மாநில செய்திகள்

அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் ஐகோர்ட்டில் எடப்பாடி பழனிசாமி மனு + "||" + Edappadi Palanisamy's petition seeking dismissal of case seeking ban on appointment of executives in AIADMK

அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் ஐகோர்ட்டில் எடப்பாடி பழனிசாமி மனு

அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் ஐகோர்ட்டில் எடப்பாடி பழனிசாமி மனு
அ.தி.மு.க.வில் நிர்வாகிகளை நியமிக்க தடை கேட்ட வழக்கை அபராதத்துடன் தள்ளுபடி செய்ய வேண்டும் என்று கட்சியின் இணை ஒருங்கிணைப்பாளர் எடப்பாடி பழனிசாமி பதில் மனு தாக்கல் செய்துள்ளார்.
சென்னை,

சென்னை சிட்டி சிவில் கோர்ட்டில் திண்டுக்கல்லைச் சேர்ந்த சூரியமூர்த்தி என்ற அ.தி.மு.க. தொண்டர் தாக்கல் செய்துள்ள வழக்கில், அ.தி.மு.க.வில் கடந்த 2014-ம் ஆண்டுக்கு பிறகு உட்கட்சி தேர்தல் நடைபெறவில்லை என்பதால், உட்கட்சி தேர்தலை நடத்தாமல் நிர்வாகிகளை நியமனம் செய்வதற்கு தடை விதிக்க வேண்டும் என்று கோரியிருந்தார்.


இந்த வழக்கு சிட்டி சிவில் கோர்ட்டில் நீதிபதி தாமோதரன் முன்பு நேற்று விசாரணைக்கு வந்தது.

உரிமை இல்லை

அப்போது, இந்த வழக்கை தள்ளுபடி செய்யக்கோரி எடப்பாடி பழனிசாமி சார்பில் மனு தாக்கல் செய்யப்பட்டது.

அந்த மனுவில் கூறியிருப்பதாவது:-

இந்த வழக்கை தொடர்ந்துள்ள சூரியமூர்த்தி இன்றைய தேதியில் அ.தி.மு.க. உறுப்பினர் இல்லை. அதனால் இந்த வழக்கை தொடர அவருக்கு அடிப்படை உரிமை எதுவும் இல்லை. வேறு சிலரின் தனிப்பட்ட நலனுக்காக கட்சியின் பெயருக்கு களங்கம் ஏற்படுத்த வேண்டும் என்ற உள்நோக்கத்தோடு இந்த வழக்கு தாக்கல் செய்யபட்டுள்ளது. முகத்தைக் காட்ட விரும்பாத சிலர் பின்னால் இருந்து மனுதாரரை இயக்குகின்றனர். ஏற்கனவே சசிகலா மற்றும் டி.டி.வி. தினகரன், தாங்கள்தான் உண்மையான அ.தி.மு.க. என கூறி தேர்தல் ஆணையத்தில் அளித்த மனு நிராகரிக்கப்பட்டு விட்டது.

கடந்த 2017-ம் ஆண்டு, செப்டம்பர் மாதம் சசிகலாவை நீக்கி பொதுக்குழுவில் இயற்றப்பட்ட தீர்மானத்தையும், ஒருங்கிணைப்பாளர், இணை ஒருங்கிணைப்பாளர் தேர்வு செய்யப்பட்ட தீர்மானத்தையும் தேர்தல் ஆணையம் ஏற்றுக்கொண்டுள்ளது. கொரோனா சூழல் காரணமாக உட்கட்சி தேர்தலை நடத்த தேர்தல் ஆணையத்திடம் கால அவகாசம் பெறப்பட்டுள்ளது.

அபராதம்

இந்த வழக்கில் மனுதாரர் நிறைய தகவல்களை மறைத்துள்ளார். அவர் கட்சியின் உறுப்பினர்தான் என்பதை நிரூபிப்பதற்கான ஆதாரங்கள் எதையும் தாக்கல் செய்யவில்லை. ஒரே கோரிக்கைக்கு பல கோர்ட்டுகளில் வழக்கு தொடர்வதை வாடிக்கையாக வைத்துள்ளார். எனவே, இவரது வழக்கை அபராதத்துடன் தள்ளுபடி செய்ய வேண்டும்.

இவ்வாறு அதில் கூறப்பட்டுள்ளது.

இதையடுத்து வழக்கு விசாரணையை வருகிற ஆகஸ்டு 10-ந் தேதிக்கு நீதிபதி தள்ளிவைத்தார்.

தொடர்புடைய செய்திகள்

1. நெல் விளைச்சல் அதிகமுள்ள மாவட்டங்களில் மூடப்பட்ட நேரடி கொள்முதல் நிலையங்களை உடனே திறக்க வேண்டும்
நெல் விளைச்சல் அதிகமுள்ள மாவட்டங்களில், மூடப்பட்டுள்ள நேரடி கொள்முதல் நிலையங்களை உடனே திறக்க வேண்டும் என்று தமிழக அரசை எடப்பாடி பழனிசாமி வலியுறுத்தியுள்ளார்.
2. எடப்பாடி பழனிசாமியுடன் அண்ணாமலை, எல்.முருகன் சந்திப்பு
அ.தி.மு.க. இணை ஒருங்கிணைப்பாளர் எடப்பாடி பழனிசாமியை மத்திய இணையமைச்சர் எல்.முருகன், தமிழக பா.ஜ.க. தலைவர் அண்ணாமலை உள்ளிட்டோர் சந்தித்து பேசினர்.
3. உள்ளாட்சி தேர்தல்: மத்திய போலீஸ் படையினரை அதிகளவில் நியமிக்க வேண்டும் எடப்பாடி பழனிசாமி மனு
9 மாவட்ட உள்ளாட்சி தேர்தலை நியாயமாக நடத்த மத்திய போலீஸ் படையினரை அதிகளவில் நியமிக்க வேண்டும் என்று மாநில தேர்தல் ஆணையத்துக்கு எடப்பாடி பழனிசாமி மனு அனுப்பி உள்ளார்.
4. ‘நீட்' தேர்வு பயத்தில் மாணவி தற்கொலை: மாணவர்கள் விபரீதமான முடிவை எடுக்க வேண்டாம் - எடப்பாடி பழனிசாமி வேண்டுகோள்
‘நீட்' தேர்வு முடிவு பயத்தில் மாணவி தற்கொலை செய்துகொண்டுள்ள நிலையில், மாணவர்கள் விபரீதமான முடிவை எடுக்க வேண்டாம் என்று எடப்பாடி பழனிசாமி வேண்டுகோள் விடுத்துள்ளார்.
5. தனுஷ் என்ற மாணவரின் தற்கொலைக்கு அரசுதான் பொறுப்பு: எடப்பாடி பழனிசாமி குற்றச்சாட்டு
தனுஷ் என்ற மாணவரின் தற்கொலைக்கு அரசுதான் பொறுப்பு என்று எடப்பாடி பழனிசாமி கூறினார்.