மாநில செய்திகள்

பணி நியமனம் இறுதி தீர்ப்புக்கு கட்டுப்பட்டது: அர்ச்சகர் நியமனத்திற்கு தடை விதிக்க முடியாது ஐகோர்ட்டு உத்தரவு + "||" + Appointment bound to final judgment: Court order not to prohibit priest appointment

பணி நியமனம் இறுதி தீர்ப்புக்கு கட்டுப்பட்டது: அர்ச்சகர் நியமனத்திற்கு தடை விதிக்க முடியாது ஐகோர்ட்டு உத்தரவு

பணி நியமனம் இறுதி தீர்ப்புக்கு கட்டுப்பட்டது: அர்ச்சகர் நியமனத்திற்கு தடை விதிக்க முடியாது ஐகோர்ட்டு உத்தரவு
புதிய பணி விதிகளின்படி நியமிக்கப்படும் அர்ச்சகர்களின் பணி நியமனம், வழக்கின் இறுதி தீர்ப்புக்கு கட்டுப்பட்டது என்றும், தற்போது அர்ச்சகர் நியமனத்துக்கு இடைக்கால தடை எதுவும் விதிக்க முடியாது என்றும் சென்னை ஐகோர்ட்டு உத்தரவிட்டு உள்ளது.
சென்னை,

கோவில்களில் அர்ச்சகர்கள், பூசாரிகள், பரம்பரை அறங்காவலர்கள் நியமனம் மற்றும் பணி நிபந்தனை தொடர்பாக இந்து சமய அறநிலைய துறை கடந்த 2020-ம் ஆண்டு புதிய பணி விதிகளை கொண்டு வந்தது. அதில், ‘18 வயது முதல் 35 வயதுக்கு உட்பட்டவர்களை மட்டுமே அர்ச்சகராக நியமிக்க வேண்டும். அவர்கள் 3 ஆண்டுகள் பயிற்சி முடித்தவராக இருக்க வேண்டும்' என்று கூறப்பட்டு இருந்தது.


இதை எதிர்த்து ஏற்கனவே பல அமைப்புகள் வழக்குகள் தொடர்ந்து, அந்த வழக்குகள் ஐகோர்ட்டில் நிலுவையில் உள்ளது.

சட்டவிரோதம்

இந்த நிலையில், ரமேஷ் என்பவர் சென்னை ஐகோர்ட்டில் தொடர்ந்த வழக்கு தலைமை நீதிபதி சஞ்சீவ் பானர்ஜி, நீதிபதி பி.டி.ஆதிகேசவலு ஆகியோர் முன்பு நேற்று விசாரணைக்கு வந்தது.

அப்போது மனுதாரர் சார்பில் ஆஜரான வக்கீல், கோவிலின் பரம்பரை அறங்காவலர்கள் தான் அர்ச்சகர்களை நியமிக்க முடியும். ஆனால், அரசே அர்ச்சகர்களை நியமிப்பது சட்ட விரோதமானது.

28-க்கும் மேற்பட்ட ஆகம விதிகள் உள்ளது. அந்த ஆகம விதிகளுக்கு உட்பட்டே பணி நியமனம் செய்யப்பட வேண்டும். ஆகம விதிகளை மீறி அர்ச்சகர்களை நியமிக்க இடைக்கால தடை விதிக்க வேண்டும் என்று வாதிட்டார்.

முடியாது

இதை ஏற்க மறுத்த நீதிபதிகள், ‘‘தற்போதைய நிலையில் இடைக்கால தடை உத்தரவு பிறப்பிக்க முடியாது. ஆனால் அர்ச்சகர் பணிநியமனங்கள் என்பது இந்த வழக்கின் இறுதி தீர்ப்புக்கு கட்டுப்பட்டது. வழக்கு குறித்து தமிழக அரசு 4 வாரத்திற்குள் பதிலளிக்க வேண்டும்’’ என்று உத்தரவிட்டு உள்ளனர்.

தொடர்புடைய செய்திகள்

1. சாதி வேறுபாடு இல்லாமல் அனைத்து கிராமங்களிலும் பொது மயானம் அமைக்க வேண்டும் ஐகோர்ட்டு உத்தரவு
மாநிலம் முழுவதும் உள்ள அனைத்து கிராமங்களிலும் சாதி வேறுபாடின்றி பொது மயானங்களை அமைக்க வேண்டும் என்று தமிழக அரசுக்கு சென்னை ஐகோர்ட்டு உத்தரவிட்டுள்ளது.
2. பள்ளி, கல்லூரிகள் அருகே போதைப்பொருட்கள் விற்க அனுமதிக்க கூடாது போலீசாருக்கு டி.ஜி.பி. சைலேந்திரபாபு உத்தரவு
பள்ளி, கல்லூரிகள் அருகே போதைப்பொருட்கள் விற்பனையை அனுமதிக்க கூடாது என்று போலீசாருக்கு டி.ஜி.பி. சைலேந்திரபாபு உத்தரவு பிறப்பித்து உள்ளார்.
3. தமிழக அரசும், தனியார் கல்லூரியும் மாணவிக்கு ரூ.5 லட்சம் இழப்பீடு வழங்க வேண்டும் ஐகோர்ட்டு அதிரடி உத்தரவு
பல் மருத்துவ படிப்பில் சேர்க்க மறுத்ததால் மாணவிக்கு ரூ.5 லட்சம் இழப்பீடு வழங்க வேண்டும் என்று தமிழக அரசுக்கும், தனியார் கல்லூரிக்கும் சென்னை ஐகோர்ட்டு அதிரடி உத்தரவை பிறப்பித்துள்ளது.
4. கொரோனாவால் உயிரிழந்தவர்கள் குடும்பத்துக்கு தலா ரூ.50 ஆயிரம் தமிழக அரசு உத்தரவு
கொரோனா தொற்றினால் உயிரிழந்தவர்களின் குடும்பத்தினருக்கு ரூ.50 ஆயிரம் வழங்க தமிழக அரசு உத்தரவிட்டுள்ளது.
5. ஜெயலலிதாவுக்கு எதிரான வருமானவரி வழக்குகளில் தீபா, தீபக்கை எதிர் மனுதாரர்களாக சேர்க்க வேண்டும்
ஜெயலலிதா செலுத்தவேண்டிய செல்வ வரி மற்றும் வருமானவரி நிலுவை தொடர்பான மேல்முறையீட்டு வழக்குகளில் ஜெ.தீபா, ஜெ.தீபக் ஆகியோரை எதிர்மனுதாரர்களாக இணைக்க சென்னை ஐகோர்ட்டு உத்தரவிட்டுள்ளது.