மாநில செய்திகள்

சென்னை ராஜீவ்காந்தி ஆஸ்பத்திரி வளாகத்தில் 150 ஆண்டு பழமையான ஆப்பிரிக்க ஆனைப்புளி பெருக்க மரம் + "||" + 150 year old African elephant tamarind tree at Rajiv Gandhi Hospital, Chennai

சென்னை ராஜீவ்காந்தி ஆஸ்பத்திரி வளாகத்தில் 150 ஆண்டு பழமையான ஆப்பிரிக்க ஆனைப்புளி பெருக்க மரம்

சென்னை ராஜீவ்காந்தி ஆஸ்பத்திரி வளாகத்தில் 150 ஆண்டு பழமையான ஆப்பிரிக்க ஆனைப்புளி பெருக்க மரம்
சென்னை ராஜீவ்காந்தி ஆஸ்பத்திரி வளாகத்தில் 150 ஆண்டுகள் பழமையான ஆப்பிரிக்க ஆனைப்புளி பெருக்கமரத்தை மு.க.ஸ்டாலின் பார்வையிட்டு அதன் சிறப்புகள் குறித்த கல்வெட்டை திறந்து வைத்தார்.
சென்னை,

சென்னை ராஜீவ்காந்தி ஆஸ்பத்திரி வளாகத்தில் நேற்று திறக்கப்பட்ட மக்களை தேடி மருத்துவ மையம் அமைப்பதற்கான முன்னேற்பாடுகளை பார்வையிடுவதற்காக கடந்த சில நாட்களுக்கு முன்பு தமிழக சுகாதாரத்துறை அமைச்சர் மா.சுப்பிரமணியன் ஆஸ்பத்திரிக்கு வந்தார்.


அப்போது, அங்கு பிரமிப்பூட்டும் வகையில் இருந்த மரத்தை பார்த்த அவர், அந்த மரம் குறித்து டீனிடம் கேட்டார்.

அதற்கு டீன், அந்த மரம் 150 ஆண்டுகள் பழமையான ஆப்பிரிக்க ஆனைப்புளி பெருக்கமரம் எனக்கூறி, அந்த மரத்தின் சிறப்பம்சங்கள் குறித்து எடுத்துக்கூறினார்.

மக்களை தேடி மருத்துவ மைய திறப்பு விழாவில் கலந்து கொள்ள சம்மதம் தெரிவித்த முதல்-அமைச்சர் மு.க.ஸ்டாலினிடம், பழமையான இந்த மரம் குறித்தும், அதன் சிறப்பம்சங்கள் குறித்தும் மா.சுப்பிரமணியன் கூறி உள்ளார்.

கல்வெட்டை திறந்து வைத்தார்

உடனடியாக மு.க.ஸ்டாலின், அந்த மரத்தை பாதுகாத்து ஆவணப்படுத்த உத்தரவிட்டுள்ளார். இந்த நிலையில் நேற்று நடந்த மக்களை தேடி மருத்துவ மைய திறப்பு விழாவில் கலந்து கொண்ட மு.க.ஸ்டாலின், பழமையான ஆப்பிரிக்க ஆனைப்புளி பெருக்க மரத்தை பார்வையிட்டார். பின்னர், மரத்தின் சிறப்புகள் குறித்த கல்வெட்டை அவர் திறந்து வைத்தார்.

பழங்கால பொருட்களை ஆவணப்படுத்துதல், அகழ்வாராய்ச்சி மேற்கொள்ளுதல், அருங்காட்சியகம் அமைத்தல் போன்றவற்றில் அதிக கவனம் செலுத்தி வரும் முதல்-அமைச்சர் மு.க.ஸ்டாலின், இந்த பழமையான மரத்தையும் ஆவணப்படுத்தி இருப்பது தமிழர்களாகிய நமக்கு பெருமை அளிக்கிறது என்று விழாவில் மா.சுப்பிரமணியன் சுட்டிக்காட்டி பேசினார்.

