<
நாராயணசாமி வீட்டின் முன் வெடிகுண்டு வைத்த வழக்கில் கோர்ட்டில் குற்றவாளிகள் ஆஜர் அடுத்த மாதம் 5 ந்தேதி தீர்ப்பு
முன்னாள் முதல்-அமைச்சர் நாராயணசாமி வீட்டின் முன் வெடிகுண்டு வைத்த வழக்கில் கோர்ட்டில் குற்றவாளிகள் ஆஜர்படுத்தப்பட்ட நிலையில் அடுத்த மாதம் (ஜனவரி) 5-ந் தேதி தீர்ப்பு அளிக்கப்படுகிறது.
புதுச்சேரி
முன்னாள் முதல்-அமைச்சர் நாராயணசாமி வீட்டின் முன் வெடிகுண்டு வைத்த வழக்கில் கோர்ட்டில் குற்றவாளிகள் ஆஜர்படுத்தப்பட்ட நிலையில் அடுத்த மாதம் (ஜனவரி) 5-ந் தேதி தீர்ப்பு அளிக்கப்படுகிறது.
வெடிகுண்டு வழக்கு
புதுச்சேரி முன்னாள் முதல்-அமைச்சர் நாராயணசாமியின் வீடு எல்லையம்மன் கோவில் தெருவில் உள்ளது. இவர் கடந்த 2014-ம் ஆண்டு மத்தியில் காங்கிரஸ் அரசு இருந்த போது மத்திய இணை மந்திரியாக இருந்தார். இந்த நிலையில் 29.1.2014 அன்று நாராயணசாமி வீட்டின் முன் காருக்கு அடியில் பைப் வெடிகுண்டு கண்டெடுக்கப்பட்டது.
அப்போது பரபரப்பை ஏற்படுத்திய இந்த சம்பவம் குறித்து தேசிய புலனாய்வு அமைப்பினர் (என்.ஐ.ஏ.) விசாரணை நடத்தி தமிழர் விடுதலை படையை சேர்ந்த திருசெல்வம், தமிழரசன், தங்கராசு, காளிலிங்கம், ஜான்மார்ட்டின், கார்த்திக் ஆகிய 6 பேரை கைது செய்தனர். இவர்கள் அனைவரும் சேலம், சென்னை, கடலூர், வேலூர் என பல்வேறு சிறைகளில் அடைக்கப்பட்டுள்ளனர்.
5-ந்தேதி தீர்ப்பு
இந்த வழக்கு புதுச்சேரி சிறப்பு நீதிமன்றத்தில் நடந்து வருகிறது. வழக்கில் 85-க்கும் மேற்பட்ட சாட்சிகளிடம் விசாரணை நடத்தப்பட்டது. இரு தரப்பு வாதமும் முடிவடைந்தது. கடந்த 7 ஆண்டுகளாக நடைபெற்று வந்த இந்த வழக்கில் இன்று தீர்ப்பு கூறப்படும் என்று எதிர்பார்க்கப்பட்டது.
இதையொட்டி புதுவை கோர்ட்டில் பலத்த பாதுகாப்பு ஏற்பாடுகள் செய்யப்பட்டு இருந்தது. வழக்கில் குற்றம் சாட்டப்பட்ட 6 பேரும் நீதிமன்றத்தில் ஆஜர்படுத்தப்பட்டனர்.
வழக்கை விசாரித்த முதன்மை குற்றவியல் நீதிபதி செல்வநாதன் அடுத்த மாதம் (ஜனவரி) 5-ந் தேதி தீர்ப்பளிக்கப்படும் என உத்தரவிட்டார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
