கொரோனா பரவல்: குருவாயூர், புனலூர் எக்ஸ்பிரஸ் ரெயில்கள் திருவனந்தபுரம் வரை இயக்கப்படும் - மதுரை கோட்ட ரெயில்வே தகவல்

மதுரை,

மதுரை கோட்ட ரெயில்வேயில் தென்மாவட்டங்களில் இருந்து இயக்கப்படும் ரெயில்கள் பயணிகளின் வரத்து குறைவால் ரத்து செய்யப்பட்டன. இதற்காக அந்த ரெயில்களில் வருகிற 31-ந் தேதி வரை ரத்து செய்யப்படுவதாக அறிவிக்கப்பட்டிருந்தது. 

இதற்கிடையே, இந்த ரெயில்களை வருகிற 15-ந் தேதி வரை ரத்து செய்யப்பட்டுள்ளன. அதன்படி, திருச்சியில் இருந்து மதுரை வழியாக திருவனந்தபுரம் வரை செல்லும் இன்டர்சிட்டி எக்ஸ்பிரஸ் ரெயில் வருகிற 15-ந் தேதி வரையிலும், திருவனந்தபுரத்தில் இருந்து திருச்சி வரை இயக்கப்படும் ரெயில் வருகிற 16-ந் தேதி வரையும் ரத்து செய்யப்படுகிறது.

சென்னை-ராமேசுவரம் எக்ஸ்பிரஸ் (வ.எண்.06851) வருகிற 15-ந் தேதி வரையிலும், மறுமார்க்கத்தில் ராமேசுவரம்-சென்னை எக்ஸ்பிரஸ் (வ.எண்.06852) வருகிற 16-ந் தேதி வரையும் ரத்து செய்யப்படுகிறது.

மதுரையில் இருந்து நாகர்கோவில், திருவனந்தபுரம் வழியாக புனலூர் வரை இயக்கப்படும் சிறப்பு ரெயில் வருகிற 15-ந் தேதி வரையும், மறுமார்க்கத்தில் புனலூரில் இருந்து மதுரை வர வேண்டிய சிறப்பு ரெயில் வருகிற 16-ந் தேதி வரையும் இருமார்க்கங்களிலும் திருவனந்தபுரம் வரை மட்டும் இயக்கப்படும். திருவனந்தபுரம்-புனலூர் இடையே ரத்து செய்யப்படுகிறது. சென்னையில் இருந்து மதுரை வழியாக குருவாயூர் செல்லும் எக்ஸ்பிரஸ் ரெயில் வருகிற 15-ந் தேதி வரையிலும், குருவாயூரில் இருந்து சென்னை செல்லும் ரெயில் வருகிற 16-ந் தேதி வரையிலும் இரு மார்க்கங்களிலும் திருவனந்தபுரம் வரை மட்டும் இயக்கப்படும் என மதுரை கோட்ட ரெயில்வே தெரிவித்துள்ளது.