<
தொடர்ந்து குறையும் தொற்று : தமிழகத்தில் 621 பேருக்கு கொரோனா
தமிழகத்தில் கொரோனா பாதிப்பு தொடர்ந்து குறைகிறது. 621 பேருக்கு தொற்று உறுதி செய்யப்பட்டுள்ளது.
சென்னை,
தமிழகத்தில் இன்றைய கொரோனா பாதிப்பு குறித்து மருத்துவம் மற்றும் மக்கள் நல்வாழ்வுத்துறை வெளியிட்டுள்ள செய்திக்குறிப்பில் கூறப்பட்டு இருப்பதாவது:-
தமிழகத்தில் 1,05,974 மாதிரிகள் பரிசோதனை செய்யப்பட்ட நிலையில் ஒருநாள் கொரோனா பாதிப்பு 621 ஆக உள்ளது.
சென்னையில் மேலும் 127 பேருக்கு கொரோனா தொற்று உறுதி செய்யப்பட்டுள்ளது. சென்னையில் ஏற்கனவே 124 பேருக்கு தொற்று உறுதி செய்யப்பட்ட நிலையில் பாதிப்பு 127 ஆக உயர்ந்துள்ளது.
கொரோனாவால் மேலும் 11 பேர் உயிரிழந்த நிலையில் பலி எண்ணிக்கை 36,667 ஆக உயர்ந்துள்ளது. அரசு மருத்துவமனைகளில் 7 பேரும், தனியார் மருத்துவமனைகளில் 4 பேரும் உயிரிழந்தனர்.
தமிழகத்தில் கொரோனா சிகிச்சையில் இருப்போர் எண்ணிக்கை 7,407 ஆக குறைந்துள்ளது. கொரோனாவில் இருந்து மேலும் 679 பேர் குணமடைந்த நிலையில் இதுவரை 26,94,509 பேர் டிஸ்சார்ஜ் செய்யப்பட்டனர்.
கோவையில் 104 ஆக இருந்த ஒருநாள் கொரோனா பாதிப்பு தற்போது 102 ஆக குறைந்துள்ளது. ஈரோட்டில் 47 ஆக இருந்த ஒருநாள் கொரோனா பாதிப்பு தற்போது 48 ஆக உயர்ந்துள்ளது.
இவ்வாறு அதில் தெரிவிக்கப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
