தமிழகத்தில் ஒருநாள் கொரோனா பாதிப்பு 8 ஆயிரத்திற்கு கீழ் குறைந்தது

சென்னை,

தமிழகத்தில் கொரோனா 3-வது அலை உச்சம் பெற்று தற்போது குறையத்தொடங்கியுள்ளது. கடந்த சில நாட்களாகவே தொற்று பாதிப்பு  மளமளவென குறைந்து வருகிறது. அந்த வகையில், இன்று தினசரி கொரோனா பாதிப்பு 8 ஆயிரத்திற்கும் கீழ் குறைந்துள்ளது.  தமிழகத்தில் இன்றைய கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டது. அதன் விவரம் வருமாறு: 

தமிழகத்தில் கடந்த 24 மணி நேரத்தில் 7,524- பேருக்கு கொரோனா தொற்று உறுதி செய்யப்பட்டுள்ளது. இதுவரை கொரோனா உறுதி செய்யப்பட்டவர்கள் எண்ணிக்கை 34 லட்சத்து 04 ஆயிரத்து 762- ஆக உயர்ந்துள்ளது. தொற்றில் இருந்து மேலும் 23 ஆயிரத்து 938- பேர் குணம் அடைந்துள்ளனர்.

 கொரோனா பாதிப்பால் மேலும்  37 பேர் உயிரிழந்துள்ளனர்.  தொற்று பாதிப்பைக் கண்டறிய  கடந்த 24 மணி நேரத்தில் 1 லட்சத்து 26 ஆயிரத்து 701- மாதிரிகள் பரிசோதனை செய்யப்பட்டன. சென்னையில் மேலும் 1,223  பேருக்கு கொரோனா உறுதி செய்யப்பட்டுள்ளது.