மாநில செய்திகள்

வாக்குச்சாவடி மையங்களாக செயல்பட்ட பள்ளிகளில் கிருமி நாசினி தெளிக்கும் பணிகள் தீவிரம் + "||" + Intensification of disinfectant spraying activities in schools which functioned as polling centers

வாக்குச்சாவடி மையங்களாக செயல்பட்ட பள்ளிகளில் கிருமி நாசினி தெளிக்கும் பணிகள் தீவிரம்

வாக்குச்சாவடி மையங்களாக செயல்பட்ட பள்ளிகளில் கிருமி நாசினி தெளிக்கும் பணிகள் தீவிரம்
மாணவர்கள் வருகையையொட்டி முன்னெச்சரிக்கை நடவடிக்கையாக வாக்குச்சாவடி மையங்களாக செயல்பட்ட பள்ளிகள் முழுவதும் கிருமி நாசினி தெளிக்கும் பணி தீவிரமாக நடைபெற்றது.
சென்னை, 

தமிழக சட்டமன்ற தேர்தல் நேற்று முன்தினம் நடைபெற்று முடிந்தது. வாக்காளர்கள் தங்களுடைய வாக்குகளை பதிவு செய்வதற்கு ஏதுவாக அந்தந்த தொகுதிகளுக்குட்பட்ட பள்ளிகள், கல்லூரிகள், அங்கன்வாடி மையங்கள், அரசு அலுவலகங்கள் வாக்குச்சாவடி மையங்களாக பயன்படுத்தப்பட்டன.

கொரோனா தொற்று காரணமாக பள்ளிகள் மூடப்பட்டு இருந்தாலும், 12-ம் வகுப்பு மாணவர்களுக்கு மட்டும் வருகிற 3-ந்தேதி முதல் பொதுத்தேர்வு நடைபெற இருக்கிறது. இதற்காக அவர்களுக்கு நேரடி வகுப்புகள் பள்ளிகளில் நடத்தப்பட்டு வருகின்றன. இந்த நிலையில் பள்ளிகள் வாக்குச்சாவடி மையங்களாக பயன்படுத்தப்பட்டதால், கொரோனா முன்னெச்சரிக்கை நடவடிக்கையாக அந்த பள்ளிகள் முழுவதும் கிருமிநாசினி திரவம் கொண்டு சுத்தம் செய்யும் பணி நேற்று முதல் தீவிரமாக தொடங்கி இருக்கிறது. இதன் காரணமாக, தமிழகத்தில் சில பள்ளிகளுக்கு நேற்று விடுமுறை விடப்பட்டு இருந்தது.

கிருமி நாசினி தெளிப்பு

அந்தவகையில் சென்னை அசோக்நகரில் உள்ள அரசு மகளிர் மேல்நிலைப் பள்ளியில் அரசின் கொரோனா வழிகாட்டு நெறிமுறைகளை பின்பற்றி, மாணவிகள் படிக்கும் வகுப்பறைகள் மற்றும் கழிவறைகள் உள்பட பள்ளி வளாகம் முழுவதும் கிருமிநாசினி திரவம் தெளித்து சுத்தம் செய்யப்பட்டன. இதேபோல், தமிழகத்தில் உள்ள அரசு மற்றும் அரசு உதவி பெறும் பள்ளிகளில் சுத்தம் செய்யும் பணி நடந்தது.

இதையடுத்து, இன்றும் (வியாழக்கிழமை) சில பள்ளிகளில் கிருமி நாசினி திரவம் கொண்டு சுத்தம் செய்யப்பட்டு, 12-ம் வகுப்பு மாணவர்களுக்கு நேரடி வகுப்புகள் தொடங்க இருப்பதாக கல்வித்துறை தரப்பில் தெரிவிக்கப்பட்டுள்ளது.

தொடர்புடைய செய்திகள்

1. தேர்தல் நெருங்குவதால் கெடுபிடி தீவிரம்: சென்னையில் மாநகர பஸ்களில் பறக்கும் படையினர் திடீர் சோதனை
சட்டமன்ற தேர்தலில் கடைசி நேர பணப்பட்டுவாடாவை தடுக்கும் நடவடிக்கையாக சென்னை மாநகர பஸ்களில் தேர்தல் பறக்கும் படை அதிகாரிகள் சோதனை நடத்தினர்.
2. பணப்பட்டுவாடாவை தடுக்க நடவடிக்கை சென்னையில் தேர்தல் பறக்கும் படை சோதனை தீவிரம்
தமிழக சட்டசபை தேர்தல் வாக்குப்பதிவு நெருங்குவதால் பணப்பட்டுவாடாவை தடுக்க தேர்தல் பறக்கும் படை குழுவில் துணை ராணுவப்படையினரும் இணைந்தனர்.
3. வலங்கைமானில் வருவாய்த்துறை கிராம உதவியாளர்கள் வேைல நிறுத்தம் பணிகள் பாதிப்பு
வலங்கைமானில் வருவாய்த்துறை கிராம உதவியாளர்கள் வேலை நிறுத்தம் காரணமாக பணிகள் பாதிக்கப்பட்டன.
4. ஊத்துக்கோட்டை பஸ் நிலையத்தில் ரூ.80 லட்சம் செலவில் மேற்கூரை அமைக்கும் பணிகள் தொடக்கம்
ஊத்துக்கோட்டை பஸ் நிலையத்தில் ரூ.80 லட்சம் செலவில் மேற்கூரை அமைக்கும் பணிகள் தொடக்கம்.
5. உத்தரகாண்டில் பனிச்சரிவு: 36 உடல்கள் மீட்பு; 200 பேரை தேடும் பணி தீவிரம்
உத்தரகாண்டில் பனிச்சரிவால் ஏற்பட்ட வெள்ளப்பெருக்கில் சிக்கி உயிரிழந்தோரின் 36 உடல்கள் மீட்கப்பட்டு உள்ளன.