சிறப்பு முகாம்கள் மூலம் வாக்காளர் பட்டியலில் - பெயர் சேர்ப்பு, திருத்தத்துக்கு 14.27 லட்சம் பேர் விண்ணப்பம்


சிறப்பு முகாம்கள் மூலம் வாக்காளர் பட்டியலில் - பெயர் சேர்ப்பு, திருத்தத்துக்கு 14.27 லட்சம் பேர் விண்ணப்பம்
x
தினத்தந்தி 29 Nov 2021 7:02 PM GMT (Updated: 29 Nov 2021 7:02 PM GMT)

சிறப்பு முகாம்கள் மூலம் வாக்காளர் பட்டியலில் - பெயர் சேர்ப்பு, திருத்தத்துக்கு 14.27 லட்சம் பேர் விண்ணப்பம் தேர்தல் ஆணையம் தகவல்.

சென்னை,

தமிழகத்தில் வாக்காளர் பட்டியலில் பெயர் சேர்ப்பு மற்றும் திருத்தத்துக்கான பணிகள் நடைபெற்று வருகிறது. இதற்காக வரைவு வாக்காளர் பட்டியல் வெளியிடப்பட்டுள்ளது.

அதில், திருத்தங்கள் மேற்கொள்வதற்கும், பெயர் சேர்ப்பு, நீக்கம் ஆகியற்றிற்கும் தற்போது வாய்ப்புகள் தரப்பட்டுள்ளன. இதற்காக சிறப்பு முகாம்கள் நடத்தப்பட்டு வருகின்றன.

இந்த நிலையில் தமிழக தலைமை தேர்தல் அதிகாரி சத்யபிரத சாகு நேற்று செய்திக்குறிப்பு ஒன்றை வெளியிட்டார். அதில், தமிழகத்தில் நடைபெற்ற சிறப்பு முகாம்களில் மொத்தம் 14 லட்சத்து 27 ஆயிரத்து 598 விண்ணப்பங்கள் தாக்கல் செய்யப்பட்டுள்ளன.

அவற்றில் பெயர் சேர்ப்பிற்காக மட்டும் 9 லட்சத்து 44 ஆயிரத்து 26 விண்ணப்பங்கள் வந்துள்ளன என்று குறிப்பிட்டுள்ளார்.

Next Story