மதுரை-செங்கோட்டை, திருச்சி-காரைக்கால் இடையே முன்பதிவில்லா எக்ஸ்பிரஸ் ரெயில்கள்

சென்னை,

தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-

ரெயில்வே வாரியம் கீழ்க்கண்ட பகுதிகளுக்கு முன்பதிவில்லா மெமு மற்றும் டெமு எக்ஸ்பிரஸ் ரெயில்களை இயக்க அனுமதி அளித்துள்ளது.

* எர்ணாகுளம்-கொல்லம் (வண்டி எண்: 06443) இடையே மாலை 6.15 மணி, கொல்லம்-எர்ணாகுளம் (06444) இடையே அதிகாலை 4 மணிக்கு வருகிற 30-ந்தேதி முதல் தினசரி முன்பதிவில்லா மெமு எக்ஸ்பிரஸ் ரெயில்கள் இயக்கப்படும்.

* கண்ணூர்-மங்களூரு (06477) இடையே காலை 7.40 மணி, மங்களூரு-கண்ணூர் (06478) இடையே மாலை 5.05 மணிக்கு வருகிற 30-ந்தேதி முதல் தினசரி முன்பதிவில்லா எக்ஸ்பிரஸ் ரெயில்கள் இயக்கப்படும்.

* திருச்சி-காரைக்கால் (06490) இடையே காலை 6.25 மணி, காரைக்கால்-திருச்சி (06739) இடையே மதியம் 3 மணிக்கு வருகிற 30-ந்தேதி முதல் தினசரி முன்பதிவில்லா டெமு எக்ஸ்பிரஸ் ரெயில்கள் இயக்கப்படும்.

* மயிலாடுதுறை-திருவாரூர் (06541) இடையே காலை 6.45 மணி, திருவாரூர்-மயிலாடுதுறை (06542) இடையே இரவு 8.15 மணிக்கு வருகிற 30-ந்தேதி முதல் முன்பதிவில்லா டெமு எக்ஸ்பிரஸ் ரெயில்கள் இயக்கப்படும்.

* மதுரை-செங்கோட்டை (06504) இடையே காலை 7.10 மணி, செங்கோட்டை-மதுரை (06503) இடையே மதியம் 3.45 மணிக்கு வருகிற 30-ந்தேதி முதல் முன்பதிவில்லா எக்ஸ்பிரஸ் ரெயில்கள் இயக்கப்படும்.

இவ்வாறு அதில் கூறப்பட்டுள்ளது.