2-வது தவணை கொரோனா தடுப்பூசி போட்டுக்கொண்ட மு.க.ஸ்டாலின்

சென்னை, 

தி.மு.க. தலைவர் மு.க.ஸ்டாலின் கடந்த மாதம் 9-ந்தேதி, முதல் தவணை கொரோனா தடுப்பூசி மருந்தை போட்டுக்கொண்டார். அவருக்கு, ‘‘கோவேக்சின்’’ தடுப்பூசி மருந்து போடப்பட்டது. தொடர்ந்து, தேர்தல் பிரசாரத்தில் ஈடுபட்ட மு.க.ஸ்டாலின், கடந்த வாரம் கொடைக்கானலுக்கு குடும்பத்தினருடன் சென்று ஓய்வெடுத்தார். நேற்று முன்தினம் அவர் சென்னை திரும்பிய நிலையில், நேற்று காலை 2-வது தவணை கொரோனா தடுப்பூசி மருந்தை போட்டுக்கொண்டார்.

இது தொடர்பாக, மு.க.ஸ்டாலின் தனது டுவிட்டர் பக்கத்தில் கூறியிருப்பதாவது:-

2-வது தவணை கோவேக்சின் இன்று எடுத்துக்கொண்டேன். இதுவரை தடுப்பூசி போட்டுக்கொள்ளாதவர்கள் உடனடியாக போட்டுக்கொள்ளவும். வேறு உடல் பாதிப்பு உள்ளவர்கள் எனில் தங்கள் மருத்துவரை கலந்தாலோசனை செய்துவிட்டு தடுப்பூசி எடுத்துக் கொள்ளவும். நம்மையும், நாட்டு மக்களையும் பாதுகாப்போம்.

இவ்வாறு அதில் கூறப்பட்டுள்ளது.