மாநில செய்திகள்

முதல் கையெழுத்திலேயே முழு நம்பிக்கை பெற்றுவிட்டார் மு.க.ஸ்டாலின் கவிஞர் வைரமுத்து பாராட்டு + "||" + Vairamuthu, the poet of MK Stalin, praised him with full confidence in his first signature

முதல் கையெழுத்திலேயே முழு நம்பிக்கை பெற்றுவிட்டார் மு.க.ஸ்டாலின் கவிஞர் வைரமுத்து பாராட்டு

முதல் கையெழுத்திலேயே முழு நம்பிக்கை பெற்றுவிட்டார் மு.க.ஸ்டாலின் கவிஞர் வைரமுத்து பாராட்டு
முதல் கையெழுத்திலேயே முழு நம்பிக்கை பெற்றுவிட்டார் முதல்-அமைச்சர் மு.க.ஸ்டாலின் என்று கவிஞர் வைரமுத்து பாராட்டு தெரிவித்துள்ளார்.
சென்னை, 

தமிழகத்தின் முதல்-அமைச்சராக பொறுப்பேற்றுக்கொண்ட முதல் நாளிலேயே அவர் இட்டிருக்கும் முதல் கையொப்பத்திலேயே தமிழ்நாட்டின் முழு நம்பிக்கையை பெற்றிருக்கிறார் தமிழகத்தின் முதல்-அமைச்சர் முத்துவேல் கருணாநிதி ஸ்டாலின். எங்களுக்கெல்லாம் மகிழ்ச்சி கரைபுரள்கிறது.

பெண்களுக்கு இலவசப் பேருந்துப் பயணமென்பது தாய்க்குலத்துக்கு அவர் செய்திருக்கிற மரியாதை. கொரோனா உதவித்தொகை என்பது அவர் சொன்ன சொல்லை காப்பாற்றும் நேர்மை. குறை தீர்ப்பதற்குத் தனித்துறை நியமித்திருப்பது அவரது நிர்வாக நேர்த்தி. முதல்-அமைச்சர் ஆனவுடன் இதை அவர் செய்திருக்கிறார் என்று சொல்வதைவிட, முதல்-அமைச்சர் ஆவதற்கு முன்பே முதல்-அமைச்சராகத் தன் மூளையை செயல்படுத்தத் தொடங்கிவிட்டார் என்று சொல்லத் தோன்றுகிறது; வாழ்த்துக்கள்.

நல்லாட்சி தருவார்

இன்றைக்கு முதல்-அமைச்சராக அவர் கிரீடம் கொண்டிருப்பதை மட்டும்தான் பலபேர் ரசிப்பார்கள்.

ஆனால், அந்த கிரீடத்தை அடைவதற்கு முன்னால் அவர் தாங்கியிருந்த முள்மகுடங்கள் எத்தனை என்பதை என்னைப் போன்றவர்கள் அறிவார்கள். அதனால் தான் அவருக்கு வாழ்வின் விலை தெரிகிறது; அரசின் நிலை தெரிகிறது; மக்களின் வலி தெரிகிறது. ஒவ்வொன்றுக்குமான மதிப்பையும், விழுமியத்தையும் அவர் அறிந்துவைத்திருக்கிறார் என்பதனால் அவர் நல்லாட்சி தருவார் என்ற நம்பிக்கை எங்களைப் போன்றவர்களுக்கு இருக்கிறது.

இவ்வாறு அவர் கூறியுள்ளார்.

தொடர்புடைய செய்திகள்

1. ஹைட்ரோ கார்பன் திட்டத்துக்கு அனுமதி மறுப்பு: தமிழக அரசின் நடவடிக்கைக்கு டாக்டர் ராமதாஸ் பாராட்டு
ஹைட்ரோ கார்பன் திட்டத்துக்கு அனுமதி மறுப்பு: தமிழக அரசின் நடவடிக்கைக்கு டாக்டர் ராமதாஸ் பாராட்டு ‘காவிரி படுகையின் புனிதமும், செழுமையும் பாதுகாக்கப்பட வேண்டும்’.
2. வேளாண்மை துறைக்கு தனி பட்ஜெட், சேவை உரிமை சட்டம்: கவர்னர் உரைக்கு டாக்டர் ராமதாஸ் பாராட்டு
தமிழகத்தில் வேளாண்மைத்துறைக்கு என்று தனி பட்ஜெட் தாக்கல் செய்யப்படும். பொதுச்சேவை பெறும் உரிமை சட்டம் கொண்டு வரப்படும் என்று கவர்னர் உரையில் இடம் பெற்ற அறிவிப்புகளுக்கு டாக்டர் ராமதாஸ் வரவேற்பு தெரிவித்துள்ளார்.
3. கிராம வளர்ச்சி திட்டம் தயாரித்த மாணவிக்கு மதுரை ஐகோர்ட்டு நீதிபதிகள் பாராட்டு
கிராம வளர்ச்சி திட்டம் தயாரித்த 10-ம் வகுப்பு மாணவிக்கு மதுரை ஐகோர்ட்டு நீதிபதிகள் பாராட்டு தெரிவித்தனர். மேலும் அந்த மாணவி நேரடியாக வீடியோ கான்பரன்சிங்கில் ஆஜராகி நீதிபதிகளிடம் விளக்கம் அளித்தார்.
4. ‘‘தமிழ் பசியாறியது உன் கையெழுத்தால், தமிழ்நாடு பசியாறுகிறது உன் தனயன் கையொப்பத்தால்’’ கருணாநிதி பிறந்தநாளையொட்டி, கவிஞர் வைரமுத்து புகழாரம்
கருணாநிதியின் பிறந்தநாளையொட்டி, கவிஞர் வைரமுத்து கவிதை மூலம் அவருக்கு புகழாரம் சூட்டியுள்ளார். ‘‘தமிழ் பசியாறியது உன் கையெழுத்தால், இன்று தமிழ்நாடு பசியாறுகிறது உன் தனயனின் கையொப்பத்தால்’’, என்று அவர் அதில் குறிப்பிட்டுள்ளார்.
5. ‘‘தமிழ் பசியாறியது உன் கையெழுத்தால், தமிழ்நாடு பசியாறுகிறது உன் தனயன் கையொப்பத்தால்’’; கருணாநிதி பிறந்தநாளையொட்டி, கவிஞர் வைரமுத்து புகழாரம்
கருணாநிதியின் பிறந்தநாளையொட்டி, கவிஞர் வைரமுத்து கவிதை மூலம் அவருக்கு புகழாரம் சூட்டியுள்ளார். ‘‘தமிழ் பசியாறியது உன் கையெழுத்தால், இன்று தமிழ்நாடு பசியாறுகிறது உன் தனயனின் கையொப்பத்தால்’’, என்று அவர் அதில் குறிப்பிட்டுள்ளார்.