மாநில செய்திகள்

2015-ம் ஆண்டு மழை, வெள்ள பாதிப்புகளுக்கு பின்னரும் சென்னை மாநகராட்சி என்ன செய்கிறது? ஐகோர்ட்டு கண்டனம் + "||" + What is Chennai Corporation doing after the rains and floods of 2015? ICourt condemnation

2015-ம் ஆண்டு மழை, வெள்ள பாதிப்புகளுக்கு பின்னரும் சென்னை மாநகராட்சி என்ன செய்கிறது? ஐகோர்ட்டு கண்டனம்

2015-ம் ஆண்டு மழை, வெள்ள பாதிப்புகளுக்கு பின்னரும் சென்னை மாநகராட்சி என்ன செய்கிறது? ஐகோர்ட்டு கண்டனம்
2015-ம் ஆண்டு மழை வெள்ளத்துக்கு பின்னர் சென்னை மாநகராட்சி என்ன செய்து கொண்டிருக்கிறது என்று கேள்வி எழுப்பியுள்ள சென்னை ஐகோர்ட்டு, மழை வெள்ள பாதிப்புகளை ஒரு வாரத்தில் சரிசெய்யாவிட்டால் கோர்ட்டு அவமதிப்பு வழக்கு விசாரணைக்கு எடுக்கப்படும் என எச்சரித்துள்ளது.
சென்னை,

சென்னை ஐகோர்ட்டில் தலைமை நீதிபதி சஞ்சீவ் பானர்ஜி, நீதிபதி பி.டி.ஆதிகேசவலு ஆகியோர் நேற்று வழக்குகளை விசாரித்தனர். அப்போது, சென்னை மாநகரில் சாலைகள் விரிவாக்கம் தொடர்பான வழக்கு ஒன்று நீதிபதிகள் முன்பு விசாரணைக்கு வந்தது.


அப்போது நீதிபதிகள், ‘சென்னை மாநகரம் மழை வெள்ளத்தில் மிதக்கிறது. 2015-ம் ஆண்டு ஏற்பட்ட வெள்ளத்துக்குப் பின்னர், உள்கட்டமைப்பு வசதிகளை மேற்கொள்ள பல கோடி ரூபாய் திட்டங்கள் தீட்டப்பட்டபோதும், தற்போது மழைநீர் தேங்கி நிற்கிறது. 2015-ம் ஆண்டு வெள்ளத்துக்கு பின்னர் சென்னை மாநகராட்சி என்ன செய்து கொண்டிருக்கிறது? ஒரு வாரத்துக்குள் நிலைமை சீராகவில்லை என்றால், இந்த ஐகோர்ட்டு தாமாக முன்வந்து கோர்ட்டு அவமதிப்பு வழக்கை விசாரணைக்கு எடுத்து தகுந்த உத்தரவு பிறப்பிக்க நேரிடும்’ என்று எச்சரிக்கை செய்தனர்.

அதிகாரிகள் அலட்சியம்

அரியலூர் மாவட்டம் பெரிய திருக்கோணம் பகுதியில் உள்ள ஏரியை தனிநபர் ஆக்கிரமித்துள்ளதாகவும், அதை அகற்ற கலெக்டருக்கு உத்தரவிட வேண்டும் என்றும் சென்னை ஐகோர்ட்டில் தமிழரசன் என்பவர் பொதுநல வழக்கு தொடர்ந்து இருந்தார். இந்த வழக்கு தலைமை நீதிபதி அமர்வில் விசாரணைக்கு வந்தது.

அப்போது நீதிபதிகள், ‘சென்னை உட்பட அனைத்து பகுதிகளிலும் நீர்நிலைகள் ஆக்கிரமிக்கப்பட்டுள்ளன. இந்த ஆக்கிரமிப்புகளை அதிகாரிகள் அகற்றாமல் அலட்சியமாக செயல்பட்டுவருகின்றனர். நீர்வழிப் பாதைகளில் தடைகள் எதுவும் இருக்கக்கூடாது. வெள்ளநீர் வடியும் வகையில் நீர்வழிப் பாதைகளில் ஆக்கிரமிப்புகளை உடனடியாக அகற்ற வேண்டும்’ என்று உத்தரவிட்டனர்.

