மாநில செய்திகள்

எடப்பாடி பழனிசாமியுடன் அண்ணாமலை, எல்.முருகன் சந்திப்பு + "||" + Annamalai L Murugan meeting with Edappadi Palanisamy

எடப்பாடி பழனிசாமியுடன் அண்ணாமலை, எல்.முருகன் சந்திப்பு

எடப்பாடி பழனிசாமியுடன் அண்ணாமலை, எல்.முருகன் சந்திப்பு
அ.தி.மு.க. இணை ஒருங்கிணைப்பாளர் எடப்பாடி பழனிசாமியை மத்திய இணையமைச்சர் எல்.முருகன், தமிழக பா.ஜ.க. தலைவர் அண்ணாமலை உள்ளிட்டோர் சந்தித்து பேசினர்.
சென்னை,

தமிழகத்தில் 9 மாவட்டங்களுக்கான ஊரக உள்ளாட்சி தேர்தல் வரும் அக்டோபர் 6 மற்றும் 9 ஆகிய இரண்டு தேதிகளில் நடைபெறும் என மாநில தேர்தல் ஆணையம் அறிவித்துள்ளது. நடந்து முடிந்த தமிழக சட்டமன்ற தேர்தலில் அ.தி.மு.க.-வுடன் பா.ம.க., பா.ஜ.க., த.மா.கா. உள்ளிட்ட கட்சிகள் கூட்டணி அமைத்து போட்டியிட்டன. 

இந்நிலையில் ஊரக உள்ளாட்சி தேர்தல் தேதி அறிவிக்கப்பட்ட பிறகு அ.தி.மு.க. கூட்டணியில் இருந்து பா.ம.க. விலகியது. அதே போல அ.ம.மு.க. கூட்டணியில் இருந்து விலகி ஊரக உள்ளாட்சி தேர்தலில் தனித்து போட்டியிடப் போவதாக தே.மு.தி.க. அறிவித்துள்ளது. இதற்கிடையில் அ.தி.மு.க.-வுடன் பா.ஜ.க. கூட்டணியை உறுதி செய்துள்ளதாக தகவல்கள் வெளியாகின. 

இந்த சூழலில் இன்று அ.தி.மு.க. இணை ஒருங்கிணைப்பாளர் எடப்பாடி பழனிசாமியை சென்னை கிரீன்வேஸ் சாலையில் உள்ள அவரது இல்லத்தில் வைத்து மத்திய இணையமைச்சர் எல்.முருகன், தமிழக பா.ஜ.க. தலைவர் அண்ணாமலை உள்ளிட்டோர் சந்தித்து பேசினர். இந்த சந்திப்பின் போது அ.தி.மு.க.-பா.ஜ.க. கூட்டணி குறித்து ஆலோசிக்கப்பட்டதாகவும், ஊரக உள்ளாட்சி தேர்தலில் பா.ஜ.க.விற்கு கணிசமான இடங்களை வழங்க வேண்டும் என வலியுறுத்தப்பட்டதாகவும் தகவல்கள் வெளியாகியுள்ளன. 

தொடர்புடைய செய்திகள்

1. பொய் வழக்குகள் போட்டு அதிமுகவினரை முடக்கிவிட முடியாது- எடப்பாடி பழனிசாமி
வழக்குகளை கண்டு அஞ்சக்கூடிய கட்சி அதிமுக அல்ல என அதிமுக இணை ஒருங்கிணைப்பாளர் எடப்பாடி பழனிசாமி தெரிவித்துள்ளார்.
2. லஞ்ச ஒழிப்பு சோதனை என்ற பெயரில் தி.மு.க. அரசு கோரத்தாண்டவம் ஓ.பன்னீர்செல்வம்-எடப்பாடி பழனிசாமி கண்டனம்
அ.தி.மு.க. பொன் விழா கொண்டாட்டங்களை பொறுக்க முடியாமல் லஞ்ச ஒழிப்பு சோதனை என்ற பெயரில் தி.மு.க. அரசு கோரத்தாண்டவம் ஆடி கொண்டிருக்கிறது என்று ஓ.பன்னீர்செல்வம், எடப்பாடி பழனிசாமி ஆகியோர் கண்டனம் தெரிவித்துள்ளனர்.
3. எம்.ஜி.ஆர்., ஜெயலலிதா சிலைகளுக்கு ஓ.பன்னீர்செல்வம்-எடப்பாடி பழனிசாமி மரியாதை
சென்னை அ.தி.மு.க. அலுவலகத்தில் எம்.ஜி.ஆர்.-ஜெயலலிதா சிலைகளுக்கு ஓ.பன்னீர்செல்வம்-எடப்பாடி பழனிசாமி மலர்தூவி மரியாதை செலுத்தினர். இதையொட்டி கட்சி தொண்டர்களுக்கு இனிப்பு வழங்கப்பட்டது.
4. அ.தி.மு.க. சார்பில் பிரமாண்ட மாநாடு ஓ.பன்னீர்செல்வம், எடப்பாடி பழனிசாமி அறிவிப்பு
அ.தி.மு.க.வின் பொன் விழாவையொட்டி பிரமாண்ட மாநாடு நடத்தப்படும் என்று ஓ.பன்னீர்செல்வம், எடப்பாடி பழனிசாமி ஆகியோர் அறிவித்துள்ளனர்.
5. உள்ளாட்சி தேர்தலை நியாயமாக நடத்த வேண்டும் ஓ.பன்னீர்செல்வம், எடப்பாடி பழனிசாமி வலியுறுத்தல்
ஐகோர்ட்டு உத்தரவை தேர்தல் ஆணையம் முழுமையாக நிறைவேற்றி உள்ளாட்சி தேர்தலை நியாயமாக நடத்த வேண்டும் என்று ஓ.பன்னீர்செல்வம், எடப்பாடி பழனிசாமி ஆகியோர் வலியுறுத்தியுள்ளனர்.