மாநில செய்திகள்

தேவையுள்ள இடங்களுக்கு கூடுதல் பஸ்கள் இயக்கப்படும் போக்குவரத்து துறை அமைச்சர் ராஜகண்ணப்பன் பேட்டி + "||" + Interview with Transport Minister Rajakannabhan

தேவையுள்ள இடங்களுக்கு கூடுதல் பஸ்கள் இயக்கப்படும் போக்குவரத்து துறை அமைச்சர் ராஜகண்ணப்பன் பேட்டி

தேவையுள்ள இடங்களுக்கு கூடுதல் பஸ்கள் இயக்கப்படும் போக்குவரத்து துறை அமைச்சர் ராஜகண்ணப்பன் பேட்டி
தேவையுள்ள இடங்களை கண்டறிந்து கூடுதலாக அரசு பஸ்கள் இயக்கப்படும் என்று அமைச்சர் ராஜகண்ணப்பன் கூறினார்.
சென்னை, 

தமிழகத்தில் கொரோனா பரவல் அதிகரித்து வருவதைத் தொடர்ந்து, நாளை முதல் 24-ந் தேதி வரை மீண்டும் முழு ஊரடங்கு பிறப்பிக்கப்பட்டுள்ளது. இதனால், சொந்த ஊருக்கு திரும்புபவர்களுக்கு வசதியாக நேற்றும், இன்றும் தமிழக அரசு சார்பில் கூடுதல் பஸ்கள் இயக்கப்படுகின்றன.

இதுதொடர்பாக, போக்குவரத்து துறை அமைச்சர் ராஜகண்ணப்பன் நேற்று நிருபர்களிடம் கூறியதாவது:- பொதுமக்களுக்கு எந்தவித பாதிப்பும் ஏற்படாத வகையில், சொந்த ஊர்களுக்கு கொண்டு சேர்ப்பது அரசின் கடமையாகும். அதற்காக 2 நாட்கள் கூடுதல் பஸ்கள் இயக்க நடவடிக்கை எடுக்கப்பட்டுள்ளது. அதே நேரத்தில், 50 சதவீத பயணிகள் என்ற நடைமுறை அனைத்து பஸ்களிலும் பின்பற்றப்படும். அதில் மாற்றம் இருக்காது. எந்த பகுதிகளுக்கு கூடுதலாக செல்கிறார்களோ, அதற்கு ஏற்றார் போல் கூடுதல் சிறப்பு பஸ்கள் இயக்கப்படும்.

தேவையுள்ள இடங்களில் பஸ்கள் இயக்கப்படும்

கொரோனா காலம் என்பதால், நிலைமைக்கு ஏற்றாற்போல் ஏற்பாடு செய்யப்படும். மக்கள் கூட்டம் கூடாமல் அவர்களை பத்திரமாக சொந்த ஊரில் சேர்ப்பது அரசின் கடமையாகும். அதை போக்குவரத்து துறை செய்யும். மேலும், அரசு நகர சாதாரண பஸ்களில் பெண்கள் இலவசமாக பயணம் செய்யலாம் என்ற அறிவிப்பு பெண்களிடம் நல்ல வரவேற்பை பெற்றுள்ளது.

ஏற்கனவே பள்ளி, கல்லூரி மாணவர்களுக்கு அடையாள அட்டை வழங்கப்பட்டுள்ளது. போக்குவரத்து துறைக்கு மானியமாக ரூ.1,200 கோடி தமிழக அரசு சார்பில் வழங்கப்படுகிறது. எங்கெல்லாம் பஸ்களின் தேவையுள்ளதோ, அதை அறிந்து முதல்-அமைச்சருடன் கலந்து பேசி கூடுதலாக பஸ்கள் இயக்க நடவடிக்கை எடுக்கப்படும்.

இவ்வாறு அவர் கூறினார்.

தொடர்புடைய செய்திகள்

1. கொரோனா நோயாளிகளுக்காக 79 ஆயிரத்து 618 புதிய படுக்கைகள் 3-வது அலையை எதிர்கொள்ள தயார் சட்டசபையில் அமைச்சர் மா.சுப்பிரமணியன் தகவல்
கொரோனாவின் 3-வது அலையை எதிர்கொள்ள தமிழக அரசு தயாராக இருப்பதாக அ.தி.மு.க. உறுப்பினர் விஜயபாஸ்கர் கேள்விக்கு அமைச்சர் மா.சுப்பிரமணியன் பதில் அளித்தார்.
2. பராமரிப்பு பணிகள் 10 நாட்கள் நடைபெற்று முடிந்ததும் தமிழகத்தில் மின்வெட்டே இருக்காது சட்டசபையில் அமைச்சர் உறுதி
பராமரிப்பு பணிகள் 10 நாட்கள் நடைபெற்று முடிந்ததும் தமிழ்நாட்டில் மின்வெட்டு இனி இருக்காது என்று அமைச்சர் செந்தில் பாலாஜி கூறினார்.
3. போக்குவரத்து துறையில் 85 சதவீத ஊழியர்களுக்கு கொரோனா தடுப்பூசி அமைச்சர் ராஜகண்ணப்பன் தகவல்
தமிழக அரசின் போக்குவரத்து துறையில் 85 சதவீத ஊழியர்களுக்கு கொரோனா தடுப்பூசி செலுத்தப்பட்டுள்ளது என்றும், மீதமுள்ளவர்களுக்கு விரைவில் செலுத்தப்படும் என்றும் போக்குவரத்து துறை அமைச்சர் ராஜகண்ணப்பன் தெரிவித்தார்.
4. நடிகை சாந்தினி கொடுத்த பாலியல் புகாரில் வழக்கு: அ.தி.மு.க. முன்னாள் அமைச்சர் மணிகண்டன் பெங்களூருவில் கைது
அ.தி.மு.க. முன்னாள் அமைச்சர் மணிகண்டனை பெங்களூருவில் வைத்து போலீசார் கைது செய்தனர். அவரை சென்னை அழைத்து வந்து கோர்ட்டு உத்தரவின்படி ஜெயிலில் அடைக்கப்பட்டார்.
5. ‘‘பெட்ரோல்-டீசல் மீதான வரியை குறைக்க சாத்தியம் இல்லை” நிதி அமைச்சர் பழனிவேல் தியாகராஜன் பேட்டி
‘‘தமிழகத்தில் பெட்ரோல்-டீசல் மீதான வரியை குறைக்க இப்போது சாத்தியமில்லை’’ என்று நிதி அமைச்சர் பழனிவேல் தியாகராஜன் கூறியுள்ளார்.