மாநில செய்திகள்

ஆதிதிராவிடர் மற்றும் பழங்குடியினருக்கான உயர்நிலை விழிப்புணர்வு-கண்காணிப்பு குழு திருத்தி அமைப்பு தமிழக அரசு உத்தரவு + "||" + High Level Awareness-Monitoring Committee for Adithravidar and Tribes Edited by Government of Tamil Nadu

ஆதிதிராவிடர் மற்றும் பழங்குடியினருக்கான உயர்நிலை விழிப்புணர்வு-கண்காணிப்பு குழு திருத்தி அமைப்பு தமிழக அரசு உத்தரவு

ஆதிதிராவிடர் மற்றும் பழங்குடியினருக்கான உயர்நிலை விழிப்புணர்வு-கண்காணிப்பு குழு திருத்தி அமைப்பு தமிழக அரசு உத்தரவு
ஆதிதிராவிடர் மற்றும் பழங்குடியினருக்கான உயர்நிலை விழிப்புணர்வு- கண்காணிப்பு குழுவை திருத்தி அமைத்து தமிழக அரசு உத்தரவு பிறப்பித்துள்ளது.
சென்னை,

தமிழக ஆதிதிராவிடர் மற்றும் பழங்குடியினர் நலத்துறை முதன்மை செயலாளர் க.மணிவாசன் பிறப்பித்துள்ள அரசாணையில் கூறப்பட்டிருப்பதாவது:-

ஆதிதிராவிடர் மற்றும் பழங்குடியினர் வன்கொடுமை தடுப்பு சட்டத்தின்படி, மாநில அளவிலான உயர்நிலை விழிப்புணர்வு மற்றும் கண்காணிப்புக் குழு அமைக்கப்பட வேண்டும். அந்தவகையில் சட்டமன்ற தேர்தலுக்கு பிறகு இக்குழு திருத்தி அமைக்கப்பட்டு உள்ளது.


அதன்படி, தமிழக முதல்-அமைச்சர் மு.க.ஸ்டாலின் தலைமையில் ஆதிதிராவிடர் மற்றும் பழங்குடியினர் இனத்தை சேர்ந்த எம்.எல்.ஏ.க்கள், எம்.பி.க்களை கொண்ட உயர்நிலை விழிப்புணர்வு- கண்காணிப்பு குழு அமைக்கப்பட்டு உள்ளது.

குழு உறுப்பினர்கள் நியமனம்

முதல்-அமைச்சர் தலைமையிலான இக்குழுவில் நிதித்துறை அமைச்சர், ஆதிதிராவிடர் நலத்துறை அமைச்சர், தொழிலாளர் நலத்துறை அமைச்சர், சுற்றுலாத்துறை அமைச்சர் ஆகியோர் உறுப்பினர்களாக நியமிக்கப்பட்டு உள்ளனர்.

ஆதிதிராவிடர் மற்றும் பழங்குடியினர் இனத்தை சேர்ந்த மாநிலங்களவை எம்.பி.க்கள் என்.சந்திரசேகர், பெ.செல்வராசு, மக்களவை எம்.பி.க்கள் ஜி.செல்வம், டி.ரவிகுமார், ஏ.ராஜா, தொல்.திருமாவளவன், எம்.செல்வராஜ், தனுஷ் எம்.குமார் ஆகியோர் உறுப்பினர்களாக நியமிக்கப்பட்டு உள்ளனர்.

இதுதவிர 43 எம்.எல்.ஏ.க்களும், தலைமைச் செயலாளர் வெ.இறையன்பு உள்பட 5 பேர் அலுவல் சார் உறுப்பினர்களாகவும், ஒருவர் அமைப்பாளராகவும் நியமிக்கப்பட்டு உள்ளனர்.

ஆய்வுக்கூட்டம்

இந்த குழு ஆண்டுக்கு இருமுறை (ஜனவரி மற்றும் ஜூலை மாதங்களில்) கூட்டப்பட்டு ஆதிதிராவிடர் மற்றும் பழங்குடியினர் உரிமைகள் மற்றும் அதுதொடர்பான பணிகளை ஆய்வு செய்யும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. பள்ளிக்கல்வி இயக்குனர்கள், இணை இயக்குனர்கள் கூண்டோடு இடமாற்றம் அரசு அறிவிப்பு
பள்ளிக்கல்வி இயக்குனர்கள், இணை இயக்குனர்களை கூண்டோடு இடமாற்றம் செய்து அரசு உத்தரவிட்டு இருக்கிறது.
2. நெடுஞ்சாலை விரிவாக்கத்துக்காக சசிகலாவின் பையனூர் நிலத்தை கையகப்படுத்தும் நடவடிக்கை ரத்து
நெடுஞ்சாலை விரிவாக்கத்துக்காக சசிகலாவுக்கு சொந்தமான பையனூர் தோட்டத்தில் ஒரு பகுதியை கையகப்படுத்தும் நடவடிக்கையை ரத்து செய்து ஐகோர்ட்டு உத்தரவிட்டுள்ளது.
3. விளையாட்டு அரங்கங்களில் போட்டிகளை நடத்த தமிழக அரசு அனுமதி
கொரோனா தடுப்பு நடவடிக்கைகளை பின்பற்றிவிளையாட்டு அரங்கங்களில் போட்டிகளை நடத்த தமிழக அரசு அனுமதி.
4. வேலூர், திருப்பத்தூர், ராணிப்பேட்டை மாவட்டங்களில் அரசு, தனியார் பள்ளிகளுக்கு இன்று விடுமுறை
வேலூர், திருப்பத்தூர், ராணிப்பேட்டை மாவட்டங்களில் அரசு மற்றும் தனியார் பள்ளிகளுக்கு இன்று (வெள்ளிக்கிழமை) விடுமுறை அளித்து மாவட்ட கலெக்டர்கள் அறிவித்துள்ளனர்.
5. நகைகளை அடகு வைத்து கோடிக்கணக்கில் மோசடி தொகையை திருப்பி வசூலிக்க தமிழக அரசு அதிரடி உத்தரவு
கூட்டுறவு வங்கிகளில் அரசின் தள்ளு படியை பெறுவதற்காக நகைகளை அடகு வைத்து கோடிக்கணக்கில் மோசடி நடந்தது அம்பலமாகி உள்ளது. இது தொடர்பான தொகையை திருப்பி வசூலிக்க தமிழக அரசு அதிரடி உத்தரவு பிறப்பித்துள்ளது.