மாநில செய்திகள்

சட்டவிரோத ஆக்கிரமிப்புகளை தவிர வாடகைதாரர்களை வெளியேற்றுதல் உள்ளிட்ட நடவடிக்கைகளுக்கு விதிக்கப்பட்ட தடை நீட்டிப்பு + "||" + Extension of prohibition imposed on activities including eviction of tenants other than illegal occupations

சட்டவிரோத ஆக்கிரமிப்புகளை தவிர வாடகைதாரர்களை வெளியேற்றுதல் உள்ளிட்ட நடவடிக்கைகளுக்கு விதிக்கப்பட்ட தடை நீட்டிப்பு

சட்டவிரோத ஆக்கிரமிப்புகளை தவிர வாடகைதாரர்களை வெளியேற்றுதல் உள்ளிட்ட நடவடிக்கைகளுக்கு விதிக்கப்பட்ட தடை நீட்டிப்பு
சட்டவிரோத ஆக்கிரமிப்புகள் தவிர, வாடகைதாரர்களை வெளியேற்றுதல் உள்ளிட்ட மற்ற வழக்குகளில் பிறப்பிக்கப்பட்ட இடைக்கால உத்தரவுகளை வரும் ஆகஸ்டு 31-ந்தேதி வரை நீட்டித்து ஐகோர்ட்டு உத்தரவிட்டுள்ளது.
சென்னை,

கொரோனா நோய்த்தொற்று பரவலைத் தடுக்கும்வகையில் கடந்த ஆண்டு மார்ச் 24-ந்தேதி நாடு முழுவதும் ஊரடங்கு அமல்படுத்தப்பட்டது. இதனால், சென்னை ஐகோர்ட்டு, ஐகோர்ட்டு மதுரை கிளை மற்றும் மாநிலம் முழுவதும் உள்ள கோர்ட்டுகள் மூடப்பட்டன. அவசர வழக்குகள் மட்டும் ஆன்லைன் மூலம் விசாரிக்கப்பட்டன.


அதேநேரம் ஊரடங்கை கருத்தில்கொண்டு, சட்டவிரோத ஆக்கிரமிப்புகளை அகற்றுவது, சட்டவிரோத கட்டிடங்களை இடிப்பது, வாடகை வீடுகளை காலி செய்வது, வாடகை பாக்கியை வசூலிப்பது, வாடகை வீட்டில் இருந்து வாடகைதாரர்களை வெளியேற்றுவது உள்ளிட்ட நடவடிக்கைகளுக்கு ஐகோர்ட்டு தடை விதித்தது. இதுபோன்ற வழக்குகளில் ஏற்கனவே விதிக்கப்பட்ட இடைக்கால தடைகளை நீட்டித்து உத்தரவிட்டது.

விருப்பம் இல்லை

இதுதொடர்பாக ஐகோர்ட்டு தாமாக முன்வந்து விசாரணைக்கு எடுத்த வழக்கு உரிய கால இடைவெளியில் விசாரணைக்கு வரும்போது, இந்த உத்தரவுகள் நீட்டிக்கப்பட்டு வந்தன. இந்த வழக்கு கடந்தமுறை விசாரணைக்கு வந்தபோது, இந்த இடைக்கால உத்தரவுகளை மேலும் நீட்டிக்க விரும்பவில்லை. எனவே ஜூலை 15-ந்தேதிக்குப் பின், சட்டவிரோத ஆக்கிரமிப்புகளை அகற்றவும், கட்டிடங்களை இடிக்கவும், தொகைகளை வசூலிக்கவும் அரசுக்குத் தடை எதுவும் இல்லை. அதேபோல இடைக்கால தடைகளும் நீட்டிக்கப்படாது என நீதிபதிகள் உத்தரவிட்டிருந்தனர்.

இந்த வழக்கு தலைமை நீதிபதி சஞ்சீவ் பானர்ஜி, நீதிபதி செந்தில்குமார் ராமமூர்த்தி ஆகியோர் முன்பு நேற்று விசாரணைக்கு வந்தது.

