மாநில செய்திகள்

கொரோனா ஒழிப்பில் மிகப்பெரிய தோல்வி: மத்தியிலும் ஆட்சி மாற்றம் வேண்டும் என மக்கள் நினைக்க தொடங்கிவிட்டனர் - ப.சிதம்பரம் பேட்டி + "||" + People are beginning to think that regime change is needed in the middle - Interview with P. Chidambaram

கொரோனா ஒழிப்பில் மிகப்பெரிய தோல்வி: மத்தியிலும் ஆட்சி மாற்றம் வேண்டும் என மக்கள் நினைக்க தொடங்கிவிட்டனர் - ப.சிதம்பரம் பேட்டி

கொரோனா ஒழிப்பில் மிகப்பெரிய தோல்வி: மத்தியிலும் ஆட்சி மாற்றம் வேண்டும் என மக்கள் நினைக்க தொடங்கிவிட்டனர் - ப.சிதம்பரம் பேட்டி
கொரோனா ஒழிப்பில் மிகப்பெரிய தோல்வி ஏற்பட்டுள்ளதால் மத்தியிலும் ஆட்சி மாற்றம் வேண்டும் என மக்கள் நினைக்க தொடங்கிவிட்டதாக ப.சிதம்பரம் கூறினார்.
காரைக்குடி,

காங்கிரஸ் மூத்த தலைவரும், முன்னாள் மத்திய மந்திரியுமான ப.சிதம்பரம், காரைக்குடியில் உள்ள தனது அலுவலகத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

கொரோனா பெருந்தொற்றை ஒழிப்பதில் மத்திய, மாநில அரசுகள் பெரும் தோல்வியை சந்தித்துவிட்டன. மத்திய அரசு மீதான நம்பிக்கையை முற்றிலும் இழந்துவிட்டோம்.

கொரோனா வைரஸ் தொற்றின் 2-வது அலை குறித்து சுகாதாரத்துறை வல்லுனர்கள் எச்சரிக்கை செய்தனர். ஆனால் அப்போது கூடிய பா.ஜனதா தேசிய கவுன்சில் கூட்டத்தில் கொரோனாவை தோற்கடித்ததாக பிரதமருக்கு நன்றி தெரிவித்தும், பட்டங்கள் வழங்கியும் தீர்மானங்களை நிறைவேற்றினார்கள்.

பா.ஜ.க. அரசின் அகந்தை இந்திய மக்களுக்கு பேரழிவை விளைவித்துள்ளது. உலகிலேயே கொரோனா தொற்றை இவ்வளவு மோசமாக கையாண்ட அரசு வேறு எங்கும் இருக்க முடியாது.

மாநில அரசு, மத்திய அரசின் செயல்பாடுகள் குறித்து தட்டிக் கேட்க முடியவில்லை. கொரோனா தோற்றால் ஏற்பட்ட மரணங்கள் குறித்து சுகாதாரத்துறை ஒரு கணக்கு சொல்கிறது. மயானங்களில் எரியூட்டப்படும் சடலங்களின் எண்ணிக்கை வேறு ஒரு கணக்கினை சொல்கிறது. இரண்டிற்கும் மிகப்பெரிய அளவில் வித்தியாசம் உள்ளது.

கொரோனா ஒழிப்பு மீதான நடவடிக்கையை தடுப்பூசி திருவிழா என்கின்றனர். துக்கத்தை திருவிழா என்று சொல்வது மிகப்பெரிய அபத்தம். மத்தியிலும் ஆட்சி மாற்றம் வேண்டுமென மக்கள் நினைக்கத் தொடங்கிவிட்டனர். மாற்றம் ஏற்படாவிட்டால் நாடு அதல பாதாளத்தில் சென்றுவிடும். இப்போது நாட்டின் பொருளாதாரம் அதல பாதாளத்திற்கு சென்றுவிட்டது. இனி சமூக அமைப்பும் அதல பாதாளத்திற்கு செல்லும் நிலை ஏற்படும். இதை மக்கள் உணர்ந்து வருகின்றனர்.

இவ்வாறு அவர் கூறினார்.

தொடர்புடைய செய்திகள்

1. ரூ.400 முதல் ரூ.1,000 வரை விலை நிர்ணயித்து தடுப்பூசி நிறுவனங்களின் லாபத்துக்கு வழிவகுப்பதா? சுகாதார அமைச்சகம் பதில் அளிக்க ப.சிதம்பரம் வலியுறுத்தல்
ரூ.400 முதல் ரூ.1,000 வரை விலை நிர்ணயித்து தடுப்பூசி நிறுவனங்களின் லாபத்துக்கு வழிவகுப்பதா? சுகாதார அமைச்சகம் பதில் அளிக்க ப.சிதம்பரம் வலியுறுத்தல்.
2. எந்த மாற்றமும் கிடையாது என்று அறிவித்து, சாலைகள் பெயர் மாற்ற சர்ச்சையை முடிக்க வேண்டும்; ப.சிதம்பரம் வலியுறுத்தல்
சென்னையில் தலைவர்கள் பெயரில் உள்ள சாலைகள் பெயரை மாற்றம் செய்வதை கண்டித்து தமிழக காங்கிரஸ் கட்சி மூத்த தலைவரும், முன்னாள் மத்திய மந்திரியுமான ப.சிதம்பரம் வெளியிட்ட ‘டுவிட்டர்’ பதிவில் கூறியிருப்பதாவது:-
3. ‘தடுப்பூசி இயக்கத்தை திருவிழா என்று கூறுவதா?' ப.சிதம்பரம் கண்டனம்
இந்தியாவில் உற்பத்தியை அதிகரிப்பதற்கும், விநியோகங்களை அதிகரிப்பதற்கும் அரசு உடனடியாக நிதி வழங்கவேண்டும் என முன்னாள் மத்திய மந்திரி ப.சிதம்பரம் கூறியுள்ளார்.
4. மோடி அரசின் பிடிவாதம் காரணமாக நோய்த்தொற்றின் எண்ணிக்கை ஒவ்வொரு நாளும் அதிகரிக்கிறது
மோடி அரசின் பிடிவாதம் காரணமாக நோய்த்தொற்றின் எண்ணிக்கை ஒவ்வொரு நாளும் அதிகரிக்கிறது ப.சிதம்பரம் குற்றச்சாட்டு.
5. ஐ.என்.எக்ஸ். மீடியா வழக்கு: ப.சிதம்பரம், கார்த்தி சிதம்பரம் ஆஜராவதில் இருந்து விலக்கு - சி.பி.ஐ. சிறப்பு கோர்ட்டு உத்தரவு
ஐ.என்.எக்ஸ். மீடியா முறைகேடு வழக்கு விசாரணையில் ஆஜராவதில் இருந்து ப.சிதம்பரம், கார்த்தி சிதம்பரத்துக்கு சி.பி.ஐ. சிறப்பு கோர்ட்டு நேற்று விலக்கு அளித்தது.