People's Justice Center

விருப்ப மனு கொடுத்தவர்களிடம் 2-வது நாளாக நேர்காணல்: மக்கள் நீதி மய்யத்துடன் கூட்டணியை உறுதி செய்த 2 கட்சிகள்

விருப்ப மனு கொடுத்தவர்களிடம் 2-வது நாளாக நேர்காணல்: மக்கள் நீதி மய்யத்துடன் கூட்டணியை உறுதி செய்த 2 கட்சிகள்
மக்கள் நீதி மய்யம் கட்சியுடன் 2 கட்சிகள் கூட்டணியை உறுதி செய்துள்ளன. தேர்தல் அறிவிப்புக்கு பிந்தைய பிரசாரத்தை கமல்ஹாசன் இன்று தொடங்குகிறார்.
சென்னை, 

தமிழகத்தில் சட்டசபை தேர்தல் வருகிற ஏப்ரல் 6-ந் தேதி நடைபெற உள்ளது. இந்த தேர்தலில் மக்கள் நீதி மய்யம் கட்சியின் சார்பில் போட்டியிடுவதற்கு விருப்ப மனு கொடுத்தவர்களிடம் அக்கட்சியின் தலைவர் கமல்ஹாசன் தலைமையிலான வேட்பாளர் தேர்வு குழுவினர் சென்னை ஆழ்வார்பேட்டையில் உள்ள கட்சியின் தலைமை அலுவலகத்தில் நேற்று முன்தினம் முதல் நேர்காணல் நடத்தி வருகிறார்கள்.

விழுப்புரம், வேலூர், கடலூர், திருச்சி, தஞ்சாவூர், புதுக்கோட்டை, மதுரை, திண்டுக்கல் உள்ளிட்ட மாவட்டங்களை சேர்ந்த 100-க்கும் மேற்பட்டோரிடம் நேற்று 2-வது நாளாக நேர்காணல் நடைபெற்றது. நேர்காணலின்போது, விருப்ப மனு கொடுத்தவர்களிடம் தேர்தலுக்கான செலவு எதையும் கட்சி கொடுக்காது என்று திட்டவட்டமாக வேட்பாளர் தேர்வு குழுவினர் கூறியதாக தெரிகிறது.

கூட்டணியை உறுதி செய்த 2 கட்சிகள்

இதற்கிடையே, பா.ம.க.வில் இருந்து விலகி அனைத்து மக்கள் அரசியல் கட்சியை தொடங்கிய ராஜேஸ்வரி பிரியா நேற்று பிற்பகல் 1.30 மணியளவில் மக்கள் நீதி மய்யம் தலைமை அலுவலகத்தில், கமல்ஹாசனை நேரில் சந்தித்து பேசினார். இந்த சந்திப்பு சுமார் 30 நிமிடங்கள் நடந்தது. சட்டசபை தேர்தலில் மக்கள் நீதி மய்யத்துடன் கூட்டணி அமைத்து போட்டியிடுவது குறித்து ஆலோசிக்கப்பட்டது.

இதேபோல தமிழ்நாடு இளைஞர் கட்சியின் பொதுச்செயலாளர் ராஜசேகரனும் கமல்ஹாசனை சந்தித்து பேசினார். மக்கள் நீதி மய்யத்துடன் அனைத்து மக்கள் அரசியல் கட்சி, தமிழ்நாடு இளைஞர் கட்சியின் கூட்டணி உறுதி செய்யப்பட்டு உள்ளது. இந்த கட்சிகளுக்கு எத்தனை தொகுதிகள் ஒதுக்கீடு செய்யப்படும்? என்பது குறித்து இன்றோ அல்லது நாளையோ அதிகாரபூர்வமாக அறிவிக்கப்பட உள்ளது.

கமல்ஹாசன் இன்று பிரசாரம்

ஏற்கனவே நேர்காணல் நடத்தப்பட்ட மாவட்டங்களை தவிர்த்து, பிற மாவட்டங்களில் இருந்து விருப்ப மனு கொடுத்தவர்களிடம் இன்று (புதன்கிழமை) காலையில் நேர்காணல் நடைபெற உள்ளது. இதனைத் தொடர்ந்து பிற்பகல் சென்னை ராமாவரம் எம்.ஜி.ஆர். இல்லத்தில் இருந்து கமல்ஹாசன் தனது தேர்தல் அறிவிப்புக்கு பிந்தைய பிரசாரத்தை தொடங்குகிறார். இதில் 4 இடங்களில் கமல்ஹாசன் திறந்த வேனில் நின்றவாறு மக்கள் நீதி மய்யத்துக்கு வாக்கு சேகரிக்கிறார். இதனைத் தொடர்ந்து மாலை 6 மணிக்கு மயிலாப்பூர் மாங்கொல்லையில் நடைபெறும் பொதுக்கூட்டத்திலும் கமல்ஹாசன் பேசுகிறார்.

தொடர்புடைய செய்திகள்

1. நீலகிரி கலெக்டரை மாற்ற அனுமதி கோரிய தமிழக அரசின் மனு தள்ளுபடி; சுப்ரீம் கோர்ட்டு உத்தரவு
நீலகிரி மாவட்ட கலெக்டர் இன்னசென்ட் திவ்யாவை மாற்ற அனுமதி கோரிய தமிழக அரசின் மனுவை சுப்ரீம் கோர்ட்டு தள்ளுபடி செய்து உத்தரவிட்டுள்ளது.
2. ஆர்.எஸ். பாரதியின் மனுவை நிராகரிக்க வேண்டும் - சுப்ரீம் கோர்ட்டில் தமிழக அரசு பதில் மனு
ஆர்.எஸ். பாரதியின் மனுவை நிராகரிக்க வேண்டும் என்று சுப்ரீம் கோர்ட்டில் தமிழக அரசு பதில் மனு தாக்கல் செய்துள்ளது.
3. வன்கொடுமை வழக்கு: ஆர்.எஸ்.பாரதியின் மேல்முறையீ்ட்டு மனு சுப்ரீம் கோர்ட்டில் இன்று விசாரணை
தி.மு.க. அமைப்பு செயலாளரும், எம்.பி.யுமான ஆர்.எஸ்.பாரதி பட்டியல் இனத்தவர்களுக்கு எதிராக கருத்து தெரிவித்ததாக கூறி அவர் மீது வன்கொடுமை தடுப்பு சட்டத்தின்கீழ் வழக்குப்பதிவு செய்யப்பட்டது.
4. ஏற்காடு தொகுதியில் தி.மு.க. சார்பில் போட்டியிட விருப்ப மனு: அரசு பெண் ஊழியர் பணி நீக்கம்
ஏற்காடு தொகுதியில் தி.மு.க. சார்பில் போட்டியிட விருப்ப மனு அளித்ததால் வேளாண்மைத்துறை பெண் ஊழியர் பணி நீக்கம் செய்யப்பட்டார்.
5. தமிழகம் உள்ளிட்ட 5 மாநில சட்டசபைகளுக்கான தேர்தல் அறிவிப்பை ரத்து செய்யக்கோரி சுப்ரீம் கோர்ட்டில் மனு தாக்கல்
தமிழகம் உள்ளிட்ட 5 மாநில சட்டசபை தேர்தல் அறிவிப்பை ரத்து செய்யக்கோரி சுப்ரீம் கோர்ட்டில் மனு தாக்கல் செய்யப்பட்டுள்ளது. இது தொடர்பாக வக்கீல் எம்.எல்.சர்மா தாக்கல் செய்துள்ள மனுவில் கூறப்பட்டுள்ளதாவது:-