வருகிற 25-ந் தேதி முதல் இயக்கம்: பல்லவன், வைகை உள்பட 9 எக்ஸ்பிரஸ் ரெயில்களில் முன்பதிவில்லா பெட்டிகள்


வருகிற 25-ந் தேதி முதல் இயக்கம்: பல்லவன், வைகை உள்பட 9 எக்ஸ்பிரஸ் ரெயில்களில் முன்பதிவில்லா பெட்டிகள்
x
தினத்தந்தி 19 Nov 2021 10:57 PM GMT (Updated: 19 Nov 2021 10:57 PM GMT)

வருகிற 25-ந் தேதி முதல் இயக்கம்: பல்லவன், வைகை உள்பட 9 எக்ஸ்பிரஸ் ரெயில்களில் முன்பதிவில்லா பெட்டிகள் தெற்கு ரெயில்வே அறிவிப்பு.

சென்னை,

தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-

ரெயில்வே வாரியம் கீழ்க்கண்ட 9 ஜோடி எக்ஸ்பிரஸ் ரெயில்களை வருகிற 25-ந்தேதி முதல் முன்பதிவில்லா பெட்டிகளுடன் இயக்க அனுமதி வழங்கி உள்ளது.

மதுரை-புனலூர் (வண்டி எண்: 16729), புனலூர்-மதுரை (16730) எக்ஸ்பிரஸ் ரெயிலில் 4 முன்பதிவில்லா பெட்டிகளும், மங்களூரு-கோவை (22609), கோவை-மங்களூரு (22610) இண்டர்சிட்டி எக்ஸ்பிரஸ் ரெயில் 6 முன்பதிவில்லா பெட்டிகளும், மங்களூரு-நாகர்கோவில் (16605), நாகர்கோவில்-மங்களூரு (16606) எக்ஸ்பிரஸ் ரெயிலில் 6 முன்பதிவில்லா பெட்டிகளும் இணைக்கப்பட்டு இயக்கப்படும்.

அதேபோல், சென்னை எழும்பூர்-காரைக்குடி (12605), காரைக்குடி-எழும்பூர் (12606) பல்லவன் எக்ஸ்பிரஸ் ரெயிலில் 3 முன்பதிவில்லா பெட்டிகளும், எழும்பூர்-மதுரை (12635), மதுரை-எழும்பூர் (12636) வைகை எக்ஸ்பிரஸ் ரெயிலில் 3 முன்பதிவில்லா பெட்டிகளும், தாம்பரம்-நாகர்கோவில் (16191), நாகர்கோவில்-தாம்பரம் (16192) அந்தியோதயா எக்ஸ்பிரஸ் ரெயிலில் 6 முன்பதிவில்லா பெட்டிகளும் இணைக்கப்பட்டு வருகிற 25-ந்தேதி முதல் இயக்கப்படுகிறது.

மேலும், சென்னை எம்.ஜி.ஆர் சென்டிரல்-கோவை (12679), கோவை-எம்.ஜி.ஆர். சென்டிரல் (12680) இண்டர்சிட்டி எக்ஸ்பிரஸ் ரெயிலில் 4 முன்பதிவில்லா பெட்டிகளும், நெல்லை-பாலக்காடு (16791), பாலக்காடு-நெல்லை (16792) பாலருவி எக்ஸ்பிரஸ் ரெயிலில் 4 முன்பதிவில்லா பெட்டிகளும், மங்களூரு-நாகர்கோவில் (16649) பரசுராம் எக்ஸ்பிரஸ் ரெயில் 2 முன்பதிவில்லா பெட்டிகளும், நாகர்கோவில்-மங்களூரு (16650) பரசுராம் எக்ஸ்பிரஸ் ரெயிலில் 4 முன்பதிவில்லா பெட்டிகளும் இணைக்கப்பட்டு வருகிற 25-ந்தேதி முதல் இணைக்கப்படும்.

இவ்வாறு அதில் கூறப்பட்டுள்ளது.

Next Story