மாநில செய்திகள்

வறுமையிலும் அடுத்தவர் பணத்திற்கு ஆசைப்படாமல் சாலையில் கிடந்த ரூ.58 ஆயிரத்தை ஒப்படைத்த இளம்பெண்ணுக்கு போலீஸ் சூப்பிரண்டு பாராட்டு + "||" + Police Superintendent praises girl for handing over Rs. 58,000 lying on the road

வறுமையிலும் அடுத்தவர் பணத்திற்கு ஆசைப்படாமல் சாலையில் கிடந்த ரூ.58 ஆயிரத்தை ஒப்படைத்த இளம்பெண்ணுக்கு போலீஸ் சூப்பிரண்டு பாராட்டு

வறுமையிலும் அடுத்தவர் பணத்திற்கு ஆசைப்படாமல் சாலையில் கிடந்த ரூ.58 ஆயிரத்தை ஒப்படைத்த இளம்பெண்ணுக்கு போலீஸ் சூப்பிரண்டு பாராட்டு
வறுமையிலும் அடுத்தவர் பணத்திற்கு ஆசைப்படாமல் சாலையில் கிடந்த ரூ.58 ஆயிரத்தை போலீசில் ஒப்படைத்த இளம்பெண்ணை போலீஸ் சூப்பிரண்டு பாராட்டி பரிசு வழங்கினார்.
நெல்லை, 

நெல்லை மாவட்டம் பாப்பாக்குடி வாட்டர் டேங்க் தெருவை சேர்ந்தவர் கணபதி. இவருடைய மகள் மாரியம்மாள் (வயது 19). இவர் தெருக்களில் கிடக்கும் பாட்டில், பழைய பேப்பர்களை சேகரித்து விற்பனை செய்து வருகிறார்.

கடந்த 21-ந் தேதி மாரியம்மாள் சேரன்மாதேவி மெயின் ரோட்டில் குப்பைகளை சேகரித்து கொண்டு இருந்தார். அப்போது, சாலையில் ஒரு மணிபர்ஸ் கிடந்தது. அதை எடுத்து திறந்து பார்த்தபோது, ரூ.58 ஆயிரத்து 210 மற்றும் ஒரு செல்போன், 2 ஆதார் கார்டுகள் இருந்தன. உடனே மாரியம்மாள் அந்த மணிபர்சை முக்கூடல் போலீஸ் நிலையத்தில் ஒப்படைத்தார்.

உரியவரிடம் ஒப்படைப்பு

போலீசார் விசாரணையில், அந்த மணிபர்ஸ் சேரன்மாதேவி காயிதே மில்லத் தெருவை சேர்ந்த முகம்மது ஹனிபா மனைவி ஜாஸ்மின் நிஷாவுக்கு உரியது என்பது தெரியவந்தது.

இதையடுத்து அவர் தனது கணவருடன் முக்கூடல் போலீஸ் நிலையத்துக்கு வந்து பணம், செல்போன், ஆதார் கார்டுகளுடன் மணிபர்சை பெற்றுக் கொண்டார். கீழே கிடந்த மணிபர்சை எடுத்து போலீசில் ஒப்படைத்த மாரியம்மாளின் நேர்மையை பாராட்டி அவருக்கு முக்கூடல் போலீசார் சார்பில் குத்துவிளக்கு பரிசாக வழங்கப்பட்டது.

போலீஸ் சூப்பிரண்டு பாராட்டு

இந்த நிலையில் மாரியம்மாளின் இந்த நல்ல செயலை அறிந்த மாவட்ட போலீஸ் சூப்பிரண்டு மணிவண்ணன் மாரியம்மாளை தனது அலுவலகத்துக்கு வரவழைத்தார். அவரது நேர்மை குணத்தை பாராட்டி பரிசு பொருட்களை வழங்கி கவுரவித்தார்.

