ஊரக உள்ளாட்சி தேர்தல் 5 மணி நிலவரம்: 9 மாவட்ட ஊராட்சிகளிலும் தி.மு.க.வே முன்னிலை

சென்னை

9 மாவட்ட ஊரக உள்ளாட்சி தேர்தல் வாக்கு எண்ணிக்கை இன்று தொடங்கி நடைபெற்று வருகிறது. 138 மாவட்ட கவுன்சிலர், 1,375 ஒன்றிய கவுன்சிலர், 2,779 கிராம ஊராட்சி தலைவர், 19,686 கிராம ஊராட்சி வார்டு உறுப்பினர் பதவிகளுக்கு வாக்குப்பதிவு கடந்த 6 மற்றும் 9 தேதிகளில் நடைபெற்றது. இத்தேர்தலில் பதிவான வாக்குகளை எண்ணும் பணியானது 74 மையங்களில் இன்று காலை 8 மணிக்கு தொடங்கியது.

வாக்கு எண்ணிக்கையை மாநில தேர்தல் ஆணைய அதிகாரிகள் கண்காணிப்பு கேமரா வாயிலாக கண்காணித்து வருகின்றனர்.மற்ற மாவட்டங்களில் காலியாக இருந்த ஊராட்சி பதவிகளுக்கு நடந்த தேர்தலில் பதிவான வாக்குகளும் எண்ணப்பட்டு வருகின்றன. இதுதவிர, 2874 கிராம ஊராட்சி வார்டு உறுப்பினர், 119 கிராம ஊராட்சி மன்ற தலைவர், 5 ஊராட்சி ஒன்றிய வார்டு உறுப்பினர், 2 மாவட்ட ஊராட்சி ஒன்றிய வார்டு உறுப்பினர் பதவிகளுக்கு போட்டியின்றி நபர்கள் தேர்வு செய்யப்பட்டுள்ளனர். 

மாலை  5 மணி வரை வெளியான முடிவுகளின் படி 9 மாவட்ட ஊராட்சிகளையும் தி.மு.கவே கைப்பற்றுகிறது.74 ஊராட்சி ஒன்றியங்களையும் தி.மு.க கூட்டணியே கைப்பற்றும் நிலையில் உள்ளது. இதனிடையே 9 மாவட்ட ஊரக உள்ளாட்சித் தேர்தலில் பிரதான எதிர்க்கட்சியான அ.தி.மு.க படுதோல்வியை சந்திக்கிறது.

* 140 மாவட்ட கவுன்சிலர் இடங்களில் 75 இடங்களில் தி.மு.க முன்னிலை வகிக்கிறது. 4 இடங்கள் மட்டுமே அ.தி.மு.க. முன்னிலையில் உள்ளது.

*1380 ஒன்றிய கவுன்சிலர் இடங்களில் 213 இடங்களில் தி.மு.க முன்னிலை வகிக்கிறது . 25 இடங்களில் அ.தி.மு.க முன்னிலை வகிக்கிறது