மாநில செய்திகள்

பசுமை தீர்ப்பாய உறுப்பினராக கிரிஜா வைத்தியநாதன் பதவியேற்க தடை; ஐகோர்ட்டு அதிரடி உத்தரவு + "||" + Kirija Vaithiyanathan barred from becoming a member of the Green Tribunal; Court of Action Order

பசுமை தீர்ப்பாய உறுப்பினராக கிரிஜா வைத்தியநாதன் பதவியேற்க தடை; ஐகோர்ட்டு அதிரடி உத்தரவு

பசுமை தீர்ப்பாய உறுப்பினராக கிரிஜா வைத்தியநாதன் பதவியேற்க தடை; ஐகோர்ட்டு அதிரடி உத்தரவு
சென்னை ஐகோர்ட்டில், பூவுலகின் நண்பர்கள் அமைப்பின் சார்பில் ஒரு மனு தாக்கல் செய்யப்பட்டது.

அதில் , “தமிழகத்தின் தலைமைச் செயலாளராக பணியாற்றி ஓய்வுபெற்ற கிரிஜா வைத்தியநாதனை தேசிய பசுமைத் தீர்ப்பாயத்தின் நிபுணத்துவ உறுப்பினராக மத்திய அரசு நியமித்துள்ளது. குறைந்தது 5 ஆண்டுகள் சுற்றுச்சூழல் சார்ந்த துறையில் பணியாற்றியவர்களைத்தான் இந்த பதவிக்கு நியமனம் செய்யமுடியும். ஆனால் அவர் 3 ஆண்டுகள் 6 மாத காலம் மட்டுமே சுற்றுச்சூழல் துறையில் பணியாற்றியுள்ளார். எனவே, அவரது நியமனம் செல்லாது என்று அறிவிக்க வேண்டும்” என்று வழக்கு தொடர்ந்தனர். இந்த வழக்கை விசாரித்த ஐகோர்ட்டு, மத்திய அரசும், கிரிஜா வைத்தியநாதனும் பதில் அளிக்க உத்தரவிட்டிருந்தனர். 

இந்தநிலையில், நேற்று விசாரணைக்குக்கு பின்பு நீதிபதிகள் பிறப்பித்த உத்தரவில் கூறியிருப்பதாவது:-

கிரிஜா வைத்தியநாதன், நிபுணத்துவ உறுப்பினராக நியமிக்க தகுதியினை பெறவில்லை என்ற மனுதாரரின் குற்றச்சாட்டுக்கு முகாந்திரம் உள்ளது. அவர் சுற்றுச்சூழல் தொடர்பான துறைகளில் சுமார் 3½ ஆண்டுகள் மட்டுமே பணியாற்றி அனுபவம் பெற்றுள்ளார். எனவே, இந்த பதவியை பெற தனக்கு முழு தகுதி உள்ளது என்பதை கிரிஜா வைத்தியநாதன் தான் நிரூபிக்க வேண்டும்.

அதேநேரம், வருகிற 19-ந் தேதி கிரிஜா வைத்தியநாதன் பதவி ஏற்க உள்ளதாக அவர் சார்பில் கூறப்பட்டது. எனவே, இந்த வழக்கு விசாரணை முடியும் வரை, நிபுணத்துவ உறுப்பினராக கிரிஜா வைத்தியநாதனை நியமித்து பிறப்பிக்கப்பட்ட உத்தரவுக்கு தடை விதிக்கின்றோம். இந்த வழக்கு விசாரணையை வருகிற 16-ந் தேதிக்கு தள்ளிவைக்கிறோம்.

இவ்வாறு நீதிபதிகள் கூறியுள்ளனர்.

 


தொடர்புடைய செய்திகள்

1. அட்வகேட் ஜெனரலாக மூத்த வக்கீல் ஆர்.சண்முகசுந்தரம் நியமனம் தமிழக அரசு உத்தரவு
தமிழக அட்வகேட் ஜெனரலாக மூத்த வக்கீல் ஆர்.சண்முக சுந்தரம் நியமிக்கப்பட்டுள்ளார்.
2. கொரோனா முதல் தவணை நிவாரண தொகை ரூ.2 ஆயிரம் 15-ந் தேதியில் இருந்து வழங்கப்பட வேண்டும் கலெக்டர்களுக்கு அரசு உத்தரவு
கொரோனா முதல் தவணை நிவாரண தொகை ரூ.2 ஆயிரம் 15-ந் தேதியில் இருந்து வழங்கப்பட வேண்டும் என்று தமிழக அரசு உத்தரவிட்டுள்ளது.
3. பிறர் மனம் புண்படாமல் மதம் சார்ந்த ஊர்வலங்கள் அனைத்து சாலைகள் வழியாக நடத்தப்பட வேண்டும் ஐகோர்ட்டு உத்தரவு
மாற்று மதத்தினரின் மனம் புண்படாமல், எல்லா மதங்கள் சார்ந்த ஊர்வலங்கள் அனைத்து சாலைகள், தெருக்கள் வழியாக எந்தக் கட்டுப்பாடுகளும் இல்லாமல் நடத்தப்படவேண்டும் என்று சென்னை ஐகோர்ட்டு உத்தரவிட்டுள்ளது.
4. ஆக்சிஜன் பற்றாக்குறையால் ஒருவரும் உயிரிழக்க கூடாது: அதிகாரிகளுக்கு கெஜ்ரிவால் உத்தரவு
ஆக்சிஜன் பற்றாக்குறையால் ஒருவரும் உயிரிழக்க கூடாது என அதிகாரிகளுக்கு டெல்லி முதல் மந்திரி கெஜ்ரிவால் உத்தரவிட்டு உள்ளார்.
5. கொரோனா தொற்றால் ஏற்பட்ட சிரமங்களைக் குறைக்கும் வகையில் மக்களின் வாழ்வாதாரத்திற்கு உதவ முதல் தவணையாக ரூ.2 ஆயிரம் தமிழக அரசு உத்தரவு
கொரோனா தொற்றால் ஏற்பட்ட சிரமங்களைக் குறைத்து, வாழ்வாதாரத்திற்கு உதவும் விதமாக முதல் தவணையாக ரூ.2 ஆயிரம் நிவாரணத்தொகையை மக்களுக்கு வழங்குவதற்கான அரசாணையை தமிழக அரசு வெளியிட்டுள்ளது.