இதுகுறித்து சூப்பிரண்டு மணிவண்ணன் கூறுகையில், ‘‘வறுமையிலும் அடுத்தவர் பணத்திற்கு ஆசைப்படாமல் பணத்தை போலீஸ் நிலையத்தில் ஒப்படைத்த மாரியம்மாளின் நேர்மையை பாராட்டுகிறேன். அவருக்கு மாவட்ட போலீஸ் துறை சார்பில் வாழ்த்துகளை தெரிவித்துக்கொள்கிறேன்’’ என்றார்.

அப்போது மாரியம்மாளின் நேர்மையை பாராட்டி போலீஸ் சூப்பிரண்டு முன்னிலையில் கொடைக்கானல் விவேகானந்தா மெட்ரிக் பள்ளி தாளாளர் கங்கா தரானந்தா சுவாமி பொன்னாடை அணிவித்து ரூ.10 ஆயிரம் பரிசு வழங்கி, பாராட்டினார்.

மாரியம்மாள் 5-ம் வகுப்பு வரை படித்து உள்ளார். குடும்ப வறுமை காரணமாக அவரால் மேற்கொண்டு படிக்கமுடியவில்லை என்பது குறிப்பிடத்தக்கது.

தொடர்புடைய செய்திகள்

1. ஹைட்ரோ கார்பன் திட்டத்துக்கு அனுமதி மறுப்பு: தமிழக அரசின் நடவடிக்கைக்கு டாக்டர் ராமதாஸ் பாராட்டு
ஹைட்ரோ கார்பன் திட்டத்துக்கு அனுமதி மறுப்பு: தமிழக அரசின் நடவடிக்கைக்கு டாக்டர் ராமதாஸ் பாராட்டு ‘காவிரி படுகையின் புனிதமும், செழுமையும் பாதுகாக்கப்பட வேண்டும்’.
2. காஞ்சீபுரம் பஸ் நிலையத்தில் மாவட்ட போலீஸ் சூப்பிரண்டு நேரில் ஆய்வு
காஞ்சீபுரம் பஸ்நிலையத்தில் மாவட்ட போலீஸ் சூப்பிரண்டு நேரில் ஆய்வு செய்து, பொதுமக்கள் பஸ்களில் முககவசம் அணிந்து சமூக இடைவெளியை பின்பற்றுகிறார்களா? என கண்காணித்தார்.
3. வேளாண்மை துறைக்கு தனி பட்ஜெட், சேவை உரிமை சட்டம்: கவர்னர் உரைக்கு டாக்டர் ராமதாஸ் பாராட்டு
தமிழகத்தில் வேளாண்மைத்துறைக்கு என்று தனி பட்ஜெட் தாக்கல் செய்யப்படும். பொதுச்சேவை பெறும் உரிமை சட்டம் கொண்டு வரப்படும் என்று கவர்னர் உரையில் இடம் பெற்ற அறிவிப்புகளுக்கு டாக்டர் ராமதாஸ் வரவேற்பு தெரிவித்துள்ளார்.
4. கிராம வளர்ச்சி திட்டம் தயாரித்த மாணவிக்கு மதுரை ஐகோர்ட்டு நீதிபதிகள் பாராட்டு
கிராம வளர்ச்சி திட்டம் தயாரித்த 10-ம் வகுப்பு மாணவிக்கு மதுரை ஐகோர்ட்டு நீதிபதிகள் பாராட்டு தெரிவித்தனர். மேலும் அந்த மாணவி நேரடியாக வீடியோ கான்பரன்சிங்கில் ஆஜராகி நீதிபதிகளிடம் விளக்கம் அளித்தார்.
5. கொரோனா பரவலை கட்டுப்படுத்த தமிழக அரசு எடுத்த அனைத்து நடவடிக்கைகளும் திருப்தி ஐகோர்ட்டு பாராட்டு
கொரோனா பரவலை கட்டுப்படுத்த தமிழக அரசு மேற்கொண்டுள்ள அனைத்து நடவடிக்கைகளும் திருப்தி அளிக்கிறது என்று சென்னை ஐகோர்ட்டு பாராட்டியுள்ளது.