மாநில செய்திகள்

மழை எதிரொலி: தமிழகத்தில் 5,667 குளங்கள் நிரம்பின + "||" + Rain Echo: 5,667 ponds filled up in Tamil Nadu

மழை எதிரொலி: தமிழகத்தில் 5,667 குளங்கள் நிரம்பின

மழை எதிரொலி: தமிழகத்தில் 5,667 குளங்கள் நிரம்பின
தொடர் மழை காரணமாக தமிழகத்தில் 5,667 குளங்கள் நிரம்பியுள்ளதாக நீர்வளத்துறை அதிகாரிகள் தெரிவித்து உள்ளனர்.
சென்னை,

வளிமண்டல மேலடுக்கு சுழற்சி மற்றும் வெப்பசலனம் காரணமாக தமிழகத்தில் மழை பெய்து வருகிறது. இதனால் மாநிலம் முழுவதும் உள்ள ஏரிகள், பாசன குளங்கள் உள்ளிட்ட அனைத்து நீர்நிலைகளுக்கும் நாளுக்குநாள் நீர்வரத்து அதிகரித்து வருகிறது. இதனால், ஏரிகளின் நீர் மட்டம் உயர்ந்து வருகிறது.

பொதுப்பணித்துறையின் கீழ் உள்ள நீர்வள ஆதாரத்துறை கட்டுப்பாட்டில் சென்னை, மதுரை, திருச்சி மற்றும் கோவை ஆகிய 4 மண்டலங்கள் உள்ளன. இவற்றின் கட்டுப்பாட்டில் 90 நீர்த்தேக்கங்கள் பராமரிக்கப்பட்டு வருகின்றன.இவற்றின் மொத்த கொள்ளளவு 2 லட்சத்து 24 ஆயிரத்து 297 மில்லியன் கன அடி (224.297 டி.எம்.சி.) ஆகும். இந்த ஏரிகளில் தற்போது 2 லட்சத்து 4 ஆயிரத்து 420 மில்லியன் கன அடி (204.420 டி.எம்.சி.) நீர் இருப்பு உள்ளது. 

90 நீர்த்தேக்கங்கள் சேர்த்து 91.14 சதவீதம் நீர் இருப்பு உள்ளது.மாநிலம் முழுவதும் உள்ள 14 ஆயிரத்து 138 பாசன குளங்களில் 5 ஆயிரத்து 667 குளங்கள் முழுமையாக நிரம்பி உள்ளன. 3 ஆயிரத்து 206 குளங்கள் 76 முதல் 99 சதவீதமும், 1,940 குளங்கள் 51 முதல் 75 சதவீதமும், 1,708 குளங்கள் 26 முதல் 50 சதவீதமும், 1,360 குளங்கள் 1 முதல் 25 சதவீதமும் நிரம்பி உள்ளன. 

257 குளங்களில் எதிர்பார்த்த அளவு மழை நீர் இல்லாமல் கோடை காலத்தில் கிடப்பது போன்று வறண்டுதான் கிடக்கின்றன. இந்த குளங்களுக்கு நீர் ஏன் வரவில்லை?, வரத்து கால்வாய்கள் அடைக்கப்பட்டு உள்ளதா? என்பது குறித்து ஆய்வு செய்யப்பட உள்ளது.பருவமழை தொடர்ந்து தீவிரமானால் நீர்தேக்கங்களின் கொள்ளளவு மேலும் அதிகரித்து மேலும் 3 ஆயிரத்து 206 குளங்கள் நிரம்ப வாய்ப்பு உள்ளது.

மேற்கண்ட தகவல்களை பொதுப்பணித்துறையின் நீர்வளத்துறை அதிகாரிகள் தெரிவித்து உள்ளனர்.

தொடர்புடைய செய்திகள்

1. ஜனவரி 20: தமிழகத்தில் மாவட்ட வாரியாக கொரோனா பாதிப்பு முழு நிலவரம்
தமிழகத்தில் மாவட்ட வாரியாக கொரோனா பாதிப்பு முழு நிலவரம் வெளியிடப்பட்டுள்ளது.
2. இந்தியாவில் தமிழகம் உள்ளிட்ட 6 மாநிலங்களில் உயரும் கொரோனா: மத்திய சுகாதாரத்துறை தகவல்
தமிழகம், மராட்டியம், கர்நாடகா உள்ளிட்ட 5 மாநிலங்களில் அதிகளவில் கொரோனா பாதிப்பு உள்ளதாக மத்திய சுகாதாரத்துறை செயலாளர் ராஜேஷ் பூஷன் தெரிவித்துள்ளார்.
3. குடியரசு தின அணிவகுப்பில் தமிழகத்துக்கு இடம் இல்லையா? -நிராகரிக்கப்பட்டதன் பின்னணி தகவல்கள்!
டெல்லி குடியரசு தினவிழா அணி வகுப்பில் பங்கேற்க தமிழக அலங்கார ஊர்திக்கு அனுமதி மறுக்கப்பட்டுள்ளது.
4. ஜனவரி 19: தமிழகத்தில் மாவட்ட வாரியாக கொரோனா பாதிப்பு முழு நிலவரம்
தமிழகத்தில் மாவட்ட வாரியாக கொரோனா பாதிப்பு முழு நிலவரம் வெளியிடப்பட்டுள்ளது.
5. “நீட் தேர்வில் இருந்து தமிழகத்திற்கு விலக்கு அளிக்க வேண்டும்” : பிரதமர் மோடியிடம் முதல்-அமைச்சர் மு.க.ஸ்டாலின் வலியுறுத்தல்
நீட் தேர்வில் இருந்து தமிழகத்திற்கு விலக்கு அளிக்க வேண்டும் என்று மருத்துவ கல்லூரிகள் திறப்பு விழாவில் பிரதமர் மோடியிடன் முதல்-அமைச்சர் மு.க.ஸ்டாலின் வலியுறுத்தி உள்ளார்.