மேட்டூர் அணைக்கான நீர்வரத்து 2,060 கன அடியாக குறைவு

மேட்டூர்,

தமிழகத்தில் வடகிழக்கு பருவமழை தீவிரமடைந்ததன் காரணமாக கடந்த நவம்பர் மாதம் மேட்டூர் அணைக்கு நீர்வரத்து படிப்படியாக அதிகரித்தது. கடந்த சில நாட்களாக அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறக்கப்பட்டு வந்தது. இந்த நிலையில் இன்று மேட்டூர் அணையின் நீர்மட்டம் சற்று குறைந்துள்ளது.

இன்றைய நிலவரப்படி மேட்டூர் அணையின் நீர்மட்டம் 116.21 அடியாக குறைந்துள்ளது. அணையில் தற்போது 87.55 டி.எம்.சி. அளவு நீர் இருப்பு உள்ளது. அணையில் இருந்து டெல்டா பாசனத்திற்காக 10 ஆயிரம் கன அடி தண்ணீரும், கிழக்கு, மேற்கு கால்வாய் பாசனத்திற்காக 600 கன அடி தண்ணீர் திறக்கப்பட்டுள்ளது. மேட்டூர் அணைக்கான நீர்வரத்து வினாடிக்கு 2,390 கன அடியில் இருந்து 2,060 கன அடியாக குறைந்துள்ளது.