வக்கீல்கள் கோரிக்கை

அப்போது ஆஜரான வக்கீல்கள், கொரோனா ஊரடங்கு உத்தரவுகளின் காரணமாக பல்வேறு மாவட்டங்களில் கீழ்கோர்ட்டுகள் முழுமையாக செயல்படத் தொடங்கவில்லை. ஜாமீன் உள்ளிட்ட முக்கிய வழக்குகள் மட்டுமே விசாரணைக்கு எடுத்துக்கொள்ளப்படுகின்றன. இடைக்கால உத்தரவு பிறப்பிக்கப்பட்ட வழக்குகளை விசாரணைக்கு எடுப்பதில் தாமதம் ஏற்படுகிறது. எனவே இடைக்கால உத்தரவுகளை நீட்டிக்க வேண்டும் என கோரிக்கை விடுத்தனர். அதை ஏற்றுக்கொண்ட நீதிபதிகள், சட்டவிரோத ஆக்கிரமிப்புகளை அகற்றுதல் தவிர்த்து மற்ற வழக்குகளில் பிறப்பிக்கப்பட்ட இடைக்கால உத்தரவுகளை வருகிற ஆகஸ்டு 31-ந்தேதி வரை நீட்டித்து உத்தரவிட்டனர்.

தொடர்புடைய செய்திகள்

1. அ.தி.மு.க. ஆட்சியில் மு.க.ஸ்டாலின் மீது தொடரப்பட்ட அவதூறு வழக்குகள் ரத்து ஐகோர்ட்டு தீர்ப்பு
அ.தி.மு.க. ஆட்சி காலத்தில் மு.க.ஸ்டாலின் மீது தொடரப்பட்ட அனைத்து கிரிமினல் அவதூறு வழக்குகளையும் ரத்து செய்து சென்னை ஐகோர்ட்டு தீர்ப்பு அளித்துள்ளது.
2. நாய்களை பராமரிப்பது குறித்த விதிகளை உருவாக்கி தமிழ்நாடு அரசு முன் உதாரணமாக திகழ வேண்டும்
தெருநாய்கள் மற்றும் வளர்ப்பு நாய்களை பராமரிப்பது தொடர்பான விதிமுறைகளை உருவாக்கி, நாட்டிலேயே தமிழ்நாடு அரசு முன்னுதாரணமாக திகழவேண்டும் என்று சென்னை ஐகோர்ட்டு கருத்து கூறியுள்ளது.
3. சிறையில் அடைக்கப்பட்ட: நாமக்கல் மாற்றுத்திறனாளி இறந்தது எப்படி?
சிறையில் அடைக்கப்பட்ட: நாமக்கல் மாற்றுத்திறனாளி இறந்தது எப்படி? விசாரணை நடத்த மனித உரிமை ஆணையம் உத்தரவு.
4. தமிழ்த்தாய் வாழ்த்து பாடலை முழுமையாக பாட கோரிய வழக்கு தள்ளுபடி; ஐகோர்ட்டு உத்தரவு
தமிழ்தாய் வாழ்த்து பாடலில் நீக்கப்பட்ட வரிகளை சேர்த்து முழு பாடலையும் பாடவேண்டும் என்று தொடரப்பட்ட வழக்கை தள்ளுபடி செய்து ஐகோர்ட்டு உத்தரவிட்டுள்ளது.
5. அரசுக்கு வழங்க வேண்டிய வாடகை பாக்கியை அண்ணாநகர் கிளப் 4 வாரத்துக்குள் செலுத்த வேண்டும்
அரசுக்கு வழங்க வேண்டிய வாடகை பாக்கியை 4 வாரத்துக்குள் வழங்க வேண்டும் என்று சென்னை அண்ணாநகர் கிளப் நிர்வாகத்துக்கு ஐகோர்ட்டு அதிரடி உத்தரவு பிறப்பித்துள்ளது.