மாநில செய்திகள்

பா.ம.க. பிரமுகர் ராமலிங்கம் கொலை வழக்கு: 5 பேர் பற்றி துப்பு கொடுத்தால் தலா ரூ.5 லட்சம் பரிசு + "||" + PMK. Pramukar Ramalingam murder case: Rs 5 lakh each for giving clues about 5 people

பா.ம.க. பிரமுகர் ராமலிங்கம் கொலை வழக்கு: 5 பேர் பற்றி துப்பு கொடுத்தால் தலா ரூ.5 லட்சம் பரிசு

பா.ம.க. பிரமுகர் ராமலிங்கம் கொலை வழக்கு: 5 பேர் பற்றி துப்பு கொடுத்தால் தலா ரூ.5 லட்சம் பரிசு
பா.ம.க. பிரமுகர் ராமலிங்கம் கொலை வழக்கில் தேடப்படும் குற்றவாளிகளாக அறிவிக்கப்பட்ட 5 பேர் பற்றி துப்பு கொடுத்தால் தலா ரூ.5 லட்சம் ரொக்கப்பரிசு வழங்கப்படும், என்று என்.ஐ.ஏ. போலீசார் அறிவிப்பு வெளியிட்டுள்ளனர்.
சென்னை,

தஞ்சை மாவட்டம் கும்பகோணம் அருகே உள்ள திருபுவனத்தில் கடந்த 2019-ம் ஆண்டு பிப்ரவரி மாதம் பா.ம.க. பிரமுகர் ராமலிங்கம் படுகொலை செய்யப்பட்டார்.

இந்த கொலை வழக்கு திருவிடைமருதூர் போலீசாரால் முதலில் விசாரிக்கப்பட்டது. பின்னர் இந்த வழக்கு என்.ஐ.ஏ. (தேசிய புலனாய்வு முகமை) போலீஸ் விசாரணைக்கு மாற்றப்பட்டது. இதுவரை 13 பேர் கைது செய்யப்பட்டு விட்டனர்.


இந்த கொலை வழக்கில் போலீஸ் கையில் சிக்காமல் தலைமறைவாக உள்ள முகமது ஜின்னா, அப்துல்மஜித், புர்ஹானுதீன், ஷாஹூல் ஹமீது, நபீல்ஹாசன் ஆகிய 5 பேரை தேடப்படும் குற்றவாளிகளாக என்.ஐ.ஏ. சிறப்பு கோர்ட்டு அறிவித்துள்ளது.

துப்பு கொடுத்தால்

ரூ.5 லட்சம் பரிசு

இவர்கள் 5 பேர் பற்றி துப்பு கொடுத்தால் தலா ரூ.5 லட்சம் ரொக்கப்பரிசு வழங்கப்படும் என்று என்.ஐ.ஏ. போலீசார் அறிவிப்பு வெளியிட்டுள்ளனர். 5 பேரின் புகைப்படங்களுடன் ஏராளமான துண்டு பிரசுரங்களை பொதுமக்கள் பார்க்கும் வகையில் தமிழகம் முழுவதும் முக்கிய இடங்களில் ஒட்டி உள்ளனர். அனைத்து போலீஸ் நிலையங்களுக்கும் இந்த அறிவிப்பு நோட்டீஸ் அனுப்பப்பட்டுள்ளது.

இந்த 5 பேர் பற்றி தகவல் தெரிந்தவர்கள், சென்னை கீழ்ப்பாக்கம் மில்லர்ஸ் சாலையில் செயல்படும் என்.ஐ.ஏ. போலீசாருக்கு 99623 61122 என்ற செல்போன் எண்ணுக்கும், 044-26615100 என்ற தொலைபேசி எண்ணுக்கும் தகவல் தெரிவிக்கலாம் என்று தெரிவிக்கப்பட்டுள்ளது.

தொடர்புடைய செய்திகள்

1. ஏரியில் பிணமாக மிதந்த என்ஜினீயர்
ஏரியில் என்ஜினீயர் பிணமாக மிதந்தார்.
2. பொங்கல் விழாவில் ஏற்பட்ட தகராறில் வாலிபர் படுகொலை
திருப்புவனம் அருகே பொங்கல் விழாவில் ஏற்பட்ட தகராறில் வாலிபர் படுெகாலை செய்யப்பட்டார். இது தொடர்பாக 5 பேர் கைது செய்யப்பட்டனர்.
3. நடிகர் சித்தார்த் மீது ஜதராபாத் போலீஸ் வழக்கு
நடிகர் சித்தார்த் மீதுந டவடிக்கை எடுக்ககோரி மகாராஷ்டிரா மாநில டி.ஜி.பி.யிடம் புகார் கொடுக்கப்பட்டு உள்ளது. இதன் தொடர்ச்சியாக ஜதராபாத் சைபர் கிரைம் போலீசில் பெண் ஒருவர் புகார் கொடுத்தார்.
4. எலக்ட்ரீசியனை கல்லால் தாக்கி கொன்ற தம்பி
திருப்பத்தூரில் போதையில் தகராறு செய்த எலக்ட்ரீசியனை கல்லால் தாக்கி தம்பி கொன்றார்.
5. மனைவியை கொடூரமாக கொன்ற வங்கி ஊழியர்
விருதுநகரில் நடத்தையில் சந்தேகப்பட்டு மனைவியை வங்கி ஊழியர் கத்தியால் குத்தி கொடூரமாக கொன்றார். மகனின் கண்முன் இந்த வெறிச்செயலில் அவர் ஈடுபட்டது தெரியவந்தது.