மாநில செய்திகள்

தமிழகம் மீண்டும் போர்க்களமாக மாறும் ஸ்டெர்லைட் ஆலையை திறக்க சீமான் எதிர்ப்பு + "||" + Seeman opposes reopening of Sterlite plant in Tamil Nadu

தமிழகம் மீண்டும் போர்க்களமாக மாறும் ஸ்டெர்லைட் ஆலையை திறக்க சீமான் எதிர்ப்பு

தமிழகம் மீண்டும் போர்க்களமாக மாறும் ஸ்டெர்லைட் ஆலையை திறக்க சீமான் எதிர்ப்பு
தமிழகம் மீண்டும் போர்க்களமாக மாறும் ஸ்டெர்லைட் ஆலையை திறக்க சீமான் எதிர்ப்பு.
சென்னை, 

நாம் தமிழர் கட்சியின் தலைமை ஒருங்கிணைப்பாளர் சீமான் வெளியிட்டுள்ள அறிக்கையில் கூறியிருப்பதாவது:-

கொரோனா 2-ம் அலை ஏற்படுத்தியிருக்கும் பேரிடர் காலச்சூழலை பயன்படுத்திக்கொண்டு ஆக்சிஜன் தட்டுப்பாட்டை போக்குவதாக கூறி நாசகார ஸ்டெர்லைட் ஆலையை திறக்க நடக்கும் முயற்சிகள் பேரதிர்ச்சி தருகின்றன. தூத்துக்குடி நிலத்தையும், சூழலியலையும் பாழ்படுத்தி, சுவாசிக்கும் காற்றையே நச்சுக்காற்றாக மாற்றியதோடு மட்டுமல்லாது 14 உயிர்களின் மூச்சுக்காற்றையும் நிறுத்த காரணமாக இருந்த ஸ்டெர்லைட் ஆலையானது, மக்களின் உயிர்காக்க சுவாசக்காற்றை உற்பத்தி செய்து தருவதாக கூறுவது கேலிக்கூத்தானது.

கொடிய ஸ்டெர்லைட் ஆலையை எதன்பொருட்டும் மீண்டும் திறக்க அனுமதிக்கக்கூடாது. ஸ்டெர்லைட் ஆலையைவிட்டால் ஆக்சிஜனை கொண்டு வர வாய்ப்புகளே வேறு ஏதுமில்லையா? அனைத்து கட்சி கூட்டத்தை கூட்டுவதும், கருத்துக்கேட்பு கூட்டத்தை நடத்துவதும் தமிழர்களின் உணர்வுகளை சீண்டிப்பார்ப்பதாக உள்ளது.

ஆகவே, தமிழக மக்களின் உணர்வுகளை புரிந்துகொண்டு, ஸ்டெர்லைட் ஆலையை நிரந்தரமாக மூடுவது அரசின் கொள்கை முடிவு என அறிவித்து, ஸ்டெர்லைட் ஆலையை திறக்கிற வேதாந்தா குழுமத்தின் முன்நகர்வுகளை, தமிழக அரசு முற்றிலுமாக தடுத்து நிறுத்தவேண்டும். இதற்கு மாறாக, தற்கால சூழலை காரணமாக காட்டி ஸ்டெர்லைட் ஆலையை திறக்க முயற்சிகள் நடக்குமேயானால் தமிழகம் மீண்டும் போர்க்களமாக மாறும். தேவையற்றப் பதற்றமும், சட்டம்-ஒழுங்கு சிக்கலும் ஏற்படும் என எச்சரிக்கிறேன்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. நெற்குன்றத்தில் அறநிலையத்துறைக்கு சொந்தமான இடத்தில் ஆக்கிரமிப்பு கடைகள், வீடுகளை அகற்ற எதிர்ப்பு
நெற்குன்றத்தில் இந்து சமய அறநிலையத்துறை க்கு சொந்தமான இடத்தில் உள்ள ஆக்கிரமிப்பு கடைகள்,வீடுகளை அகற்ற எதிர்ப்பு தெரிவித்து 2 பெண்கள் தீக்குளிக்க முயன்றனர். மேலும் ஒரு பெண், மாடியில் இருந்து போலீசார் மீது மண்எண்ணெய் ஊற்றி எச்சரிக்கை விடுத்ததால் பரபரப்பு ஏற்பட்டது.
2. காஞ்சீபுரம், செங்கல்பட்டு மாவட்ட உள்ளாட்சி தேர்தலுக்கான வேட்பாளர் பட்டியல் சீமான் வெளியிட்டார்
காஞ்சீபுரம், செங்கல்பட்டு மாவட்ட உள்ளாட்சி தேர்தலுக்கான வேட்பாளர் பட்டியல் சீமான் வெளியிட்டார்.
3. கட்டாய தடுப்பூசி சான்றிதழுக்கு எதிர்ப்பு தெரிவித்து பிரான்சில் போராட்டம்
பிரான்ஸ் தலைநகர் பாரிசில் அரசின் கட்டாய தடுப்பூசி சான்றிதழ் அறிவிப்புக்கு எதிர்ப்பு தெரிவித்து பொதுமக்கள் போராட்டத்தில் ஈடுபட்டனர்.
4. விளம்பர படத்தில் நடிக்க ஒப்பந்தமான மகேஷ்பாபுவுக்கு வலுக்கும் எதிர்ப்பு
தெலுங்கு திரையுலகில் முன்னணி நடிகராக இருக்கும் மகேஷ் பாபு, விளம்பர படத்தில் நடிக்க எதிர்ப்பு கிளம்பி உள்ளது.
5. ஆப்கானிஸ்தானில் பஞ்ச்ஷிர் எதிர்ப்பால் தலீபான்கள் ஆட்சி அமைப்பதில் சிக்கல்!
ஆப்கானிஸ்தானில் ஆட்சி அமைக்கும் முடிவை இரண்டாவது முறையாக தலீபான்கள் ஒத்தி வைத்துள்ளனர்.