<
அ.தி.மு.க. தோல்வி எதிரொலி: முதல்-அமைச்சர் பதவியை எடப்பாடி பழனிசாமி ராஜினாமா
எடப்பாடி பழனிசாமி, முதல்-அமைச்சர் பதவியை ராஜினாமா செய்து கவர்னருக்கு கடிதம் அனுப்பினார்.
சென்னை,
தமிழக சட்டசபை தேர்தலுக்கான வாக்குகள் 2-ந் தேதி எண்ணப்பட்டன. எடப்பாடி தொகுதியில் இருந்த எடப்பாடி பழனிசாமி வெற்றி பெற்றாலும், அ.தி.மு.க. கட்சி தோல்வி அடைந்தது.
அதைத் தொடர்ந்து முதல்-அமைச்சர் பதவியை ராஜினாமா செய்வதற்கான கடிதத்தை எடப்பாடியில் இருந்து முதல்-அமைச்சர் அலுவலக அதிகாரிக்கு எடப்பாடி பழனிசாமி அனுப்பி வைத்தார்.
அவரது ராஜினாமா கடிதம், கவர்னர் பன்வாரிலால் புரோகித்திடம் சேர்க்கப்பட்டுள்ளது. ராஜினமாவை கவர்னர் ஏற்றுக்கொண்டார்.
சட்டசபை கலைப்பு
கவர்னர் மாளிகையான ராஜ்பவன் நேற்றிரவு வெளியிட்ட செய்திக்குறிப்பில் கூறப்பட்டு இருப்பதாவது:-
முதல்-அமைச்சர் எடப்பாடி பழனிசாமி மற்றும் அவர் தலைமையிலான அமைச்சரவை கொடுத்த ராஜினாமா கடிதம் ஏற்கப்படுகிறது. 3-ந் தேதி (நேற்று) பிற்பகலில் இருந்து இந்த கடிதம் செயல்பாட்டுக்கு வருகிறது.
மாற்று ஏற்பாடுகள் செய்யப்படும் வரை தற்போதுள்ள அமைச்சரவையே நீடிக்க வேண்டும் என்று எடப்பாடி பழனிசாமியை கேட்டுக்கொண்டுள்ளேன். அதோடு, தற்போதுள்ள 15-வது சட்டசபையை கவர்னர் கலைத்து உத்தரவிட்டுள்ளார்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
