<
விபத்தில் உயிரிழந்த சப்-இன்ஸ்பெக்டர் குடும்பத்துக்கு ரூ.3 லட்சம் நிவாரண நிதி-மு.க.ஸ்டாலின் உத்தரவு
சாலையை கடக்கும் போது கார் மோதிய விபத்தில் உயிரிழந்த சப்-இன்ஸ்பெக்டர் குடும்பத்திற்கு ரூ.3 லட்சம் நிவாரண நிதி வழங்க முதல் அமைச்சர் உத்தரவிட்டுள்ளார்.
சென்னை,
தமிழக முதல்-அமைச்சர் மு.க.ஸ்டாலின் வெளியிட்டுள்ள செய்திக் குறிப்பில் கூறப்பட்டுள்ளதாவது:-
வண்டலூர் வயர்லஸ் காவல் நிலையத்தில் சப்-இன்ஸ்பெக்டராக (தொழில் நுட்பம்) பணிபுரிந்து வந்த டி.பிரசன்னா (வயது 26) 18-10-2021 அன்று இரவு 8 மணியளவில் தமிழ்நாடு காவல்துறை தலைமையிடத்தில் இருந்து காமராஜர் சாலையை கடக்கும்போது அதிவேகமாக வந்த கார் மோதி சம்பவ இடத்திலேயே உயிரிழந்துள்ளார் என்ற செய்தியை அறிந்து மிகவும் வேதனை அடைந்தேன்.
இந்த விபத்தில் உயிரிழந்த சப்-இன்ஸ்பெக்டர் (தொழில்நுட்பம்) டி.பிரசன்னா குடும்பத்திற்கு எனது ஆழ்ந்த இரங்கலையும், அனுதாபத்தையும் தெரிவித்துக்கொள்கிறேன். இந்த துயர சம்பவத்தில் உயிரிழந்த நபரின் குடும்பத்திற்கு முதல்-அமைச்சர் நிவாரண நிதியில் இருந்து ரூ.3 லட்சம் உடனடியாக வழங்க உத்தரவிட்டுள்ளேன்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
