மாநில செய்திகள்

தமிழக கவர்னருடன் அண்ணாமலை திடீர் சந்திப்பு + "||" + Annamalai meeting with the Governor of Tamil Nadu

தமிழக கவர்னருடன் அண்ணாமலை திடீர் சந்திப்பு

தமிழக கவர்னருடன் அண்ணாமலை திடீர் சந்திப்பு
தமிழக கவர்னரை பா.ஜ.க. தலைவர் அண்ணாமலை நேற்று சந்தித்தார்.
சென்னை,

சென்னை கிண்டியில் உள்ள ராஜ்பவனுக்கு தமிழக பா.ஜ.க. தலைவர் அண்ணாமலை நேற்று மாலை திடீரென வந்தார். அவருடன் பா.ஜ.க. தேசிய செயற்குழு உறுப்பினர் பொன்.ராதாகிருஷ்ணன், சிறப்பு அழைப்பாளர் எச்.ராஜா, சட்டமன்ற பா.ஜ.க. தலைவர் நயினார் நாகேந்திரன் உள்ளிட்டோரும் வந்தனர்.


அதைத் தொடர்ந்து தமிழக கவர்னர் ஆர்.என்.ரவியை அண்ணாமலை சந்தித்து கோரிக்கைகள் அடங்கிய மனுவை அளித்தார். அதைத் தொடர்ந்து சில நிமிடங்கள் கவர்னர் ஆர்.என்.ரவியுடன் பேசிவிட்டு, பா.ஜ.க. நிர்வாகிகள் அங்கிருந்து புறப்பட்டனர்.

கோரிக்கை மனு

கவர்னரிடம் அளித்த கோரிக்கை மனுவில், ‘கடலூர் முந்திரி ஆலையில் தொழிலாளி படுகொலை விவகாரத்தில் தி.மு.க. எம்.பி. ரமேஷ் சிக்காதிருக்க பல்வேறு முயற்சிகள் மேற்கொள்ளப்பட்டன. தற்போது அவர் சரணடைந்திருக்கும் நிலையில் இந்த வழக்கில் நியாயமான விசாரணை நடைபெறுகிறதா என்பதை தனிப்பட்ட முறையில் கண்காணிக்க வேண்டும்.

நெல்லை மாவட்டம் கீழச்செவல் நயினார்குளம் பகுதியில் அடுத்தடுத்து 2 பேர் தலை துண்டித்து படுகொலை செய்யப்பட்டனர். இதுபோன்ற கொடூர சம்பவங்கள் தி.மு.க. ஆட்சியில் அரங்கேறுகின்றன. எனவே இதுபோல சம்பவங்கள் நடைபெறாத வகையில் உரிய நடவடிக்கைகளை கையாள தமிழக அரசை வலியுறுத்த வேண்டும். நெல்லையில் பா.ஜ.க. நிர்வாகிகளை தாக்கிய ஞான திரவியம் எம்.பி. மீது நடவடிக்கை எடுக்கவேண்டும்’ என்று பல்வேறு கோரிக்கைகள் அடங்கியிருந்தன.

ஆணவ கொலைகளை தடுக்க...

கவர்னருடனான சந்திப்பு குறித்து பா.ஜ.க. தலைவர் அண்ணாமலை தனது ‘டுவிட்டர்’ பக்கத்தில் கூறியிருப்பதாவது:-

தமிழக பா.ஜ.க. மூத்த தலைவர்களுடன் கவர்னர் ரவியை நேரில் சந்தித்தேன். தமிழகத்தில் தொடர்ந்து அதிகரித்துவரும் வன்முறை மற்றும் ஆணவ கொலைகளை கண்டித்து உறுதியான நடவடிக்கை எடுக்க கோரியும், தி.மு.க. எம்.பி.க்கள் சம்பந்தப்பட்டுள்ள கொலை வழக்குகளில் நியாயமான நடவடிக்கை எடுக்க வலியுறுத்தியும் கவர்னரிடம் வேண்டுகோள் விடுத்தோம்.

இவ்வாறு அதில் கூறியுள்ளார்.

தொடர்புடைய செய்திகள்

1. சோனியாகாந்தியுடன் சித்தராமையா சந்திப்பு!
கர்நாடகாவில் நடைபெற உள்ள இடைத்தேர்தல் தொடர்பாக சோனியாகாந்தியை சந்தித்ததாக, சித்தராமையா தெரிவித்தார்.
2. மெக்சிகோ வெளியுறவுத்துறை மந்திரியுடன் ஜெய்சங்கர் சந்திப்பு
மெக்சிகோ வெளியுறவு மந்திரியுடன் ஜெய்சங்கர் நடத்திய சந்திப்பில் இரு தரப்பு ஒத்துழைப்பு பற்றி ஆலோசனை நடத்தப்பட்டது.
3. வெள்ளை மாளிகை சென்று சேர்ந்த பிரதமர் மோடி; அமெரிக்க அதிபருடன் சந்திப்பு
அமெரிக்காவில் வெள்ளை மாளிகைக்கு சென்ற பிரதமர் மோடி அந்நாட்டு ஜனாதிபதி பைடனை சந்தித்து இருதரப்பு உறவுகள் பற்றி பேசுகிறார்.
4. வைகோவுடன் இலங்கை மந்திரி சந்திப்பு
இலங்கை தொழிலாளர் காங்கிரஸ் கட்சி பொதுச்செயலாளரும், அந்நாட்டு தோட்ட வீடமைப்பு சமூக உள்கட்டமைப்பு துறை மந்திரியுமான ஜீவன் தொண்டைமான் ம.தி.மு.க. பொதுச்செயலாளர் வைகோவை நேற்று சந்தித்தார்.
5. இந்திய கடலோர காவல்படை தலைமை இயக்குனர் கவர்னருடன் சந்திப்பு
இந்திய கடலோர காவல்படை தலைமை இயக்குனர் கவர்னருடன் சந்திப்பு.