500 ஆண்டு ஆயுட்காலம்

உலகின் பழமையான மர வகைகளில் ஒன்றான இந்த மரம் ஆப்பிரிக்க நாட்டை சேர்ந்தது ஆகும். சுமார் 500 ஆண்டுகள் வரை நீண்ட ஆயுட்காலம் கொண்டது.

அரியவகை மரமான இந்த மரம், இந்தியாவில் சில இடங்களில் தான் உள்ளன. இந்த மரத்தின் இலைகள் வைட்டமின் ‘சி’ சத்து நிறைந்தது. 37 அடி சுற்றளவுடன் 65 அடி உயரம் கொண்ட இந்த மரம் ஆங்கிலேயர்களால் இங்கு நடப்பட்டுள்ளது.

பாரம்பரியமிக்க மருத்துவ குணம் கொண்ட இந்த மரம், ஆவணப்படுத்தப்பட்டுள்ளதால் புராதன சின்னங்களில் ஒன்றாக மிளிர்கிறது.

தொடர்புடைய செய்திகள்

1. நெம்மேலியில் கடல்நீரை குடிநீராக்கும் ஆலையில் மு.க.ஸ்டாலின் ஆய்வு
நெம்மேலியில் நாள் ஒன்றுக்கு 150 மில்லியன் லிட்டர் சுத்திகரிப்பு திறன்கொண்ட கடல் நீரை குடிநீராக்கும் ஆலைபணிகளை மு.க.ஸ்டாலின் ஆய்வு செய்தார். திட்டமிட்டுள்ள காலத்துக்குள் பணிகளை விரைந்து முடிக்க அதிகாரிகளை அறிவுறுத்தினார்.
2. வளர்ச்சிப்பணிகளை துரிதப்படுத்த மாவட்ட வாரியாக அமைச்சர்கள் நியமனம் மு.க.ஸ்டாலின் உத்தரவு
மாவட்ட வளர்ச்சி பணிகளை துரிதப்படுத்தவும், இயற்கை சீற்றம், நோய்த்தொற்று உள்ளிட்ட அவசரகால பணிகளை கூடுதலாக மேற்கொள்ள சில மாவட்டங்களுக்கு பொறுப்பு அமைச்சர்களாக சிலரை முதல்-அமைச்சர் மு.க.ஸ்டாலின் நியமித்து உள்ளார்.
3. ‘அனைத்து விவசாயிகளும் பயிரை காப்பீடு செய்யுங்கள்’ மு.க.ஸ்டாலின் வேண்டுகோள்
சம்பா பருவ பயிர்களுக்கான இழப்பீட்டு தொகை வழங்கும் பணியை முதல்-அமைச்சர் மு.க.ஸ்டாலின் தொடங்கி வைத்தார். அப்போது அவர் அனைத்து விவசாயிகளும் தங்களது பயிரை காப்பீடு செய்ய வேண்டும் என்று கேட்டுக்கொண்டார்.
4. மிலாது நபி பண்டிகை இன்று கொண்டாட்டம்: கவர்னர், மு.க.ஸ்டாலின் வாழ்த்து
மிலாது நபி பண்டிகை இன்று (செவ்வாய்க்கிழமை) கொண்டாடப்படுவதையொட்டி, தமிழக கவர்னர் ஆர்.என்.ரவி, முதல்-அமைச்சர் மு.க.ஸ்டாலின் மற்றும் அரசியல் கட்சி தலைவர்கள் வாழ்த்து தெரிவித்துள்ளனர்.
5. தமிழகத்தை இந்தியாவிலேயே மிகச்சிறந்த மாநிலமாக மாற்றி காட்டுவோம் மு.க.ஸ்டாலின் பேச்சு
தமிழகத்தை இந்தியாவிலேயே மிகச்சிறந்த மாநிலமாக மாற்றி காட்டுவோம் என்று முதல்-அமைச்சர் மு.க.ஸ்டாலின் பேசினார்.