நல்ல பாடம்

மேலும், ‘சென்னை மக்கள் பாதி நாட்கள் தண்ணீருக்காகவும், மீதி நாட்கள் தண்ணீரிலும் தவிக்கின்றனர். இந்த மழை வெள்ளம் அதிகாரிகளுக்கு நல்ல பாடத்தைக் கற்றுக்கொடுத்துள்ளது’ என்று நீதிபதிகள் கருத்து தெரிவித்தனர்.

பின்னர், மனுதாரரின் கோரிக்கையை 10 வாரத்துக்குள் பரிசீலித்து, திருக்கோணம் ஏரி மட்டுமல்லாமல், மாவட்டத்தில் உள்ள அனைத்து நீர்நிலை ஆக்கிரமிப்புகளையும் கலெக்டர் அகற்ற வேண்டும் என்று நீதிபதிகள் உத்தரவிட்டனர்.

தொடர்புடைய செய்திகள்

1. நடிகர் விஜய்யிடம் இருந்து நுழைவு வரி வசூலிக்க நடவடிக்கை எடுக்கக்கூடாது ஐகோர்ட்டு உத்தரவு
வெளிநாட்டில் இருந்து 2005-ம் ஆண்டு இறக்குமதி செய்யப்பட்ட பி.எம்.டபிள்யூ. காருக்கு நிர்ணயிக்கப்பட்ட அபராதத்துடன் கூடிய நுழைவு வரியை நடிகர் விஜய்யிடம் இருந்து வசூலிக்க நடவடிக்கை எடுக்கக்கூடாது என்று சென்னை ஐகோர்ட்டு உத்தரவிட்டுள்ளது.
2. பிளாஸ்டிக் பொருட்களுடன் வரும் சுற்றுலா வாகனங்களுக்கு ஊட்டி, கொடைக்கானலில் தடை ஐகோர்ட்டு யோசனை
சுற்றுச்சூழலுக்கு ஆபத்தை விளைவிக்கும் பிளாஸ்டிக் பொருட்களுடன் சுற்றுலா வரும் வாகனங்களை ஊட்டி, கொடைக்கானலுக்குள் மீண்டும் வர தடை விதிக்கும் வகையில் நடவடிக்கை எடுக்க ஆராய வேண்டும் என்று தமிழக அரசுக்கு ஐகோர்ட்டு யோசனை தெரிவித்துள்ளது.
3. வேட்புமனுவில் தவறான தகவல்: ஓ.பன்னீர்செல்வம், ரவீந்திரநாத் மீதான வழக்குக்கு தடை
வேட்புமனுவில் தவறான தகவல்: ஓ.பன்னீர்செல்வம், ரவீந்திரநாத் மீதான வழக்குக்கு தடை ஐகோர்ட்டு உத்தரவு.
4. நகர்ப்புற உள்ளாட்சி தேர்தலில்இடஒதுக்கீட்டுக்கு எதிரான வழக்கு தள்ளுபடி ஐகோர்ட்டு உத்தரவு
நகர்ப்புற உள்ளாட்சி தேர்தலில், விதிகளின் அடிப்படையில் இடஒதுக்கீடு வழங்கி பிறப்பித்த அரசாணையை எதிர்த்து தொடர்ந்த வழக்கை தள்ளுபடி செய்து சென்னை ஐகோர்ட்டு உத்தரவிட்டுள்ளது.
5. தமிழக மீனவர்களின் படகுகளை ஏலம் விடுவதா? இலங்கை அரசுக்கு, ஓ.பன்னீர்செல்வம் கண்டனம்
தமிழக மீனவர்களிடம் இருந்து கைப்பற்றப்பட்ட படகுகளை ஏலம் விடுவதாக அறிவிப்பதா? என்று இலங்கை அரசுக்கு ஓ.பன்னீர்செல்வம் கண்டனம் தெரிவித்துள்ளார். இந்த விவகாரத்தில் உடனடி நடவடிக்கை எடுக்கவும் மத்திய அரசை அவர் வலியுறுத்தியுள்ளார்.