மாநில செய்திகள்

தனியார் கம்பெனியில் மேற்கூரை அமைக்கும்போது 40 அடி உயரத்தில் இருந்து விழுந்த தொழிலாளி பலி + "||" + Worker killed after falling from a height of 40 feet while roofing in private company

தனியார் கம்பெனியில் மேற்கூரை அமைக்கும்போது 40 அடி உயரத்தில் இருந்து விழுந்த தொழிலாளி பலி

தனியார் கம்பெனியில் மேற்கூரை அமைக்கும்போது 40 அடி உயரத்தில் இருந்து விழுந்த தொழிலாளி பலி
தனியார் கம்பெனியில் கட்டப்பட்டு வரும் குடோனுக்கு மேற்கூரை அமைக்கும்போது சுமார் 40 அடி உயரத்தில் இருந்து தவறி விழுந்த தொழிலாளி பரிதாபமாக இறந்தார்.
பெரம்பூர்,

சென்னை தண்டையார்பேட்டை வைத்தியநாதன் மேம்பாலம் 1-வது தெருவில் கோபாலபுரத்தைச் சேர்ந்த விஜய்பாபு என்பவருக்கு சொந்தமான கம்பெனி இயங்கி வருகிறது. இங்கு தனியாக சுமார் 40 அடி உயரத்தில் ராட்சத குடோன் அமைக்கும் பணி நடைபெற்று வருகிறது.


இந்த பணியை என்ஜினீயர் ஜோஸ்வா என்பவர் ஒப்பந்தம் எடுத்து செய்து வருகிறார். ராட்சத குடோனுக்கு மேற்கூரை அமைக்கும் பணியில் கொருக்குப்பேட்டை இளையமுதலி தெருவைச் சேர்ந்த சத்யா என்ற பாக்யராஜ் (வயது 35) மற்றும் அவருடைய அண்ணன் ஜெயபால் ஆகியோர் ஈடுபட்டு வந்தனர்.

கீழே விழுந்து பலி

நேற்று காலை சத்யா, சுமார் 40 அடி உயரத்தில் ஏறி மேற்கூரை அமைக்கும் பணியில் ஈடுபட்டு இருந்தார். அப்போது திடீரென அங்கிருந்து தவறி கீழே விழுந்துவிட்டார். இதில் தலை, முகம், கழுத்து, இடுப்பு உள்ளிட்ட இடங்களில் படுகாயம் அடைந்த சத்யாவை மீட்டு ஸ்டான்லி ஆஸ்பத்திரிக்கு கொண்டு சென்றனர்.

அங்கு சத்யாவை பரிசோதித்த டாக்டர்கள், அவர் ஏற்கனவே இறந்து விட்டதாக தெரிவித்தனர். இதுகுறித்து தண்டையார்பேட்டை போலீசார் வழக்குப்பதிவு செய்து விசாரித்து வருகின்றனர்.பலியான சத்யாவுக்கு திருமணமாகி தீபா என்ற மனைவியும், ஒரு மகள், ஒரு மகனும் உள்ளனர்.

தொடர்புடைய செய்திகள்

1. நண்பர்களுடன் குளித்தபோது கிருஷ்ணா கால்வாயில் மூழ்கி என்ஜினீயர் பலி
நண்பர்களுடன் கிருஷ்ணா கால்வாயில் குளித்தபோது நீரில் மூழ்கி கம்யூட்டர் என்ஜினீயர் பரிதாபமாக உயிரிழந்தார்.
2. கார் ஆற்றில் கவிழ்ந்து காதலருடன் இளம் நடிகை பலி
கார் ஆற்றில் கவிழ்ந்து காதலருடன் இளம் நடிகை பலி.
3. தாம்பரம் அருகே தடுப்பு சுவரில் மோதி சாலையில் கவிழ்ந்த ஷேர் ஆட்டோ; புதுமாப்பிள்ளை உள்பட 3 பேர் பலி
தாம்பரம் அருகே தடுப்பு சுவரில் மோதிய ஷேர்ஆட்டோ சாலையில் கவிழ்ந்து விபத்துக்குள்ளானது. இதில் புதுமாப்பிள்ளை, பாதிரியார் உள்பட 3 பேர் பலியானார்கள். மேலும் 3 பேர் காயம் அடைந்தனர்.
4. ரஷ்யாவில் கொரோனாவால் பலியானோர் எண்ணிக்கை 2 லட்சத்தை தாண்டியது
ரஷ்யாவில் கடந்த 24 மணி நேரத்தில் புதிதாக 19,706 பேருக்கு கொரோனா பாதிப்பு உறுதி செய்யப்பட்டுள்ளது.
5. பஸ் மோதி காவலாளி பலி
பஸ் மோதி காவலாளி பலியானார்.