மாநில செய்திகள்

மோட்டார் வாகன ஆய்வாளர் கனகராஜ் குடும்பத்துக்கும் ரூ.1 கோடி வழங்கவேண்டும் ஓ.பன்னீர்செல்வம் வலியுறுத்தல் + "||" + O. Panneerselvam demands payment of Rs. 1 crore to the family of motor vehicle inspector Kanagaraj

மோட்டார் வாகன ஆய்வாளர் கனகராஜ் குடும்பத்துக்கும் ரூ.1 கோடி வழங்கவேண்டும் ஓ.பன்னீர்செல்வம் வலியுறுத்தல்

மோட்டார் வாகன ஆய்வாளர் கனகராஜ் குடும்பத்துக்கும் ரூ.1 கோடி வழங்கவேண்டும் ஓ.பன்னீர்செல்வம் வலியுறுத்தல்
பணியில் இருக்கும்போது உயிரிழந்த மோட்டார் வாகன ஆய்வாளர் கனகராஜ் குடும்பத்துக்கும் ரூ.1 கோடி வழங்கவேண்டும் ஓ.பன்னீர்செல்வம் வலியுறுத்தியுள்ளார்.
சென்னை,

அ.தி.மு.க. ஒருங்கிணைப்பாளரும், முன்னாள் முதல்-அமைச்சருமான ஓ.பன்னீர்செல்வம் வெளியிட்டுள்ள அறிக்கையில் கூறியிருப்பதாவது:-

தமிழகத்தில் சட்டத்தின் ஆட்சி நடைபெறுகிறதா அல்லது சட்டவிரோதிகளின் ஆட்சி நடைபெறுகிறதா என்று பொதுமக்கள் அச்சப்படும் அளவுக்கு போலீஸ் சப்-இன்ஸ்பெக்டர், மோட்டார் வாகன ஆய்வாளர் என அரசு அதிகாரிகள் உயிரிழந்திருப்பது மிகுந்த அதிர்ச்சி அளிப்பதோடு, தமிழகத்தின் பொருளாதாரத்தை பின்னுக்குத் தள்ளிவிடுமோ என்ற ஐயத்தையும் ஏற்படுத்தியுள்ளது.


திருச்சியில் போலீஸ் சப்-இன்ஸ்பெக்டர் பூமிநாதன் கொலை நடந்து முடிந்த மறுநாளே, கரூர் வட்டார போக்குவரத்து அலுவலகத்தில் போக்குவரத்து வாகன ஆய்வாளராக பணியாற்றிவந்த நா.கனகராஜ் வாகன சோதனையில் ஈடுபட்டபோது, வாகனம் மோதியதில் உயிரிழந்திருக்கிறார். முதல்-அமைச்சர் மு.க.ஸ்டாலின் அடையாளம் தெரியாத வாகனம் என்று குறிப்பிடுவதை வைத்து பார்க்கும்போதும், மோதிய வாகனம் நிற்காமல் சென்றதை வைத்து பார்க்கும்போதும் இது விபத்தாக இருக்காதோ என்ற சந்தேகம் அனைவர் மனதிலும் எழுகிறது.

ரூ.1 கோடி வழங்கவேண்டும்

காவல் பணியில் ஈடுபட்டிருந்தபோது கொலையுண்ட போலீஸ் சப்-இன்ஸ்பெக்டர் குடும்பத்துக்கு முதல்-அமைச்சரின் பொது நிவாரண நிதியில் இருந்து ரூ.1 கோடியும், குடும்பத்தில் ஒருவருக்கு அரசு பணியும் வழங்க உத்தரவிட்டுள்ள முதல்-அமைச்சர், பணியில் ஈடுபட்டிருந்தபோது உயிரிழந்த மோட்டார் வாகன ஆய்வாளரின் குடும்பத்துக்கு முதல்-அமைச்சர் பொது நிவாரண நிதியில் இருந்து ரூ.50 லட்சம் மட்டும் வழங்கியிருப்பது பாரபட்சமாக இருக்கிறது. எனவே முதல்-அமைச்சர், நாட்டின் பொருளாதார முன்னேற்றத்துக்கு முக்கிய காரணியாக விளங்கும் சட்டம்-ஒழுங்கை பராமரிப்பதில் தனிக்கவனம் செலுத்தவேண்டும்.

