மாநில செய்திகள்

நாடாளுமன்ற தேர்தலுடன் சட்டசபைக்கும் தேர்தல் வர வாய்ப்பு எடப்பாடி பழனிசாமி பேட்டி + "||" + Interview with Edappadi Palanisamy

நாடாளுமன்ற தேர்தலுடன் சட்டசபைக்கும் தேர்தல் வர வாய்ப்பு எடப்பாடி பழனிசாமி பேட்டி

நாடாளுமன்ற தேர்தலுடன் சட்டசபைக்கும் தேர்தல் வர வாய்ப்பு எடப்பாடி பழனிசாமி பேட்டி
நாடாளுமன்ற தேர்தலுடன் சட்டசபைக்கும் தேர்தல் வர வாய்ப்பு உள்ளது என்று எடப்பாடி பழனிசாமி கூறினார்.
சேலம்,

சேலம் மாவட்டம் ஓமலூரில் உள்ள புறநகர் மாவட்ட கட்சி அலுவலகத்தில் ஊரக உள்ளாட்சி தேர்தல் தொடர்பான ஆலோசனை கூட்டம் நேற்று நடந்தது. இதில் அ.தி.மு.க. இணை ஒருங்கிணைப்பாளரும், சட்டசபை எதிர்க்கட்சி தலைவருமான எடப்பாடி பழனிசாமி கலந்து கொண்டார்.


அப்போது அவர் நிருபர்களிடம் கூறியதாவது:-

சரித்திரம் கிடையாது

தேர்தல் அறிக்கையை எப்போதுமே நிறைவேற்றிய சரித்திரம் தி.மு.க.விற்கு கிடையாது. தேர்தல் வாக்குறுதியாக நீட் தேர்வு ரத்து செய்யப்படும் என்று மு.க.ஸ்டாலின் கூறினார். ஆனால் செய்துள்ளார்களா, கிடையாது.

நாங்கள் கொண்டு வந்த தீர்மானத்தைதான் அவர்களும் கொண்டு வந்துள்ளனர். இனி ஏதாவது ஒரு சாக்குப்போக்கு சொல்லி, தேர்தல் வாக்குறுதியை நிறைவேற்ற முடியவில்லை என்று கூறுவார்கள்.

அதுபோல்தான் நகைக்கடன் தள்ளுபடி செய்யப்படும் என்று கூறி உள்ளனர். அதற்கும் பல விதிமுறைகள் உள்ளதாக தெரிகிறது.

சட்டமன்ற தேர்தல்

வருகிற நாடாளுமன்ற தேர்தலுடன் சட்டமன்ற தேர்தலும் நடக்க வாய்ப்பு உள்ளது. ஏனென்றால் 2024-ம் ஆண்டில் ஒரே நாடு, ஒரே தேர்தல் என்று கூறுவதால், அந்த நேரத்தில் சட்டசபைக்கும் தேர்தல் வர வாய்ப்பு உள்ளது.

ஏனென்றால் நாடாளுமன்றத்துக்கு பிரமாண்ட கட்டிடம் கட்டப்பட்டு வருகிறது. நாடாளுமன்ற உறுப்பினர்களின் எண்ணிக்கை அதிகரிக்க வாய்ப்பு உள்ளது. அதேபோல் சட்டசபை உறுப்பினர்களின் எண்ணிக்கையும் அதிகரிக்க வாய்ப்பு உள்ளது. எனவே நாடாளுமன்ற தேர்தலுடன் சட்டசபைக்கும் தேர்தல் வரலாம்.

தமிழகத்தில் எவ்வளவோ பிரச்சினைகள் இருக்கின்றன. அதையெல்லாம் விட்டு விட்டு அ.தி.மு.க.வினர் மீது வழக்கு போடுவதில்தான் தி.மு.க. அரசு கவனம் செலுத்துகிறது. அ.தி.மு.க.வில் மடியில் கனமில்லை, வழியில் பயமில்லை.

இவ்வாறு அவர் கூறினார்.

தொடர்புடைய செய்திகள்

1. அ.தி.மு.க. சார்பில் பிரமாண்ட மாநாடு ஓ.பன்னீர்செல்வம், எடப்பாடி பழனிசாமி அறிவிப்பு
அ.தி.மு.க.வின் பொன் விழாவையொட்டி பிரமாண்ட மாநாடு நடத்தப்படும் என்று ஓ.பன்னீர்செல்வம், எடப்பாடி பழனிசாமி ஆகியோர் அறிவித்துள்ளனர்.
2. போராட்டம் நடத்தும் நர்சுகளுடன் பேச்சுவார்த்தை நடத்த குழு அமைச்சர் மா.சுப்பிரமணியன் பேட்டி
தமிழகத்தில் போராட்டத்தில் ஈடுபட்டுள்ள நர்சுகளுடன் கலந்து பேசி 15 நாட்களில் தீர்வு காண 3 பேர் கொண்ட குழு அமைக்கப்பட்டுள்ளதாக அமைச்சர் மா.சுப்பிரமணியன் தெரிவித்தார்.
3. மக்களின் கோரிக்கையை ஏற்று கோவில்கள் திறப்பு அமைச்சர் சேகர்பாபு பேட்டி
கோவில்களை வைத்து அரசியல் செய்யக்கூடாது என்றும், மக்களின் கோரிக்கைக்கு ஏற்ப கோவில்கள் திறக்கப்பட்டுள்ளன என்றும் அமைச்சர் சேகர்பாபு கூறினார்.
4. எந்த கதாநாயகியுடன் ஜோடி சேர ஆசை? சிவகார்த்திகேயன் பேட்டி
எந்த கதாநாயகியுடன் ஜோடி சேர ஆசை? சிவகார்த்திகேயன் பேட்டி.
5. உள்ளாட்சி தேர்தலை நியாயமாக நடத்த வேண்டும் ஓ.பன்னீர்செல்வம், எடப்பாடி பழனிசாமி வலியுறுத்தல்
ஐகோர்ட்டு உத்தரவை தேர்தல் ஆணையம் முழுமையாக நிறைவேற்றி உள்ளாட்சி தேர்தலை நியாயமாக நடத்த வேண்டும் என்று ஓ.பன்னீர்செல்வம், எடப்பாடி பழனிசாமி ஆகியோர் வலியுறுத்தியுள்ளனர்.