மாநில செய்திகள்

அபராதத்தை எதிர்த்து நடிகர் விஜய் தொடர்ந்த வழக்கை விசாரணைக்கு ஏற்க வேண்டும் ஐகோர்ட்டு பதிவுத்துறைக்கு, நீதிபதிகள் உத்தரவு + "||" + The judges directed the tribunal to accept the case filed by actor Vijay against the fine

அபராதத்தை எதிர்த்து நடிகர் விஜய் தொடர்ந்த வழக்கை விசாரணைக்கு ஏற்க வேண்டும் ஐகோர்ட்டு பதிவுத்துறைக்கு, நீதிபதிகள் உத்தரவு

அபராதத்தை எதிர்த்து நடிகர் விஜய் தொடர்ந்த வழக்கை விசாரணைக்கு ஏற்க வேண்டும் ஐகோர்ட்டு பதிவுத்துறைக்கு, நீதிபதிகள் உத்தரவு
நுழைவு வரியை எதிர்த்த வழக்கில் விதிக்கப்பட்ட அபராதத்தை ரத்து செய்யக்கோரி, நடிகர் விஜய் தொடர்ந்த மேல்முறையீடு வழக்கை விசாரணைக்கு பட்டியலிடும்படி ஐகோர்ட்டு பதிவுத்துறைக்கு நீதிபதிகள் உத்தரவிட்டுள்ளனர்.
சென்னை,

இங்கிலாந்து நாட்டில் இருந்து இறக்குமதி செய்யப்பட்ட ‘ரோல்ஸ் ராய்ஸ் கோஸ்ட்' என்ற சொகுசு காருக்கு தமிழக அரசு விதித்த நுழைவு வரியை எதிர்த்து சென்னை ஐகோர்ட்டில் நடிகர் விஜய் வழக்கு தொடர்ந்தார். இந்த வழக்கை விசாரித்த நீதிபதி எஸ்.எம்.சுப்பிரமணியம், கடும் கண்டனக் கருத்துகளை தெரிவித்து, வழக்கை தள்ளுபடி செய்தார். மேலும் நடிகர் விஜய்க்கு ரூ.1 லட்சம் வழக்கு செலவு (அபராதம்) விதித்தார்.


இந்த தீர்ப்பை எதிர்த்து, சென்னை ஐகோர்ட்டில் விஜய் மேல்முறையீடு செய்தார். ‘‘தனி நீதிபதி உத்தரவின் அசல் ஆவணம் இன்னும் கிடைக்கவில்லை என்பதால், ஐகோர்ட்டு இணையதளத்தில் இருந்து பதிவிறக்கம் செய்யப்பட்ட உத்தரவு நகலின்படி, மேல்முறையீட்டு வழக்கை விசாரணைக்கு ஏற்று, எண் வழங்க ஐகோர்ட்டு பதிவுத்துறைக்கு உத்தரவிட வேண்டும்’’ என்று விஜய் தரப்பில் மனு தாக்கல் செய்யப்பட்டது.

ஏற்க வேண்டும்

இந்த மனு நீதிபதிகள் எம்.துரைசாமி, ஆர்.ஹேமலதா ஆகியோர் முன்பு நேற்று விசாரணைக்கு வந்தது. அப்போது, விஜய் தரப்பில் ஆஜரானவக்கீல், ‘‘தனி நீதிபதி உத்தரவு ஆவணம் கேட்டு விண்ணப்பிக்கப்பட்டுள்ளது. எனவே, மேல்முறையீட்டு வழக்கை விசாரணைக்கு ஏற்க வேண்டும்’’ என்றார். இதையடுத்து நீதிபதிகள், மேல்முறையீட்டு வழக்கிற்கு எண் வழங்கும்படி பதிவாளருக்கு உத்தரவிட்டனர். பின்னர், அபராத தொகையை செலுத்தி விட்டு, வருகிற 28-ந்தேதி அறிக்கை தாக்கல் செய்ய தனி நீதிபதி எஸ்.எம்.சுப்பிரமணியம் உத்தரவிட்டுள்ளதால், இந்த மேல்முறையீட்டு வழக்கை வருகிற 26-ந்தேதி விசாரணைக்கு எடுக்க வேண்டும் என்றும் வக்கீல் கோரிக்கை விடுத்தார். இதற்கு நீதிபதிகள், மேல்முறையீட்டு வழக்கிற்கு எண் வழங்கும் நடைமுறை முடிந்ததும், விசாரணைக்கு வழக்கை பட்டியிலிட ஐகோர்ட்டு பதிவுத்துறைக்கு உத்தரவிட்டனர்.

தொடர்புடைய செய்திகள்

1. குழந்தைகளை கட்டாயம் பள்ளிக்கு வர வற்புறுத்த வேண்டாம் அமைச்சர் அன்பில் மகேஷ் பொய்யாமொழி உத்தரவு
குழந்தைகளை பள்ளிக்கு வர வற்புறுத்த வேண்டாம் என பள்ளிகளுக்கு சுற்றறிக்கை அனுப்பப்படும் என்று அமைச்சர் அன்பில் மகேஷ் பொய்யாமொழி தெரிவித்தார்.
2. கொரோனா இறப்பு சான்றிதழ் வழங்குவதில் விதிகளை கண்டிப்புடன் பின்பற்ற வேண்டும்
கொரோனா இறப்பு சான்றிதழ் வழங்குவதில் விதிகளை கண்டிப்புடன் பின்பற்ற வேண்டும் ஐகோர்ட்டு உத்தரவு.
3. மாணவர்களை நேரடியாக வகுப்புக்கு வருமாறு கட்டாயப்படுத்தும் பள்ளிகள் மீது நடவடிக்கை ஐகோர்ட்டு உத்தரவு
மாணவர்கள் நேரடியாக பள்ளிக்கு வரவேண்டும் என்று கட்டாயப்படுத்தும் பள்ளிக்கூடங்கள் மீது நடவடிக்கை எடுக்க வேண்டும் என்று தமிழக அரசுக்கு ஐகோர்ட்டு உத்தரவிட்டது.
4. மேய்க்கால் புறம்போக்கு நிலங்களில் புதிய ஆக்கிரமிப்பு இல்லை என்பதை உறுதி செய்ய வேண்டும் ஐகோர்ட்டு உத்தரவு
தமிழகத்தில் மேய்க்கால் புறம்போக்கு நிலங்களில் புதிய ஆக்கிரமிப்பு இல்லை என்பதை தமிழக அரசு உறுதி செய்ய வேண்டும் என்று சென்னை ஐகோர்ட்டு உத்தரவிட்டுள்ளது.
5. கோவில் நிலத்தை அபகரிப்பவர்கள் மீது குண்டர் சட்டம் ஐகோர்ட்டு அதிரடி உத்தரவு
கோவில் சொத்துகளை அபகரித்துள்ளவர்கள், அபகரிப்பவர்கள் மீது குண்டர் தடுப்பு சட்டத்தின் கீழ் கடுமையான நடவடிக்கை எடுக்க வேண்டும் என்று சென்னை ஐகோர்ட்டு அதிரடியாக உத்தரவிட்டுள்ளது.