போலீஸ் சப்-இன்ஸ்பெக்டர் உயிரிழப்புக்கு காரணமானவர்கள் மீது சட்டப்படி நடவடிக்கை எடுத்து தக்க தண்டனை பெற்றுத்தர வேண்டும். இதேபோல மோட்டார் வாகன ஆய்வாளர் உயிரிழப்புக்கு என்ன காரணம் என்பதை தீர விசாரித்து அதற்கேற்ப நடவடிக்கை எடுக்கவேண்டும். மோட்டார் வாகன ஆய்வாளரும் பணியில் இருக்கும்போது உயிரிழந்ததால் போலீஸ் சப்-இன்ஸ்பெக்டர் குடும்பத்துக்கு வழங்கியதைப்போல முதல்-அமைச்சரின் பொது நிவாரண நிதியில் இருந்து ரூ.1 கோடி வழங்கவும், குடும்பத்தில் ஒருவருக்கு அரசு வேலை வழங்கவும் நடவடிக்கை எடுக்கவேண்டும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. மின்நுகர்வோர் குறைகளை தீர்க்கும் ‘மின்னகம்’ ஒப்பந்தம் வெளிப்படையாக நடந்ததா? ஓ.பன்னீர்செல்வம் கேள்வி
மின்நுகர்வோர் குறைகளை தீர்க்கும் வகையில் அமைக்கப்பட்டுள்ள ‘மின்னகம்’ ஒப்பந்தம் வெளிப்படையாக நடந்ததா? என்று ஓ.பன்னீர்செல்வம் கேள்வி எழுப்பியுள்ளார்.
2. போலீஸ் விசாரணையால் உயிரிழந்த மாணவர் குடும்பத்துக்கு ரூ.50 லட்சம் இழப்பீடு
போலீஸ் விசாரணையால் உயிரிழந்த மாணவர் குடும்பத்துக்கு ரூ.50 லட்சம் இழப்பீடு - டாக்டர் அன்புமணி ராமதாஸ் வலியுறுத்தல்.
3. விஜய் சேதுபதி மீது வழக்கு... கிரிமினல், அவதூறு சட்டத்தின் கீழ் நடவடிக்கை எடுக்க வலியுறுத்தல்
சைதாப்பேட்டை கோர்ட்டில் நடிகர் விஜய்சேதுபதி மீது கிரிமினல் மற்றும் அவதூறு சட்டத்தின் கீழ் நடவடிக்கை எடுக்க வலியுறுத்தி மனு கொடுக்கப்பட்டுள்ளது.
4. இரு நாட்டு மீனவர்களும் எல்லை தாண்டி மீன் பிடிக்க அனுமதிக்க வேண்டும்
இரு நாட்டு மீனவர்களும் எல்லை தாண்டி மீன் பிடிக்க அனுமதிக்க வேண்டும் டாக்டர் அன்புமணி ராமதாஸ் வலியுறுத்தல்.
5. புதிய தமிழ்வழிக் கல்வி இட ஒதுக்கீட்டுச் சட்டத்திற்கு உட்பட்டு குரூப்-1 தேர்வு முடிவுகளை ஒரு வாரத்தில் வெளியிட வேண்டும்
புதிய தமிழ்வழிக் கல்வி இட ஒதுக்கீட்டுச் சட்டத்திற்கு உட்பட்டு குரூப்-1 தேர்வு முடிவுகளை ஒரு வாரத்தில் வெளியிட வேண்டும் டாக்டர் ராமதாஸ் வலியுறுத்தல்.