வணிக வரித்துறையின் ஒரே மண்டலத்தில் 10 ஆண்டுகளுக்கு மேல் பணியாற்றும் டிரைவர்கள் இடமாற்றம்

சென்னை,

தமிழக அரசு வெளியிட்ட செய்திக்குறிப்பில் கூறப்பட்டிருப்பதாவது:-

வணிக வரி மற்றும் பதிவுத்துறை அமைச்சரின் வழிகாட்டுதலின்படி, வணிக வரித்துறையின் செயல்பாடுகளை மேம்படுத்துவதற்காக அத்துறையில் நிர்வாக சீர்திருத்தங்கள் மேற்கொள்ளப்பட்டு வருகின்றன. இதன் ஒரு அங்கமாக பல ஆண்டுகளாக ஒரே இடத்தில் பணியாற்றிவரும் அலுவலர்களுக்கு பணியிடமாற்றம் அளிக்கப்பட்டு வருகிறது.

இந்த சூழ்நிலையில், ஒரே மண்டலத்தில் 10 ஆண்டுகளுக்கு மேலாக பணிபுரிந்து வந்த 30 டிரைவர்களை வெவ்வேறு மண்டலங்களுக்கு பணியிட மாற்றம் செய்து வணிக வரித்துறை ஆணையர் உத்தரவிட்டுள்ளார். வணிக வரித்துறையின் மறுசீரமைப்பு நடவடிக்கைகளில் இது ஒன்றாகும்.

இவ்வாறு அதில் கூறப்பட்டுள்ளது.