மாநில செய்திகள்

தமிழக அரசுக்கு ரூ.1,950 கோடி இழப்பு - தணிக்கைத்துறை அறிக்கையில் தகவல் + "||" + Rs 1950 crore loss to Tamil Nadu government Audit Department report

தமிழக அரசுக்கு ரூ.1,950 கோடி இழப்பு - தணிக்கைத்துறை அறிக்கையில் தகவல்

தமிழக அரசுக்கு ரூ.1,950 கோடி இழப்பு - தணிக்கைத்துறை அறிக்கையில் தகவல்
இந்திய கணக்காய்வு மற்றும் தணிக்கைத்துறையின் அறிக்கை தமிழக சட்டமன்றத்தில் தாக்கல் செய்யப்பட்டது.
சென்னை,

2018-19 ஆம் ஆண்டுக்கான வருவாய் மற்றும் பொருளாதாரப் பிரிவிற்கான இந்திய கணக்காய்வு மற்றும் தணிக்கைத்துறையின் அறிக்கை சட்டமன்றத்தில் தாக்கல் செய்யப்பட்டது. அந்த அறிக்கையில் 2018-19 ஆம் ஆண்டில் தமிழக அரசின் மொத்த வருவாய் 1 லட்சத்து 72 ஆயிரத்து 741 கோடி ரூபாயாக இருந்தது என்றும் அதில் 1 லட்சத்து 5 ஆயிரத்து 549 கோடி ரூபாய் வரி மூலம் பெறப்பட்டதாகவும் தெரிவிக்கப்பட்டுள்ளது. 

இதன் மூலம் கிடைத்த மொத்த வருவாயில் தமிழக அரசால் ஈட்டப்பட்ட வருவாய் 69 சதவீதமாக இருந்தது என கூறப்பட்டுள்ளது. மேலும் ஜி.எஸ்.டி., வணிக வரி, பதிவுக் கட்டணம் உள்ளிட்டவைகள் மீதான வரிகள் குறித்து தணிக்கை செய்யப்பட்டதில் தமிழக அரசுக்கு ரூ.1,950 கோடி இழப்பு ஏற்பட்டுள்ளதாக அந்த அறிக்கையில் சுட்டிக்காட்டப்பட்டுள்ளது. 

இதில் டாஸ்மாக் கடைகளில் சில்லறை விலையை விட அதிக விலைக்கு மது விற்றபோதிலும், அதற்கான வரியை குறைத்து, கடந்த ஆட்சியில் இருந்த தமிழக அரசு வசூல் செய்ததாகவும், விற்பனைக்கான ரசீதுகள் அளிக்காமல் முறைகேடு செய்துள்ளதாகவும் கூறப்பட்டுள்ளது. இதே போன்று பதிவு அலுவலர்கள் ஆவணங்களை தவறாக வகைப்படுத்தி 11 பதிவு அலுவலகங்களில் குறைவாக முத்திரை தீர்வை மற்றும் பதிவுக்கட்டணம் வசூலிக்கப்பட்டுள்ளதாகவும் தணிக்கைத்துறையின் அறிக்கையில் தெரிவிக்கப்பட்டுள்ளது. 

தொடர்புடைய செய்திகள்

1. அரசுப்பணிகளில் மகளிர் இட ஒதுக்கீடு 40% ஆக உயர்த்தப்படும்: தமிழக அரசு
அரசுப்பணிகளில் மகளிர் இட ஒதுக்கீடு 30 சதவீதத்தில் இருந்து 40 சதவீதம் ஆக உயர்த்தப்படும் என்று அமைச்சர் பழனிவேல் தியாகராஜன் அறிவித்துள்ளார்.
2. ஞாயிற்றுக் கிழமைகளில் கடற்கரைகளுக்கு செல்ல பொதுமக்களுக்கு அனுமதி இல்லை- தமிழக அரசு
வெள்ளி, சனி, ஞாயிறுக்கிழமைகளில் வழிபாட்டு தலங்களுக்கு செல்ல பொதுமக்களுக்கு விதிக்கப்பட்ட தடை தொடரும் என தமிழக அரசு அறிவித்துள்ளது.
3. ஏழை, எளிய, நடுத்தர மக்களின் எதிர்பார்ப்புகளை நிறைவேற்றாத நிதிநிலை அறிக்கை - ஒ.பன்னீர்செல்வம்
தமிழக அரசின் பட்ஜெட்டில் ஏழை, எளிய, நடுத்தர மக்களின் எதிர்பார்ப்புகளை நிறைவேற்றவில்லை என்று அதிமுக ஒருங்கிணைப்பாளர் ஒ.பன்னீர்செல்வம் தெரிவித்துள்ளார்.
4. லாட்டரி சீட்டை மீண்டும் கொண்டுவர அரசு முயல வேண்டாம்- எடப்பாடி பழனிசாமி
லாட்டரி சீட்டை மீண்டும் கொண்டுவர அரசு முயல வேண்டாம் என எடப்பாடி பழனிசாமி அறிக்கை வெளியிட்டுள்ளார்.
5. பள்ளிப்பாட புத்தகங்களில் 'மத்திய அரசு' என்ற பெயர் 'ஒன்றிய அரசு' என மாற்றப்படும் - திண்டுக்கல் ஐ.லியோனி பேட்டி
பள்ளிப்பாட புத்தகங்களில் 'மத்திய அரசு' என்ற பெயர் 'ஒன்றிய அரசு' என மாற்றப்படும் என்று தமிழ்நாடு பாடநூல் கழக தலைவர் திண்டுக்கல் ஐ.லியோனி தெரிவித்துள்ளார்.