மாநில செய்திகள்

வ.உ.சி.யின் 150-வது ஆண்டு விழாவை ஓராண்டு கொண்டாட வேண்டும்: டாக்டர் ராமதாஸ் + "||" + One year to celebrate the 150th anniversary of the V.O.C: Dr. Ramdas

வ.உ.சி.யின் 150-வது ஆண்டு விழாவை ஓராண்டு கொண்டாட வேண்டும்: டாக்டர் ராமதாஸ்

வ.உ.சி.யின் 150-வது ஆண்டு விழாவை ஓராண்டு கொண்டாட வேண்டும்: டாக்டர் ராமதாஸ்
பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:-
இந்திய விடுதலை போராட்ட வரலாற்றில் தமிழ்நாட்டின் அடையாளமாகத் திகழும் செக்கிழுத்த செம்மல் வ.உ.சிதம்பரம் பிள்ளையின் பிறந்த நாள் 150-வது ஆண்டு வரும் செப்டம்பர் 5-ந்தேதி தொடங்குகிறது. தன்னை வருத்திக் கொண்டும், தமது செல்வங்களை இழந்தும் இந்திய விடுதலைக்காக போராடிய ஈடு இணையற்ற தலைவருக்கு மரியாதை செலுத்த இது சிறந்த வாய்ப்பாகும்.

வ.உ.சிதம்பரம் பிள்ளைக்கு இந்த நாடும், மக்களும் செலுத்த வேண்டிய மரியாதையையும், அங்கீகாரத்தையும் செலுத்துவதற்கு ஏற்ற தருணம் இப்போது கிடைத்திருக்கிறது. எனவே, ஓராண்டுக்கு வ.உ.சி.யின் 150-வது ஆண்டு விழாவை மத்திய, மாநில அரசுகள் கொண்டாட வேண்டும். அந்த ஓராண்டு காலத்தில் வ.உ.சி.யின் தியாக வரலாற்றையும், போராட்ட குணத்தையும், அவர் அனுபவித்த கொடுமைகளையும் இந்திய மக்கள் தெரிந்து கொள்ளும் வகையில் பல்வேறு நிகழ்ச்சிகளுக்கு ஏற்பாடுகளை செய்ய வேண்டும்.

பள்ளி, கல்லூரி பாட நூல்களில் வ.உ.சிதம்பரம் பிள்ளையின் தியாக வரலாற்றை சேர்க்க வேண்டும். அவரது வரலாற்றை மக்களிடம் கொண்டு செல்லும் வகையிலும், மரியாதை செலுத்தும் வகையிலும் வரும் செப்டம்பர் 5-ந்தேதி, அவரது 150-வது பிறந்த நாளில் அவரது உருவச் சிலைகளுக்கும், படங்களுக்கும் பா.ம.க.வினர் மாலை அணிவித்து மரியாதை செலுத்த வேண்டும்.

இவ்வாறு அவர் கூறியுள்ளார்.

தொடர்புடைய செய்திகள்

1. எதிர்கால மின்சாரத் தேவையை சமாளிக்க திட்டங்களை வகுத்து செயல்படுத்த வேண்டும் - தமிழக அரசுக்கு டாக்டர் ராமதாஸ் வலியுறுத்தல்
எதிர்கால மின்சாரத் தேவையை சமாளிக்க திட்டங்களை வகுத்து செயல்படுத்த வேண்டும் என்று தமிழக அரசுக்கு டாக்டர் ராமதாஸ் வலியுறுத்தி உள்ளார்.
2. ‘‘பா.ம.க. தலைமையில்தான் இனிமேல் கூட்டணி’’ - சிறப்பு செயற்குழுவில் டாக்டர் ராமதாஸ் பேச்சு
‘‘இனி நமது தலைமையில் தான் கூட்டணி. வேறு யாருடனும் கூட்டணி இனி கிடையாது’’ என்று டாக்டர் ராமதாஸ் உருக்கமாக பேசினார்.
3. புலம்பெயர் தமிழர் நலவாரியம் அமைக்கப்பட்டிருப்பது வரவேற்கத்தக்கது - டாக்டர் ராமதாஸ்
புலம்பெயர் தமிழர் நலவாரியம் அமைக்கப்பட்டிருப்பது வரவேற்கத்தக்கது என பாமக நிறுவனர் டாக்டர் ராமதாஸ் தெரிவித்துள்ளார்.
4. வன்னியர்களுக்கு 10.5 சதவீத இட ஒதுக்கீடு வழங்கியதில் அரசியல் உள்நோக்கம் இல்லை - ஐகோர்ட்டில் டாக்டர் ராமதாஸ் பதில் மனு
வன்னியர்களுக்கு 10.5 சதவீத இடஒதுக்கீடு வழங்கியதில் அரசியல் எதுவும் இல்லை என்றும், இந்த இடஒதுக்கீட்டால் யாருக்கும் பாதிப்பும் இல்லை என்றும் சென்னை ஐகோர்ட்டில் டாக்டர் ராமதாஸ் பதில் மனு தாக்கல் செய்துள்ளார்.
5. ஆன்லைன் சூதாட்டத்தை தடை செய்ய சட்டம் இயற்ற வேண்டும் டாக்டர் ராமதாஸ் வலியுறுத்தல்
தொடரும் சோகங்கள்: ஆன்லைன் சூதாட்டத்தை தடை செய்ய சட்டம் இயற்ற வேண்டும் டாக்டர் ராமதாஸ் வலியுறுத்தல்.